പാലക്കാട്: കോൺഗ്രസ് നേതാവും പാലക്കാട് എംഎൽഎയുമായ രാഹുൽ മാങ്കൂട്ടത്തിലിനെതിരായ പുറത്ത് വന്ന ശബ്ദരേഖയ്ക്ക് പിന്നിൽ ബിജെപി ഗൂഢാലോചന നടത്തിയതായി സംശയമുണ്ടെന്ന് കോൺഗ്രസ് നേതാവ് സന്ദീപ് വാര്യർ. ആരോപണവുമായി ബന്ധപ്പെട്ട് വിശദമായ അന്വേഷണം വേണമെന്നും അദ്ദേഹം ആവശ്യപ്പെട്ടു. പാലക്കാട് ജില്ലാ അധ്യക്ഷനുമായി സംസാരിച്ചതായി ആരോപണം ഉന്നയിച്ചവർ വ്യക്തമാക്കിയിട്ടുണ്ട്. ജില്ലാ അധ്യക്ഷന്റെ പൂർവകാല ചരിത്രം പരിശോധിക്കണമെന്നും യുവമോർച്ചയിൽ നിന്ന് മാറ്റിനിർത്തിയതിന്റെ കാരണം വ്യക്തമാക്കണമെന്നും സന്ദീപ് വാര്യർ ആവശ്യപ്പെട്ടു.

ALSO READ: ജോലിചെയ്യുന്ന വീട്ടിലെ പാത്രങ്ങൾ മൂത്രം കൊണ്ട് കഴുകിയ ജോലിക്കാരി ഒളിക്യാമറയിൽ കുടുങ്ങി; ഞെട്ടൽ മാറാതെ വീട്ടുകാർ

വിവാദത്തിന് മുൻപ് ട്രാൻസ് വനിതയായ അവന്തിക തനിക്ക് ഒരു സ്ക്രീൻഷോട്ട് അയച്ചിരുന്നതായി പ്രശാന്ത് ശിവൻ വാർത്താസമ്മേളനത്തിൽ വെളിപ്പെടുത്തി. ആരോപണവുമായി ധൈര്യമായി മുന്നോട്ടുപോകാൻ താൻ അവന്തികയോട് പറഞ്ഞിരുന്നതായും പ്രശാന്ത് വ്യക്തമാക്കി. ‌‌എന്നാൽ അവന്തികയുടെ ആരോപണങ്ങൾ നിഷേധിച്ച് രാഹുൽ മാങ്കൂട്ടത്തിൽ രംഗത്തെത്തി. തന്നെ കുടുക്കാൻ ശ്രമം നടക്കുന്നുവെന്ന് അദ്ദേഹം ആരോപിച്ചു. തനിക്ക് മോശം അനുഭവമുണ്ടായിട്ടില്ലെന്ന് അവന്തിക ഒരു ചാനൽ റിപ്പോർട്ടറോട് പറയുന്ന ഫോൺ കോളിന്റെ ഓഡിയോ ക്ലിപ്പ് രാഹുൽ പുറത്തുവിട്ടിരുന്നു.

ALSO READ: വാടകയ്ക്ക് വീട് എടുക്കും; ഉടമ അറിയാതെ പണയത്തിന് നല്കി പണം തട്ടും: കോഴിക്കോട് തട്ടിപ്പ് നടത്തിയ രണ്ട് പേർ പിടിയിൽ

ഇതിനോട് പ്രതികരിച്ച അവന്തിക, രാഹുൽ പുറത്തുവിട്ട ഓഡിയോ ക്ലിപ്പ് തന്റേത് തന്നെയാണെന്ന് സ്ഥിരീകരിച്ചു. മാധ്യമപ്രവർത്തകനുമായി സംസാരിച്ച ദിവസം വിവാദങ്ങൾ ഉയർന്നിരുന്നില്ലെന്നും ആ സമയത്ത് തനിക്ക് ഭയമുണ്ടായിരുന്നുവെന്നും അവന്തിക വ്യക്തമാക്കി. ഒരു നടിയുടെ വെളിപ്പെടുത്തലിന് ശേഷമാണ് തനിക്ക് പ്രതികരിക്കാൻ ധൈര്യം ലഭിച്ചതെന്നും രാഹുൽ ഇപ്പോഴും ഭീഷണിസ്വരത്തിൽ സംസാരിക്കുന്നുവെന്നും അവന്തിക ആരോപിച്ചു.

ALSO READ: പെരിയ ഇരട്ട കൊലക്കേസ്: പ്രതികൾക്ക് പരോൾ അനുവദിച്ചതിനെതിരെ കോൺഗ്രസ് മാർച്ചിൽ സംഘർഷം

Congress leader Sandeep Varier suspects a BJP conspiracy behind the audio clip controversy involving Rahul Mankoothathil and demands an investigation. Varier called for scrutiny of the Palakkad district president's past and reasons for his removal from Yuva Morcha. Trans woman Avanthika confirmed the audio clip released by Rahul, stating she was scared initially but gained courage to respond after an actress's revelation.