ഇന്ത്യൻ കാർ വിപണിയിൽ ഇന്ന് ഏറ്റവും ആവശ്യപ്പെടുന്ന ഫീച്ചറുകളിൽ ഒന്നാണ് വെന്റിലേറ്റഡ് സീറ്റുകൾ. പേര് സൂചിപ്പിക്കുന്നതുപോലെ തന്നെ സീറ്റുകൾ തണുപ്പിച്ച് സുഖകരമായ യാത്ര ഉറപ്പാക്കുന്നതാണ് ഈ സവിശേഷത. കടുത്ത ചൂടിൽ യാത്രക്കാർക്ക് ഇത് നല്ല ആശ്വാസമാണ്. കാറിന്റെ സീറ്റുകളിൽ ചെറിയ രീതിയിൽ ഫാനുകളായോ വായു സഞ്ചാര സംവിധാനമോ ഉൾപ്പെടുത്തി കൊണ്ട് പ്രവർത്തിക്കുന്നതാണ് ഈ സാങ്കേതിക വിദ്യ. ശരീരത്തിന്റെ താപനില നിയന്ത്രിക്കുന്ന ഈ സാങ്കേതികവിദ്യ, എസിയെ പോലെ മൈലേജിന് യാതൊരു ദോഷവും വരുത്തുന്നില്ല എന്നതും പ്രത്യേകതയാണ്. ചൂടാക്കുന്നവയെ അപേക്ഷിച്ച് ഇന്ത്യയിൽ തണുപ്പിക്കുന്ന സീറ്റുകൾക്കാണ് ആവശ്യക്കാർ കൂടുതൽ.

ALSO READ: ജിഎസ്ടി വർധന: റോ‍യൽ എൻഫീൽഡ് ബൈക്കുകൾ വാങ്ങാൻ പ്ലാൻ ഉണ്ടോ? ഇപ്പോൾ ബുക്ക് ചെയ്യൂ

ടാറ്റ നെക്സോൺ: ടാറ്റ മോട്ടോർസിന്റെ സബ്-കോംപാക്ട് എസ്‌യുവിയാണ് നെക്സോൺ. ഈ കാറിന്റെ ടോപ്പ് വേരിയന്റുകൾ വെന്റിലേറ്റഡ് സീറ്റുകളോടെ വരുന്നു, എന്നാൽ എക്സ്-ഷോറൂം വില 10 ലക്ഷത്തിനു മുകളിലാണ്. പെട്രോൾ, ഡീസൽ, സിഎൻജി, ഇലക്ട്രിക് പവർട്രെയിനുകളിൽ ലഭ്യമായ നെക്സോൺ, ഇന്ത്യയിലെ ഏറ്റവും സുരക്ഷിതമായ കാറുകളിൽ ഒന്നാണ്.

 

 

ടാറ്റ പഞ്ച് ഇവി: ടാറ്റയുടെ മൈക്രോ എസ്‌യുവിയുടെ ഇലക്ട്രിക് പതിപ്പാണ് പഞ്ച് ഇവി. 9.99 ലക്ഷം രൂപ മുതൽ ആരംഭിക്കുന്ന എക്സ്-ഷോറൂം വിലയുള്ള ഈ കാറിന്റെ ടോപ്പ് വേരിയന്റുകളിലും വെന്റിലേറ്റഡ് സീറ്റുകൾ ലഭ്യമാണ്, എന്നാൽ വില 10 ലക്ഷത്തിനു മുകളിലാണ്.

 

 

സ്കോഡ കൈലാക്: സ്കോഡയുടെ പുതിയ സബ്-4 മീറ്റർ എസ്‌യുവിയാണ് കൈലാക്. പ്രസ്റ്റീജ് വേരിയന്റുകളിൽ വെന്റിലേറ്റഡ് സീറ്റുകൾ ലഭിക്കും, എന്നാൽ എക്സ്-ഷോറൂം വില 12.89 ലക്ഷം രൂപ മുതലാണ്. മോഡേൺ ഫീച്ചറുകളാൽ സമ്പന്നമായ കൈലാക്, ആഡംബര യാത്രാനുഭവം സമ്മാനിക്കുന്നു.

 

 

ഇന്ത്യയിലെ കാർ വിപണിയിൽ വെന്റിലേറ്റഡ് സീറ്റുകൾ ഇപ്പോഴും പ്രീമിയം ഫീച്ചറായാണ് കണക്കാക്കപ്പെടുന്നത്. എന്നാൽ, 10 ലക്ഷം രൂപയ്ക്കുള്ളിൽ ഈ സൗകര്യം വാഗ്ദാനം ചെയ്യുന്ന മഹീന്ദ്ര XUV 3XO, പണം പ്രധാനമായും കണക്കാക്കുന്ന ഉപഭോക്താക്കൾക്ക് ഒരു മികച്ച ഓപ്ഷനാണ്. കൂടുതൽ ആഡംബരവും സുഖവും തേടുന്നവരാണ് എങ്കിൽ ടാറ്റ നെക്സോൺ, പഞ്ച് ഇവി, സ്കോഡ കൈലാക് എന്നിവയും പരിഗണിക്കാം. 

Stay cool and comfortable with these budget-friendly cars featuring ventilated seats, perfect for beating the heat without breaking the bank, all under 10 lakhs