പാലക്കാട്: രാഹുല്‍ മാങ്കൂട്ടത്തില്‍ എംഎല്‍എക്കെതിരെ പ്രതിഷേധവുമായി ബിജെപി. നടിയുടെ വെളിപ്പെടുത്തല്‍ രാഹുല്‍ മാങ്കൂട്ടത്തിലിന് എതിരെയാണെന്ന് ആരോപിച്ചാണ് ബിജെപി പ്രതിഷേധം. എംഎല്‍എയുടെ ഓഫീസിലേക്ക് ബിജെപി മാര്‍ച്ച് നടത്തി. രാഹുലിന്റെ രാജി ആവശ്യപ്പെട്ടുകൊണ്ടാണ് മാര്‍ച്ച്. 

പ്രതിഷേധ മാര്‍ച്ച് പൊലിസ് തടഞ്ഞു. തുടര്‍ന്ന് പ്രദേശത്ത് സംഘര്‍ഷാവസ്ഥയുണ്ടായി. പൊലിസും ബിജെപി പ്രവര്‍ത്തകരും തമ്മില്‍ ഉന്തും തള്ളുമുണ്ടായി. പൊലിസ് പ്രവര്‍ത്തകരെ അറസ്റ്റ് ചെയ്ത് നീക്കി. യുവനടിയുടെ ആരോപണം രാഹുല്‍ മാങ്കൂട്ടത്തിലിനെതിരെയാണെന്ന് അരിയാഹാരം കഴിക്കുന്ന ആര്‍ക്കും മനസിലാകുന്ന കാര്യമാണെന്നും, എംഎല്‍എ സ്ഥാനം രാജിവെക്കണമെന്നും ബിജെപി നേതാവ് സി കൃഷ്ണകുമാര്‍ ആവശ്യപ്പെട്ടു. 

ALSO READ: ബിജെപി ഇതര സംസ്ഥാന സർക്കാരുകളെ വേട്ടയാടാനുള്ള പുതിയ കുതന്ത്രമാണ് സംഘപരിവാർ പ്രയോഗിക്കുന്നത്: 130ാം ഭരണഘടന ഭേദഗതി ബില്ലിനെതിരെ പിണറായി വിജയൻ

യുവ രാഷ്ട്രീയ നേതാവ് അശ്ലീല സന്ദേശമയച്ചെന്ന് ആരോപിച്ച് പുതുമുഖ നടി റിനി ജോര്‍ജാണ് രം​ഗത്തെത്തിയത്. ഇത് രാഹുൽ മാങ്കൂട്ടത്തിലിനെതിരെയാണെന്ന് ബിജെപി ആരോപിക്കുന്നു. മൂന്നര വര്‍ഷം മുന്‍പാണ് തനിക്ക് ആദ്യമായി ദുരനുഭമുണ്ടായതെന്നും റിനി മാധ്യമങ്ങളോട് പ്രതികരിച്ചിരുന്നു. എന്നാൽ കുറ്റവാളി ആരാണെന്ന് വെളിപ്പെടുത്താൻ നടി തയ്യാറായതുമില്ല. 

റിനിയുടെ വാക്കുകൾ,

സോഷ്യൽ മീഡിയ വഴിയാണ് യുവനേതാവുമായി താൻ പരിചയപ്പെട്ടത്. തുടക്കം മുതൽ മോശം മെസേജുകൾ അയച്ച് ശല്യം ചെയ്തിരുന്നു. മൂന്നര വര്‍ഷം മുന്‍പാണ് ആദ്യമായി മെസേജ് അയച്ചത്. പാര്‍ട്ടി നേതാക്കളുടെ ഭാര്യമാര്‍ക്കും ഇയാളില്‍ നിന്ന് ദുരനുഭവമുണ്ടായി. എന്നോട് മോശമായി പെരുമാറിയതിന് ശേഷമാണ് അയാള്‍ ജനപ്രതിനിധിയായത്. എന്റെ പരാതികള്‍ പരിഗണിക്കാതെ അയാള്‍ക്ക് പുതിയ സ്ഥാനങ്ങള്‍ ലഭിച്ചു. പലതവണ ഉപദേശിച്ചു. വഴക്ക് പറഞ്ഞിട്ടും മാറ്റമുണ്ടായില്ല. പരാതി നല്‍കുമെന്ന് പറഞ്ഞപ്പോള്‍ എന്നെ പുച്ഛിച്ചു. പരാതികള്‍ അവഗണിച്ച് പദവികള്‍ നല്‍കുന്നത് കണ്ടാണ് ഞാന്‍ തുറന്ന് പറയുന്നത്. റീല്‍സ് കണ്ട് സ്ഥാനാര്‍ഥിയാക്കരുത്. അവര്‍ എന്താണെന്ന് നമ്മള്‍ മനസിലാക്കണം,' 

നേതാവിൻറെ പേരോ ഏത് പ്രസ്ഥാനമാണെന്നോ വെളിപ്പെടുത്താൻ തയ്യാറല്ല. പരാതിയുള്ളവർ അതുമായി മുന്നോട്ടു പോകട്ടെ. പറയേണ്ട സ്ഥലങ്ങളിൽ എല്ലാം പരാതി അറിയിച്ചിട്ടുണ്ട്. പക്ഷേ അതിനുശേഷവും അയാൾക്ക് സ്ഥാനമാനങ്ങൾ ലഭിച്ചു. പ്രമാദമായ പീഡനകേസുകളിൽ ഉൾപ്പെട്ട നേതാക്കൾക്ക് എന്തു സംഭവിച്ചുവെന്ന് ഈ നേതാവ് ചോദിച്ചു. ഇയാൾ ഉൾപ്പെട്ട പ്രസ്ഥാനം ഇനിയെങ്കിലും ഉത്തരവാദിത്തം കാണിക്കണം. ഹൂ കെയേഴ്സ് എന്ന് തന്നെയാണ് അയാളുടെ ഇപ്പോഴത്തെയും നിലപാട്. പേരു പറഞ്ഞാലും നീതി കിട്ടാൻ പോണില്ല,' റിനി വെളിപ്പെടുത്തി. 

bjp conduct protest against rahul mamkoottathil mla