കണ്ണൂർ: പെരുമ്പുന്നയിൽ ടൂറിസ്റ്റ് ട്രാവലർ മറിഞ്ഞ് 10 പേർക്ക് പരുക്കേറ്റു. കൂത്തുപറമ്പ് മെരുവമ്പായി സ്വദേശികൾ സഞ്ചരിച്ച വാഹനമാണ് ഇന്ന് രാത്രി 8 മണിയോടെ പാലപ്പുഴ–പെരുമ്പുന്ന മലയോര ഹൈവേയിൽ അപകടത്തിൽപ്പെട്ടത്. ഗുണ്ടൽപ്പേട്ടിൽനിന്ന് മടങ്ങുകയായിരുന്നു ഇവർ.

റോഡരികിലെ ഇലക്ട്രിക് പോസ്റ്റിൽ ഇടിച്ച ശേഷം വാഹനം താഴ്ചയിലേക്ക് തലകീഴായി മറിയുകയായിരുന്നു. പരുക്കേറ്റവരിൽ രണ്ടുപേരുടെ നില ഗുരുതരമാണ്. ഇവരെ കണ്ണൂരിലെ ആശുപത്രിയിൽ പ്രവേശിപ്പിച്ചു. മറ്റ് പരുക്കേറ്റവരെ ഇരിട്ടിയിലെ ആശുപത്രിയിൽ ചികിത്സയ്ക്കായി മാറ്റി.

ALSO READ: രാഹുൽ മാങ്കൂട്ടത്തിലിന്റെ രാജി: സസ്പെൻഷന് മുൻഗണന; അന്തിമ തീരുമാനം നാളെ 

അപകടത്തിന്റെ ശബ്ദം കേട്ടെത്തിയ നാട്ടുകാർ രക്ഷാപ്രവർത്തനം ആരംഭിച്ചു. തുടർന്ന് ഫയർഫോഴ്സ് സംഘം സ്ഥലത്തെത്തി ശ്രമകരമായ പ്രവർത്തനങ്ങളിലൂടെ വാഹനത്തിലുണ്ടായിരുന്നവരെ പുറത്തിറക്കി. അപകടകാരണം അന്വേഷിക്കാൻ പൊലിസ് കേസെടുത്തു.

ALSO READ: ജോലിചെയ്യുന്ന വീട്ടിലെ പാത്രങ്ങൾ മൂത്രം കൊണ്ട് കഴുകിയ ജോലിക്കാരി ഒളിക്യാമറയിൽ കുടുങ്ങി; ഞെട്ടൽ മാറാതെ വീട്ടുകാർ

In Kannur, a traveler vehicle overturned on the Palappuzha-Perumpunna hill highway, injuring 10 people. The accident occurred around 8 PM when the vehicle, carrying residents of Meruvampayi, Kuthuparamba, hit an electric pole and fell into a ditch. Two individuals sustained serious injuries and were admitted to a hospital in Kannur, while others were shifted to Iritty for treatment. Local residents and fire services conducted rescue operations.