ന്യൂഡൽഹി: ഡൽഹിയിലെ ദര്യഗഞ്ചിലെ സദ്ഭാവന പാർക്കിന് സമീപം മൂന്ന് നില കെട്ടിടം തകർന്നുവീണ് മൂന്ന് പേർ മരിച്ചു. ഇന്ന് ഉച്ചയ്ക്ക് 12:14-ന് ദാരുണ സംഭവം. ഡൽഹി ഫയർ സർവീസ് (ഡിഎഫ്എസ്) ഉദ്യോഗസ്ഥൻ മരണങ്ങൾ സ്ഥിരീകരിച്ചു. അപകടത്തിൽ അവശിഷ്ടങ്ങൾക്കിടയിൽ കുടുങ്ങിയ മൂന്ന് പേരെ രക്ഷപ്പെടുത്തി ആശുപത്രിയിൽ പ്രവേശിപ്പിച്ചതായും ഉദ്യോ​ഗസ്ഥൻ വ്യക്തമാക്കി.

സംഭവത്തെക്കുറിച്ചുള്ള വിവരം ലഭിച്ച ഉടൻ നാല് ഫയർ ടെൻഡറുകൾ സ്ഥലത്തെത്തി രക്ഷാപ്രവർത്തനം ആരംഭിച്ചു. ഡൽഹി ദുരന്ത നിവാരണ അതോറിറ്റി (ഡിഡിഎംഎ) ഉൾപ്പെടെയുള്ള അധികാരികളെ വിവരമറിയിച്ചിട്ടുണ്ട്. തകർച്ചയുടെ കാരണം ഇതുവരെ കണ്ടെത്താനായിട്ടില്ലെന്നും വസ്തുതകൾ പരിശോധിച്ച ശേഷം നിയമനടപടികൾ സ്വീകരിക്കുമെന്നും പൊലിസ് അറിയിച്ചു. അപകടത്തിൽ പരുക്കേറ്റവരുടെ എണ്ണവും നാശനഷ്ടത്തിന്റെ വ്യാപ്തിയും ഇതുവരെ വ്യക്തമല്ല. രക്ഷാപ്രവർത്തനം ഇപ്പോഴും തുടരുകയാണ്.

ALSO READ: കേന്ദ്രമന്ത്രിയുടെ ഔദ്യോഗിക വസതിക്ക് സമീപം കത്തിക്കരിഞ്ഞ നിലയിൽ 43 വോട്ടർ ഐഡി കാർഡുകൾ: നശിപ്പിക്കാനുള്ള ശ്രമമായിരുന്നുവെന്ന് സൂചന; ദൂരൂ​ഹത

കഴിഞ്ഞ ജൂലൈ 12-ന് ഡൽഹിയിലെ വെൽക്കം ഏരിയയിൽ അനധികൃതമായി നിർമിച്ച നാല് നില കെട്ടിടം തകർന്ന് ഒരു കുടുംബത്തിലെ ആറ് പേർ മരിച്ച സംഭവത്തിന് ഒരു മാസത്തിന് ശേഷമാണ് ഈ ദുരന്തം. വെൽക്കം ജന്ത കോളനിയിലെ അപകടത്തിൽ എട്ട് പേർക്ക് പരുക്കേറ്റിരുന്നു. തകർച്ചയിൽ സമീപത്തെ കെട്ടിടങ്ങൾക്കും വ്യാപകമായ നാശനഷ്ടമുണ്ടായി. ഏകദേശം 40 വർഷം പഴക്കമുള്ള ആ കെട്ടിടം അഞ്ച് വർഷം മുമ്പാണ് നവീകരിച്ചിരുന്നത്.

ALSO READ: ജനസമ്പർക്ക പരിപാടിക്കിടെ ഡൽഹി മുഖ്യമന്ത്രി രേഖ ഗുപ്തയ്ക്ക് നേരെ ആക്രമണം; ഒരാൾ അറസ്റ്റിൽ

A three-story building collapsed near Sadbhawna Park in Daryaganj, central Delhi, on Wednesday, killing three people. Three others were rescued from the debris and rushed to a hospital. Rescue operations are ongoing, and the cause of the collapse remains under investigation