പുളിശ്ശേരിയും പായസവുമില്ലാത എന്തു സദ്യ. മധുരവും തൈരിന്റെ പുളിയും ചേര്‍ന്ന പുളിശ്ശേരി സദ്യക്ക് സൂപ്പറാണ്. മാമ്പഴ പുളിശ്ശേരിയാണ് സീസണില്‍ എല്ലാവരും കൂടുതലും ഉണ്ടാക്കുക. അതുപോലെ പൈനാപ്പിള്‍ പുളിശ്ശേരിയും. നമുക്ക് ഇന്ന് പഴുത്ത നേന്ത്രപ്പഴം കൊണ്ടൊരു പുളിശ്ശേരി തയാറാക്കാം. അതീവ രുചിയുള്ള ഈ പുളിശ്ശേരി എല്ലാവര്‍ക്കും ഇഷ്ടമാകും.  

ചേരുവകള്‍

നേന്ത്രപ്പഴം - 2
പച്ചമുളക് -4
മഞ്ഞള്‍പ്പൊടി -കാല്‍ ടീസ്പൂണ്‍
മുളകുപൊടി -ഒരു സ്പൂണ്‍
കറിവേപ്പില ആവശ്യത്തിന്

തൈര് -1 കപ്പ്
ഉപ്പ് -ആവശ്യത്തിന്
തേങ്ങ - ഒന്നര കപ്പ്
ജീരകം -1 ടീസ്പൂണ്‍
കടുക് - കാല്‍ ടീസ്പൂണ്‍
വറ്റല്‍മുളക് -3 എണ്ണം
കറിവേപ്പില - ആവശ്യത്തിന്
വെളിച്ചെണ്ണ -2 സ്പൂണ്‍

ഉണ്ടാക്കുന്ന വിധം

നല്ല പഴുത്ത രണ്ട് നേന്ത്രപ്പഴം ചെറിയ കഷണങ്ങളായി അരിഞ്ഞെടുക്കുക. ഒരു പാനിലേക്ക് അരിഞ്ഞുവച്ച നേന്ത്രപ്പഴ കഷണങ്ങളിട്ട് ആവശ്യത്തിന് വെള്ളവുമൊഴിച്ച് മഞ്ഞള്‍ പൊടിയും മുളകുപൊടിയും പച്ചമുളകും ഉപ്പും ചേര്‍ത്ത്  വേവിക്കുക, (അടച്ചു വച്ച് വേവിക്കണം). മിക്‌സിയുടെ ജാറില്‍ ഒരു കപ്പ് തേങ്ങയും ജീരകവും ചേര്‍ത്ത് കുറച്ചു വെള്ളവും ഒഴിച്ച് അരച്ചെടുക്കാം. 

ALSO READ: ഓണത്തിന് ഈത്തപ്പഴം കൊണ്ടൊരു ഹെല്‍തി പായസം

വെന്തു വന്ന പഴത്തിലേയ്ക്ക് ഈ അരപ്പു കൂടി ചേര്‍ത്ത് നന്നായി ഇളക്കുക. തിളച്ചു വരുമ്പോള്‍ ഒരു കപ്പ് തൈര് ചേര്‍ത്ത് തീ ഓഫാക്കുക. ഒരു പാന്‍ അടുപ്പില്‍ വച്ച് ചൂടാകുമ്പോള്‍ വെളിച്ചെണ്ണയൊഴിച്ച് കടുക് ചേര്‍ത്തു പൊട്ടിക്കാം.
വറ്റല്‍മുളകും, കറിവേപ്പിലയും ചേര്‍ത്ത് വറുത്ത് പുളിശ്ശേരിയിലേയ്ക്ക് ചേര്‍ത്തിളക്കിക്കൊടുക്കുക. അടിപൊളി രുചിയില്‍ പഴം പുളിശ്ശേരി റെഡി.

No Onam sadya is complete without a flavorful pulissery and a sweet payasam. While mango and pineapple pulissery are popular seasonal choices, today let’s prepare a unique and tasty version using ripe nendran bananas. The sweetness of the banana blends beautifully with the tang of yogurt, creating a rich and comforting dish that's perfect for any festive meal. This nendran pulissery is sure to be a crowd-pleaser on your Onam table