തിരുവനന്തപുരം: കേരള ക്രിക്കറ്റ് ലീഗിൽ ഏരീസ് കൊല്ലം സെയിലേഴ്‌സിനെതിരെ ആലപ്പി റിപ്പിൾസിനു രണ്ട് റൺസിന്റെ ആവേശ വിജയം. തിരുവനന്തപുരം ഗ്രീൻഫീൽഡ് സ്റ്റേഡിയത്തിൽ നടന്ന മത്സരത്തിൽ ആദ്യം ബാറ്റ് ചെയ്ത ആലപ്പി റിപ്പിൾസ് 20 ഓവറിൽ ആറ് വിക്കറ്റ് നഷ്ടത്തിൽ 182 റൺസാണ് നേടിയത്. വിജയലക്ഷ്യം പിന്തുടർന്ന കൊല്ലത്തിനു രണ്ട് റൺസ് അകലെ വിജയം നഷ്ടമാവുകയായിരുന്നു. നിശ്ചിത ഓവറിൽ ഒമ്പത് വിക്കറ്റ് നഷ്ടത്തിൽ 180 റൺസ് നേടാനേ ഏരീസ് കൊല്ലം സെയിലേഴ്‌സിന് സാധിച്ചത്. 

ജലജ് സക്സേനയുടെ തകർപ്പൻ ബാറ്റിംഗ് കരുത്തിലാണ് ആലപ്പി മികച്ച സ്കോർ നേടിയത്. 50 പന്തിൽ 85 റൺസാണ് ജലജ് നേടിയത്. ഒമ്പത് ഫോറുകളും നാല് സിക്സുകളും ആണ് താരം നേടിയത്. മറുഭാഗത്ത് കൊല്ലത്തിനായി ഷറഫുദീൻ മികച്ച പ്രകടനം നടത്തി. 22 പന്തിൽ 41 റൺസാണ് താരം നേടിയത്. ഒരു ഫോറും അഞ്ചും സിക്സുകളും അടങ്ങുന്നതാണ് താരത്തിന്റെ ഇന്നിംഗ്സ്.

നിലവിൽ പോയിന്റ് പട്ടികയിൽ യഥാക്രമം അഞ്ചും ആറും സ്ഥാനങ്ങളിലാണ് കൊല്ലവും ആലപ്പിയും. ഇരു ടീമുകൾക്കും അഞ്ച് മത്സരങ്ങളിൽ നിന്നും രണ്ടു വീതം വിജയവും മൂന്നു തോൽവിയും അടക്കം നാലു പോയിന്റാണ് ഉള്ളത്.

Alleppey Repulse registered a thrilling two-run win over Aries Kollam Sailors in the Kerala Cricket League. Batting first, Alleppey Repulse scored 182 runs for the loss of six wickets in 20 overs in the match played at the Greenfield Stadium in Thiruvananthapuram. Kollam, who was chasing the target, missed out on victory by two runs.