ഷാര്‍ജ: അഞ്ചു പതിറ്റാണ്ടോളം ഷാര്‍ജയിലെ പ്രവാസികള്‍ക്കിടയില്‍ നിറസാന്നിധ്യമായിരുന്ന സാഹിത്യകാരനും ഷാര്‍ജ റൂളേഴ്‌സ് ഓഫിസ് ഉദ്യോഗസ്ഥനുമായിരുന്ന കണ്ണൂര്‍ അഴീക്കോട് സ്വദേശി ബാലചന്ദ്രന്‍ തെക്കന്മാര്‍ (ബാലു  78) ഷാര്‍ജയില്‍ അന്തരിച്ചു. ഷാര്‍ജ അല്‍ സാഹിയയില്‍ സ്വന്തമായി വീട് വാങ്ങി താമസിക്കുകയിരുന്നു. 1974 മുതല്‍ ഷാര്‍ജയിലുണ്ട്. പരേതരായ മൈലപ്പുറത്ത് കുഞ്ഞിരാമന്‍ നായരുടെയും തെക്കന്‍മാര്‍ വീട്ടില്‍ അമ്മുക്കുട്ടിയുടെയും മകനാണ്. ഭാര്യ: പ്രേമജ. മക്കള്‍: സുഭാഷ് (ഓസ്‌ട്രേലിയ), ഡോ. സജിത (ഷാര്‍ജ). സഹോദരങ്ങള്‍: രാധാകൃഷ്ണന്‍, ഗോപിനാഥന്‍, പ്രേമവല്ലി, സാവിത്രി, പരേതരായ പ്രഭാകരന്‍ നായര്‍, ജനാര്‍ദനന്‍ നായര്‍, മുകുന്ദന്‍ നായര്‍, പുരുഷോത്തമന്‍ നായര്‍. സംസ്‌കാരം ഷാര്‍ജയില്‍. ഷാര്‍ജ റൂളേഴ്‌സ് ഓഫിസില്‍ ക്ലാര്‍ക്ക് ആയി ജോലി തുടങ്ങിയ അദ്ദേഹം ഡയരക്ടര്‍ ജനറലിന്റെ സെക്രട്ടറിയായാണ് സേവനം അവസാനിപ്പിച്ചത്. അതിനിടയില്‍ ഷാര്‍ജ ഭരണാധികാരി ശൈഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമിയുടെ ഗവേഷണ പ്രവര്‍ത്തനങ്ങളുടെ കോഡിനേറ്ററായും പ്രവര്‍ത്തിച്ചു.
ആദ്യ പുസ്തകമായ 'എസ്സന്‍സ് ഓഫ് ലൈഫ് ആന്‍ഡ് അദര്‍ സ്റ്റോറി' ശൈഖ് സുല്‍ത്താനാണ് സമര്‍പ്പിച്ചിരിക്കുന്നത്. ഇംഗ്ലിഷ് ഷോര്‍ട്ട് സ്റ്റോറി സമാഹാരമായ 'റിഫ്‌ലക്ഷന്‍സ്' അടക്കം നിരവധി കൃതികള്‍ പ്രസിധീകരിച്ചിട്ടുണ്ട്.

വിയോഗത്തില്‍ വേദനയോടെ സഹൃദയ വൃന്ദം

ഷാര്‍ജ: അഞ്ചു പതിറ്റാണ്ടിലധികമായി ഷാര്‍ജയിലെ മലയാളികള്‍ക്കിടയില്‍ നിറസാന്നിധ്യമായിരുന്നു സുഹൃത്തുക്കള്‍ ബാലു എന്ന് വിളിക്കുന്ന ബാലചന്ദ്രന്‍ തെക്കന്മാര്‍. ഷാര്‍ജ റൂളേഴ്‌സ് ഓഫിസിലെ ഉദ്യോഗസ്ഥനായിരുന്ന ബാലു മലയാളികളുടെ സ്വകാര്യ അഹങ്കാരം ആയിരുന്നു. 1974 മുതല്‍ '90കള്‍ വരെ പൊതുരംഗത്ത് അദ്ദേഹം കൂടുതല്‍ സജീവമായിരുന്നു. ഷാര്‍ജ ഇന്ത്യന്‍ അസോസിയേഷന്റെ സീനിയര്‍ മെംബറായിരുന്ന അദ്ദേഹം, അക്കാലത്ത് ഷാര്‍ജ ഭരണാധികാരിയുടെ ഓഫിസും ഷാര്‍ജ ഇന്ത്യന്‍ അസോസിയേഷനും, ഇന്ത്യന്‍ കോണ്‍സുലേറ്റും തമ്മിലുള്ള പാലമായിരുന്നു. ഷാര്‍ജ ഭരണാധികാരിയോട് നേരിട്ട് ഇടപെടാന്‍ അധികാരപ്പെട്ട അപൂര്‍വം ഉദ്യോഗസ്ഥരില്‍ ഒരാളായിരുന്നു. ഷാര്‍ജ ഭരണാധികാരി ഷാര്‍ജ ഇന്ത്യന്‍ സ്‌കൂളിന് വേണ്ടിയും, ഷാര്‍ജയിലെ ക്രൈസ്തവ ദേവാലയത്തിനു വേണ്ടിയും സൗജന്യമായി അനുവദിച്ച സ്ഥലം നേടിയെടുക്കുന്നതിനു വേണ്ടിയും ബാലുവിന്റെ പങ്ക് നിര്‍ണായകമായിരുന്നു. സദാ പ്രസന്നന വദനനും, സൗമ്യനുമായ ബാലു ഏവര്‍ക്കും പ്രിയങ്കരനായിരുന്നു. ഷാര്‍ജയിലെ മലയാളി സമൂഹത്തിന് ബാലുവിന്റെ വിയോഗം തീരാനഷ്ടമാണ്.
2001ല്‍ ഷാര്‍ജ ഗവണ്‍മെന്റിന്റെ ഏറ്റവും മികച്ച ജീവനക്കാരനുള്ള അവാര്‍ഡ് ലഭിച്ചിട്ടുണ്ട്. ബാലചന്ദ്രന്‍ നല്ലൊരു കവിയായിരുന്ന ബാലചന്ദ്രന്‍ സിനിമകള്‍ക്കും ആല്‍ബങ്ങള്‍ക്കും വേണ്ടി അനേകം പാട്ടുകള്‍ എഴുതിയിട്ടുണ്ട്.

ALSO READ: ആര്‍എസ്എസ് ശതാബ്ദി ആഘോഷം: ക്ഷണിച്ചെങ്കിലും ഗള്‍ഫ്, അറബ് പ്രതിനിധികള്‍ വിട്ടുനിന്നു; പങ്കെടുത്തത് 50 ലധികം നയതന്ത്രജ്ഞര്‍

Balachandran Thekkamanmar (Balu 78), native of Azhikode (Kannur), a writer and Sharjah Rulers' Office official who was a prominent presence among the expatriates in Sharjah for five decades, passed away in Sharjah.