കൊച്ചി: ഓണത്തിന്റെ ആഘോഷനാളുകളിൽ കേരളത്തിന്റെ സാംസ്കാരിക പൈതൃകത്തെ ആദരിച്ച് JSW എംജി മോട്ടോർസ് വ്യത്യസ്തമായൊരു ഓണപ്പൂക്കളം ഒരുക്കി. തുമ്പപ്പൂവിന് പകരം 'വിൻഡ്സർ ഇവി' അടക്കമുള്ള 306 കാറുകൾ ഉപയോഗിച്ച് ഗ്രാൻഡ് ഹയാത്ത് ബോൾഗാട്ടിയിൽ 'കാർക്കളം' തീർത്താണ് എംജി മോട്ടോർസ് ഏഷ്യ ബുക്ക് ഓഫ് റെക്കോർഡ്സിൽ ഇടം നേടിയത്. കേരളത്തിലെ എംജി വാഹന ഉടമകളും ഡീലർഷിപ്പുകളും ഈ പരിശ്രമം ഒരുമിച്ചാണ് നടത്തിയത്.  

ഓണക്കാലത്ത് ഉപഭോക്താക്കൾക്കായി എംജി ആകർഷകമായ ഓഫറുകളും ഇതിനോടകം പ്രഖ്യാപിച്ചിട്ടുണ്ട്. എംജി ഹെക്ടർ, ഗ്ലോസ്റ്റർ, ആസ്റ്റർ, കോമറ്റ്, ZS ഇവി തുടങ്ങിയ മോഡലുകൾക്ക് ക്യാഷ് ഡിസ്കൗണ്ട്, എക്സ്ചേഞ്ച് ബോണസുകൾ, പ്രത്യേക ഓഫറുകൾ എന്നിവ ലഭ്യമാണ്. കഴിഞ്ഞ വർഷത്തെ അപേക്ഷിച്ച് ഈ ഓണക്കാലത്ത് വിൽപ്പനയിൽ ഇരട്ടി വളർച്ച കമ്പനി രേഖപ്പെടുത്തിയതായി JSW എംജി മോട്ടോർ ഇന്ത്യയുടെ മാർക്കറ്റിംഗ് മേധാവി ഉദിത് മൽഹോത്ര വ്യക്തമാക്കി. "കേരളത്തിൽ നിന്ന് എല്ലാ വർഷവും മികച്ച പ്രതികരണമാണ് ലഭിക്കുന്നതെന്നും അദ്ദേഹം പറഞ്ഞു. ഏഷ്യ ബുക്ക് ഓഫ് റെക്കോർഡ്സിലെ സീനിയർ അഡ്ജുഡിക്കേറ്റർ വിവേക് നായർ ഈ നേട്ടത്തെ പ്രശംസിച്ച് സന്നിധരായിരുന്നു.

 

 

ALSO READ: എങ്ങും ട്രെൻഡിങ്ങായി ​ഗൂഗിൾ പിക്സൽ 10 സീരീസ്: പ്രധാന സവിശേഷതകൾ അറിയാം  

കേരളത്തിലെ ആദ്യ എംജി സെലക്ട് എക്സ്പീരിയൻസ് സെന്റർ കഴിഞ്ഞ ദിവസം കൊച്ചിയിൽ സൗത്ത് കളമശ്ശേരിയിലെ മെട്രോ പില്ലർ നമ്പർ 328-ലെ മാഗ്ന ഹൗസിൽ ആരംഭിച്ചിരുന്നു. ഇന്ത്യയിലെ 13 പ്രധാന നഗരങ്ങളിൽ 14 എക്സ്ക്ലൂസീവ് സെന്ററുകൾ ഇപ്പോൾ പ്രവർത്തിക്കുന്നുണ്ട്. എംജി M9 പ്രസിഡൻഷ്യൽ ലിമോസിൻ, എംജി സൈബർസ്റ്റർ എന്നീ ആഡംബര മോഡലുകൾ ഈ സെന്ററുകളിലൂടെ വിൽപ്പനയ്ക്കെത്തുന്നു.

ALSO READ: ഓണം പ്രമാണിച്ച് അധ്യാപകർക്കും ജീവനക്കാർക്കും ബോണസ് വർധിപ്പിച്ച് സർക്കാർ: ഉത്സവബത്തയും ഉയർത്തി

എംജി M9 പ്രസിഡൻഷ്യൽ

69.90 ലക്ഷം രൂപ മുതലാണ് M9 പ്രസിഡൻഷ്യൽ ഇലക്ട്രിക് കാറിന്റെ വില. ലെവൽ 2 ADAS സ്യൂട്ട്, 360-ഡിഗ്രി സറൗണ്ട് വ്യൂ ക്യാമറ, 7 എയർബാഗുകൾ, മുന്നിലും പിന്നിലും ഡിസ്ക് ബ്രേക്കുകൾ, ഇലക്ട്രോണിക് സ്റ്റെബിലിറ്റി പ്രോഗ്രാം (ESP), ടയർ പ്രഷർ മോണിറ്ററിംഗ് സിസ്റ്റം (TPMS) തുടങ്ങിയ സുരക്ഷാ ഫീച്ചറുകൾ ഇതിൽ ഉൾപ്പെടുന്നു.

 

 

എംജി സൈബർസ്റ്റർ

75 ലക്ഷം രൂപ എക്സ്-ഷോറൂം വിലയിൽ ലഭ്യമാകുന്ന എംജി സൈബർസ്റ്റർ ഇന്ത്യയിലെ ഏറ്റവും താങ്ങാവുന്ന ഇലക്ട്രിക് റോഡ്‌സ്റ്ററാണ്. 510PS പവറും 725Nm ടോർക്കും നൽകുന്ന ഈ വാഹനം സിസർ ഡോറുകളും സോഫ്റ്റ് ടോപ്പും ഉൾപ്പെടുന്ന കൺവെർട്ടബിൾ ഡിസൈനുമായി സെഗ്മെന്റിൽ വേറിട്ടു നിൽക്കുന്നു. അത്യാധുനിക രൂപകൽപ്പന, നൂതന സാങ്കേതികവിദ്യ, മികച്ച പ്രകടനം എന്നിവ ഡ്രൈവർക്ക് സ്പോർട്സ് കാറിന്റെ അനുഭവം നൽകുന്നു.

 

 

JSW MG Motor India celebrated Onam by creating a unique 'car pookkalam' with 306 vehicles at Grand Hyatt Bolgatty, Kochi. earning a spot in the Asia Book of Records. This vibrant initiative, blending Kerala's cultural heritage with automotive innovation. involved selected MG vehicle owners and dealerships.