കോഴിക്കോട്: നാദാപുരം ഇരിങ്ങണ്ണൂരിൽ വിവാഹ ദിവസം കല്യാണ വീട്ടിൽ നിന്ന് സ്വർണവും പണവും കവർന്നതായി പരാതി. മുടവന്തേരി കീഴില്ലത്ത് ടി.പി. അബൂബക്കറിന്റെ വീട്ടിലാണ് മോഷണം നടന്നത്. കഴിഞ്ഞ ഞായറാഴ്ചയായിരുന്നു അബൂബക്കറിന്റെ മകൻ അബ്ദുൽ സഹലിന്റെ വിവാഹം നടന്നത്. അന്നേദിവസം വൈകിട്ട് 5:30 മുതൽ രാത്രി 1:30 വരെയുള്ള സമയത്തിനിടയിലാണ് മോഷണം നടന്നതെന്നാണ് വിവരം.

ALSO READ: ഭരണഘടനാ ഭേ​ദ​ഗതി ബിൽ അവതരണത്തിനിടെ ലോക്സഭയിൽ കയ്യാങ്കളി: ബിൽ പകർപ്പുകൾ വലിച്ചു കീറി എറിഞ്ഞ് പ്രതിപക്ഷം; സുരക്ഷാ കാരണങ്ങളാൽ അമിത്ഷായുടെ ഇരിപ്പിടം മാറ്റി

വീടിന്റെ മുകൾനിലയിലെ അലമാരയിൽ സൂക്ഷിച്ചിരുന്ന 10 പവൻ സ്വർണവും 6,000 രൂപയുമാണ് നഷ്ടപ്പെട്ടത്. 50,000 രൂപയുടെ പണക്കെട്ടിൽ നിന്ന് 6,000 രൂപ മാത്രം എടുത്ത മോഷ്ടാവ് ബാക്കി തുക അലമാരയിൽ തന്നെ ഉപേക്ഷിച്ചു. ഏകദേശം ഏഴ് ലക്ഷം രൂപ മൂല്യമുള്ള വസ്തുക്കളാണ് മോഷണം പോയത്. അലമാരയുടെ താക്കോൽ അലമാരിക്ക് അടുത്തുതന്നെ വച്ചിരുന്നതായി വീട്ടുകാർ പറഞ്ഞു. സംഭവത്തിൽ കേസ് രജിസ്റ്റർ ചെയ്ത നാദാപുരം പൊലിസ് അന്വേഷണം ആരംഭിച്ചിട്ടുണ്ട്.

A daring theft occurred at a wedding home in Nadapuram's Iringannur, where gold and cash were stolen from the residence of TP Abu Bakar. The incident took place between 5:30 pm and 1:30 am on the day of his son Abdul Sahal's wedding, which was held last Sunday. The stolen items include 10 sovereigns of gold and Rs 6,000 in cash, totaling approximately Rs 7 lakhs. The Nadapuram police have registered a case and launched an investigation into the matter