പാലക്കാട്: വടക്കന്തറയില്‍ സ്‌കൂള്‍ പരിസരത്ത് സ്‌ഫോടക വസ്തു പൊട്ടിത്തെറിച്ചതില്‍ ശക്തമായ അന്വേഷണം ആവശ്യപ്പെട്ട് കെഎസ്‌യു. നാലാം ക്ലാസുകാരന് പരിക്കേല്‍ക്കുകയും ചെയ്തിട്ടുണ്ട്. അന്വേഷണം നടത്തി മാതൃകാപരമായ നടപടി സ്വീകരിക്കണമെന്ന് കെഎസ് യു സംസ്ഥാന ജനറല്‍ സെക്രട്ടറി അജാസ് കുഴല്‍മന്ദം ആവശ്യപ്പെട്ടു. നാടിന്റെ സമാധാന അന്തരീക്ഷം തകര്‍ക്കാനുള്ള ഗൂഢശ്രമങ്ങളെ സമൂഹം ഒറ്റക്കെട്ടായി എതിര്‍ക്കണമെന്നും അജാസ് പറഞ്ഞു. 

സംഭവത്തിന് പിന്നില്‍ ആരാണെന്നത് കണ്ടെത്തണം. സ്‌കൂള്‍ കോമ്പൗണ്ടിനുള്ളില്‍ എങ്ങനെ സ്‌ഫോടക വസ്തു എത്തി എന്നത് ഏറെ ദുരൂഹതകള്‍ വര്‍ധിപ്പിക്കുന്ന കാര്യമാണ്. ആര്‍എസ്എസ് നിയന്ത്രണത്തിലുള്ള മാനേജ്‌മെന്റാണ് സ്‌കൂള്‍ നിയന്ത്രിക്കുന്നത്. അത് സംഭവത്തിന്റെ ദുരൂഹത വര്‍ധിപ്പിക്കുന്നുണ്ട്. കുട്ടികള്‍ പഠിക്കുന്ന വിദ്യാലയങ്ങളില്‍ അശാന്തിയുടെ ഭീതി പടര്‍ത്തുന്നവരെ ഒറ്റപ്പെടുത്തണം. സ്‌കൂളുകളെ തീവ്രവാദ പ്രവര്‍ത്തനത്തിന്റെ ഇടങ്ങളായി ആരെങ്കിലും കാണുന്നുണ്ടെങ്കില്‍ അവരെ നിയമത്തിന് മുന്‍പില്‍ കൊണ്ടുവരണം,' അജാസ് കൂട്ടിച്ചേര്‍ത്തു. 

ALSO READ: വിദ്വേഷ പ്രസംഗം ആരോപിച്ച് കേസെടുത്ത് യുപി പൊലിസ് ജയിലിലടച്ചു; ഒടുവില്‍ ഹൈക്കോടതി കേസ് റദ്ദാക്കി, അബ്ബാസ് അന്‍സാരിയുടെ എംഎല്‍എ പദവി പുനഃസ്ഥാപിക്കും

KSU demands strong investigation in school compound blast incident palakkad