മസ്‌കത്ത്: ഒമാന്റെ തലസ്ഥാനമായ മസ്‌കത്തിൽ നിന്ന് കോഴിക്കോട് ഉൾപ്പെടെയുള്ള ഇന്ത്യയിലെ പ്രധാന നഗരങ്ങളിലേക്ക് 19.99 ഒമാനി റിയാൽ മുതൽ ടിക്കറ്റ് നിരക്കുകൾ പ്രഖ്യാപിച്ച് സലാം എയർ. പ്രമുഖ ഒമാൻ ബജറ്റ് എയർലൈനായ സലാം എയറിന്റെ ബ്രേക്കിംഗ് ഫെയർസ് പ്രമോഷന്റെ ഭാഗമായാണ് ഈ സുവർണാവസരം.

ALSO READ: യുഎഇയുടെ വഴിയേ ഒമാനും; നിക്ഷേപകരെ ആകർഷിക്കാൻ ഗോൾഡൻ വിസയും മറ്റു വമ്പൻ പദ്ധതികളും അവതരിപ്പിക്കുന്നു 

അഞ്ച് ദിവസത്തേക്ക് മാത്രമാകും ഓഫർ ലഭ്യമാകുക. ആഗസ്റ്റ് 24 മുതൽ ആഗസ്റ്റ് 28 വരെ ടിക്കറ്റ് ബുക്ക് ചെയ്യുന്നവർക്ക് ഈ വർഷം ഒക്ടോബർ 1നും നവംബർ 30നും ഇടയിൽ ഈ ഓഫറിൽ യാത്ര ചെയ്യാനാകും. ബ്രേക്കിംഗ് ഫെയേഴ്‌സ് പ്രമോഷന്റെ ഭാ​ഗമായാണ് സലാം എയർ വളരെ കുറഞ്ഞ നിരക്കിൽ വൺവേ ടിക്കറ്റുകൾ വാഗ്ദാനം ചെയ്യുന്നത്. 19.99 ഒമാനി റിയാൽ മുതലാണ് ഓഫർ ആരംഭിക്കുന്നത്. 

കോഴിക്കോടിന് പുറമേ ഹൈദരാബാദ്, ബെംഗളൂരു, ചെന്നൈ, ജയ്പൂർ, ഡൽഹി എന്നീ ന​ഗരങ്ങളിലേക്കുമാകും ഈ ഓഫറിൽ യാത്ര ചെയ്യാനാവുക. ദോഹ, ദുബൈ, കുവൈത്ത്, ദമാം എന്നീ പ്രധാന ഗൾഫ് നഗരങ്ങളിലേക്കും കുറഞ്ഞ നിരക്കിൽ ടിക്കറ്റ് ലഭ്യമാകും. 

ALSO READ: ഒമാനിലെ ആഡംബര വസതി വിറ്റുപോയത് 45 കോടി രൂപയ്ക്ക് 

കുറഞ്ഞ നിരക്കിൽ കുടുംബങ്ങൾക്കും വിദ്യാർത്ഥികൾക്കും ബിസിനസ്സ് യാത്രക്കാർക്കും അവധിക്കാലം ആഘോഷിക്കുന്നവർക്കും ഒരുപോലെ പ്രയോജനപ്പെടുത്താനാകുന്നതാണ് സലാം എയറിന്റെ ഈ ഓഫർ. മേഖലയിൽ ജോലി ചെയ്യുന്ന പല പ്രവാസികൾക്കും നാട്ടിലെത്താൻ പലപ്പോഴും ഉയർന്ന സാമ്പത്തിക ബാധ്യതകൾ വഹിക്കേണ്ടി വരാറുണ്ട്. അത്തരക്കാരെ സംബന്ധിച്ച് സുവർണാവസരമാണ് ഇപ്പോഴുള്ളത്. കൂടുതൽ വിവരങ്ങൾക്ക് സലാം എയർ വെബ്സൈറ്റ് (www.salamair.com) സന്ദർശിക്കുക.

Salam Air has announced a limited-time promotion offering one-way fares from Muscat to several Indian destinations, including Bangalore, Calicut, Chennai, Delhi, and Hyderabad, starting from as low as 19.99 Omani Rial. This "Breaking Fares" campaign includes 5kg of hand luggage under the airline's Lite fare category.