തിരുവനന്തപുരം: കോൺഗ്രസ് നേതാവും പാലക്കാട് എംഎൽഎയുമായ രാഹുൽ മാങ്കൂട്ടത്തിലിന്റെ എംഎൽഎ സ്ഥാനം രാജിവയ്ക്കാൻ സാധ്യത കുറവെന്ന് സൂചന. രാജിയേക്കാൾ പാർട്ടിയിൽ നിന്നുള്ള സസ്പെൻഷനാണ് നേതൃത്വം മുൻഗണന നൽകുന്നതെന്നാണ് വിവരം. ഇതുസംബന്ധിച്ച അന്തിമ തീരുമാനം നാളെ രാവിലെ ഉണ്ടായേക്കും. പാലക്കാട് ​ വീണ്ടും ഒരു ഉപതെരഞ്ഞെടുപ്പിന്റെ ഭീതിയാണ് രാജിക്ക് പ്രധാന തടസ്സമായി വിലയിരുത്തപ്പെടുന്നത്. രാഹുൽ രാജിവയ്ക്കുകയാണെങ്കിൽ പാലക്കാട് രണ്ട് ഉപതെരഞ്ഞെടുപ്പുകൾ പാർട്ടിക്ക് തന്നെ തിരിച്ചടിയാകുമെന്ന ആശങ്ക നേതാക്കൾക്കിടയിൽ നിലനിൽക്കുന്നുണ്ട്.

അതേസമയം, രാഹുലിന്റെ രാജി ആവശ്യപ്പെട്ട് കടുത്ത നിലപാട് സ്വീകരിച്ചിരുന്ന ചില നേതാക്കൾ നിലപാട് മയപ്പെടുത്തുന്നതായും റിപ്പോർട്ടുകൾ സൂചിപ്പിക്കുന്നു. എന്നാൽ, പാർട്ടിയുടെ പ്രതിച്ഛായ വീണ്ടെടുക്കാൻ രാഹുലിന്റെ രാജി അനിവാര്യമാണെന്നാണ് ഭൂരിപക്ഷം നേതാക്കളുടെ അഭിപ്രായം. രാജി വയ്ക്കാൻ തയ്യാറല്ലെങ്കിൽ പാർട്ടിയിൽ നിന്ന് പുറത്താക്കണമെന്നാണ് ഒരു വിഭാഗം നേതാക്കൾ ആവശ്യപ്പെടുന്നത്.

ALSO READ: ഡൽഹി മെട്രോയിൽ സീറ്റിന് വേണ്ടി യുവതികളുടെ പൊരിഞ്ഞ തല്ല്: വീഡിയോ സമൂഹമാധ്യമത്തിൽ വൈറൽ

വിഷയത്തിൽ കെപിസിസി പ്രസിഡന്റ് സണ്ണി ജോസഫ്, ഹൈക്കമാൻഡിന്റെ നിർദേശപ്രകാരം പ്രമുഖ നേതാക്കളുമായി കൂടിയാലോചന തുടരുകയാണ്. "ഉചിതമായ തീരുമാനം ഉചിതമായ സമയത്ത് ഉണ്ടാകും," എന്ന് സണ്ണി ജോസഫ് വ്യക്തമാക്കി. പാർട്ടിക്ക് ഇനിയും കൂടുതൽ വെളിപ്പെടുത്തലുകൾ ക്ഷതമുണ്ടാക്കുമെന്നതിനാൽ രാജി ആവശ്യമാണെന്ന് പ്രവർത്തക സമിതി അംഗം രമേശ് ചെന്നിത്തലയും സംസ്ഥാന ചുമതലയുള്ള എഐസിസി നേതാവ് ദീപ ദാസ് മുൻഷിയും സണ്ണി ജോസഫിനെ അറിയിച്ചു. മുൻ കെപിസിസി പ്രസിഡന്റ് വി.എം. സുധീരനും രാഹുലിന്റെ രാജി പാർട്ടിക്ക് ഗുണകരമാകുമെന്ന് ഹൈക്കമാൻഡിനെ അറിയിച്ചിട്ടുണ്ട്. "വിഴുപ്പ് ചുമക്കേണ്ട ആവശ്യം പാർട്ടിക്കില്ല," എന്ന് പറഞ്ഞ ജോസഫ് വാഴയ്ക്കൻ രാഹുലിനെതിരെ തുറന്നടിച്ചു. എന്നാൽ, പ്രതിപക്ഷ നേതാവ് ഇക്കാര്യത്തിൽ മാധ്യമങ്ങളോട് പ്രതികരിച്ചില്ല.

ALSO READ: ജോലിചെയ്യുന്ന വീട്ടിലെ പാത്രങ്ങൾ മൂത്രം കൊണ്ട് കഴുകിയ ജോലിക്കാരി ഒളിക്യാമറയിൽ കുടുങ്ങി; ഞെട്ടൽ മാറാതെ വീട്ടുകാർ

Congress MLA Rahul Mankootathil is unlikely to resign. with the party prioritizing suspension over resignation. A final decision is expected tomorrow morning. The fear of by-elections in Palakkad is a key factor, as two by-elections could harm the party. While some leaders soften their stance, most insist Rahul's resignation is essential to restore the party's image. KPCC President Sunny Joseph is consulting with leaders, stating a decision will be made at the right time