ബല്ലിയ: ഉത്തർപ്രദേശിലെ ബല്ലിയയിൽ വൈദ്യുതി വകുപ്പ് ഓഫീസിൽ ദളിത് എഞ്ചിനീയറെ ബിജെപി പ്രവർത്തകർ ക്രൂരമായി ആക്രമിച്ചു. സംഭവത്തിന്റെ വീഡിയോ സമൂഹമാധ്യമങ്ങളിൽ പ്രചരിച്ചതിന് പിന്നാലെ ബിജെപിക്കെതിരെ വ്യാപകമായി രൂക്ഷ വിമർശനം ഉയർന്നു. ബിജെപിയുടെ മുൻ മണ്ഡൽ പ്രസിഡന്റ് മുന്ന ബഹാദൂർ സിംഗിന്റെ നേതൃത്വത്തിൽ ഏകദേശം 25 ഓളം പ്രവർത്തകരാണ് ഓഫീസിൽ അതിക്രമിച്ച് കയറി എഞ്ചിനീയർ ലാൽ സിംഗിനെ ആക്രമിച്ചത്.

ഒരു സംഘം ബിജെപി പ്രവർത്തകർ ഓഫീസ് മുറിയിൽ വെച്ച് ആക്രോശിക്കുന്നതും ഉദ്യോഗസ്ഥന്റെ മേശയ്ക്ക് പിന്നിൽ നിൽക്കുന്ന ലാൽ സിംഗിനെ ഒരാൾ ചെരുപ്പ് ഊരി ആക്രമിക്കുന്നതും വീഡിയോയിൽ കാണാം. മറ്റുള്ളവർ തടയാൻ ശ്രമിച്ചെങ്കിലും, ബിജെപി പ്രവർത്തകർ ചെരുപ്പുകൊണ്ട് എഞ്ചിനീയറെ അടിക്കുകയായിരുന്നു. ജാതീയമായ അധിക്ഷേപം നടത്തിയതായും ആരോപണമുണ്ട്. എഞ്ചിനീയറുടെ പരാതിയിൽ ബിജെപി പ്രവർത്തകർക്കെതിരെ കേസെടുത്തു. വ്യക്തമായ കാരണമില്ലാതെയാണ് ബിജെപി പ്രവർത്തകർ ഓഫീസിൽ അതിക്രമിച്ച് കയറി ആക്രമണം അഴിച്ചുവിട്ടതെന്ന് പരാതിയിൽ പറയുന്നു. 

In UP's Ballia, a BJP leader identified as Munna Bahadur Singh attacked with slipper Lal Singh, a Dalit and power department engineer in his office. pic.twitter.com/3Q5b0nUkir

— Piyush Rai (@Benarasiyaa) August 23, 2025

ALSO READ: ജോലിചെയ്യുന്ന വീട്ടിലെ പാത്രങ്ങൾ മൂത്രം കൊണ്ട് കഴുകിയ ജോലിക്കാരി ഒളിക്യാമറയിൽ കുടുങ്ങി; ഞെട്ടൽ മാറാതെ വീട്ടുകാർ

ആക്രമണത്തിൽ പരുക്കേറ്റ എഞ്ചിനീയറും സഹപ്രവർത്തകരും ജില്ലാ ആശുപത്രിയിൽ ചികിത്സ തേടി. അതേസമയം, സമീപ ഗ്രാമങ്ങളിലെ വൈദ്യുതി തടസ്സത്തെക്കുറിച്ച് പരാതി പറയാൻ ചെന്നപ്പോൾ എഞ്ചിനീയർ അധിക്ഷേപിച്ചെന്നും പരാതി കേൾക്കാൻ തയ്യാറായില്ലെന്നും ബിജെപി പ്രവർത്തകർ ആരോപിച്ചതായി പ്രാദേശിക മാധ്യമങ്ങൾ റിപ്പോർട്ട് ചെയ്തു. സംഭവം സമൂഹമാധ്യമങ്ങളിൽ വലിയ ചർച്ചയായി മാറിയതോടെ, ബിജെപിക്കെതിരെ രൂക്ഷ വിമർശനം ഉയർന്നിട്ടുണ്ട്.

In Ballia, Uttar Pradesh, a group of BJP workers, led by former Mandal President Munna Bahadur Singh, allegedly attacked Dalit engineer Lal Singh in his electricity department office. A viral video shows one worker hitting the engineer with a slipper while others shouted, with claims of casteist slurs.