ലക്കിടി: താമരശ്ശേരി ചുരത്തില്‍ അപകടഭീഷണി തുടരുന്നു. ചുരത്തിലെ ഒമ്പതാം വളവിലെ വ്യൂ പോയന്റിന് സമീപം ഇടിഞ്ഞു വീണ പാറക്കൂട്ടങ്ങളും മണ്ണും നീക്കം ചെയ്യുകുയും ഗതാഗതം പുനഃസ്ഥാപിക്കുകയും ചെയ്‌തെങ്കിലും ഇന്ന് രാവിലെ വീണ്ടും ഇതേ സ്ഥലത്ത് പാറക്കഷണങ്ങളും മണ്ണും റോഡിലേക്ക് വീണ്ടും വീണു. ഇരുഭാഗത്തേക്കും വാഹനങ്ങള്‍ പോകുന്നതിനിടെയാണ് ചെറിയ പാറക്കഷണങ്ങള്‍ റോഡിലേക്ക് വീണത്.

ഒരു വാഹനത്തിന്റെ തൊട്ടരികിലാണ് കല്ല് വന്നു പതിച്ചത്. ഇതിനിടയിലും വാഹനങ്ങള്‍ നിലവില്‍ കടന്നുപോകുന്നുണ്ട്. സുരക്ഷാഭീഷണി നിലനില്‍ക്കുമ്പോഴും സ്ഥലത്ത് ഉദ്യോഗസ്ഥര്‍ ആരും ഇതുവരെയും എത്തിയിട്ടില്ല. ചുരത്തില്‍ നേരിയ മഴയും പെയ്യുന്നുണ്ട്. ചെറിയ കല്ലുകള്‍ റോഡിലേക്ക് ഒലിച്ചുവരുന്നുമുണ്ട്. റോഡിന്റെ പകുതിവരെയും കല്ലുകളും വീണുകിടക്കുന്നുണ്ട്.

ALSO READ: പാലക്കാട് ആർ.എസ്.എസ് സ്‌കൂളിൽ സ്‌ഫോടനം: പിന്നിലാര്? നീങ്ങാതെ ദുരൂഹത

കല്ലുകള്‍ നീക്കാത്തതിനാല്‍ ഈ ഭാഗത്ത് നിലവില്‍ വാഹനങ്ങള്‍ ഒറ്റവരിയായിട്ടാണ് പോയിക്കൊണ്ടിരിക്കുന്നത്. ഒരു വാഹനത്തിനു മീതെ കല്ലുവീഴാതെ നേരിയ വ്യത്യാസത്തിലാണ് രക്ഷപ്പെട്ടത്. 

A renewed landslide threat persists at the Thamarassery Ghat near the ninth hairpin bend viewpoint. Though rocks and soil that had earlier fallen were cleared and traffic was briefly restored, fresh debris slid onto the road again this morning. Small rocks fell while vehicles were passing, with one rock landing dangerously close to a vehicle. Despite the ongoing danger, no officials have yet arrived on the scene.