മംഗളൂരു: ഒരുമിച്ച് മദ്യപിക്കുന്നതിനിടെ മകന്‍ പിതാവിനെ കുത്തിക്കൊന്നു. ചിക്കമംഗളൂരു ജില്ലയില്‍ ആല്‍ദൂരിനടുത്ത ഗുപ്ത ഷെട്ടിഹള്ളിയിലാണ് സംഭവം. മദ്യലഹരിയില്‍ മകന്‍ മഞ്ജന്‍ (21) ആണ് പിതാവ് ജിഎസ് മഞ്ചുനാഥനെ (51) കൊലപ്പെടുത്തിയത്. പ്രതിയെ പൊലിസ് പിടികൂടി. 

മഞ്ചുനാഥും മകനും വളരെ അടുത്ത ബന്ധത്തിലായിരുന്നെന്നാണ് സമീപവാസികളുടെ മൊഴി. ഇരുവരും ഒരുമിച്ച് മദ്യപിക്കാറുമുണ്ടായിരുന്നു. കഴിഞ്ഞ രാത്രി മദ്യസല്‍ക്കാരത്തിനിടെ ഇരുവരും തമ്മില്‍ ചെറിയ വാക്കുതര്‍ക്കമുണ്ടായി. അത് പിന്നീട് രൂക്ഷമാവുകയും മകന്‍ പിതാവിനെ മൂര്‍ച്ചയേറിയ കത്തി ഉപയോഗിച്ച് ആക്രമിക്കുകയും ചെയ്തു. 

ചെറിയ പരിക്കാണെന്ന് കരുതി മഞ്ചുനാഥിന്റെ ഭാര്യ മുറിവില്‍ മഞ്ഞള്‍പ്പൊടി പുരട്ടി കെട്ടിവെച്ചു. എന്നാല്‍ ആഴത്തിലുള്ള മുറിവ് മൂലം രാത്രിയോടെ കനത്ത രക്തസ്രാവമുണ്ടാവുകയും ഉറക്കത്തില്‍ മഞ്ചുനാഥ് മരിക്കുകയും ചെയ്തു. 

ALSO READ: ഒരുമിച്ച് മദ്യപിക്കുന്നതിനിടെ വാക്കുതര്‍ക്കം; മകന്റെ കുത്തേറ്റ് പിതാവ് മരിച്ചു

സംഭവം പുറത്തറിഞ്ഞതോടെ നാട്ടുകാരെ കബളിപ്പിച്ച് രക്ഷപ്പെടാനാണ് മകന്‍ ആദ്യം ശ്രമിച്ചത്. അമ്മയും അച്ഛനും തമ്മില്‍ വഴക്കുണ്ടായെന്നും അത് തടയാന്‍ ശ്രമിക്കുന്നതിനിടെ അബദ്ധത്തില്‍ പിതാവിന് പരിക്കേറ്റെന്നുമാണ് ഇയാള്‍ ആദ്യം പറഞ്ഞത്. മറ്റ് ചിലരോട് അസുഖം മൂലം പിതാവ് മരിച്ചെന്നും മകന്‍ പറഞ്ഞ് പരത്തി. 

എന്നാല്‍ രഹസ്യ വിവരത്തെ തുടര്‍ന്ന് ആല്‍ദൂര്‍ പൊലിസ് സംഭവ സ്ഥലത്തെത്തുകയും വിശദമായ പരിശോധന നടത്തുകയും ചെയ്തു. മകനെ കസ്റ്റഡിയിലെടുത്ത് ചോദ്യം ചെയ്തതോടെയാണ് കൊലപാതക വിവരം പുറത്തായത്.

In Chikkamagaluru, a 21-year-old son murdered his father during a drinking session. Police arrested the accused.