ദുബൈ: മസ്കത്തിൽ കളിപ്പാട്ടങ്ങളും സ്കൂൾ സാമ​ഗ്രികളും അടക്കം 347 ഉൽപ്പന്നങ്ങൾ കണ്ടുകെട്ടി ഒമാൻ ഉപഭോക്തൃ സംരക്ഷണ അതോറിറ്റി. മനുഷ്യന്റെ തലയോട്ടിയുടെ ചിത്രങ്ങൾ ഉപയോഗിച്ചത് ഉപഭോക്തൃ സംരക്ഷണ നിയമങ്ങൾ ലംഘിച്ചു എന്ന് ചൂണ്ടിക്കാട്ടിയാണ് നടപടിയെന്ന് അതീർ ഒമാൻ റിപ്പോർട്ട് ചെയ്തു.

വിവിധ സ്ഥാപനങ്ങളിൽ നിന്ന് ഡോളുകൾ, സ്കൂൾ ബാഗുകൾ, ആക്സസറികൾ തുടങ്ങിയ അഉൽപന്നങ്ങളാണ് പരിശോധകർ പിടിച്ചെടുത്തത്. കുറോമി എന്ന ഡോളിനെക്കുറിച്ചുള്ള പരാതിയെ തുടർന്നായിരുന്നു ഈ നടപടി. ഈ ഡോളിൽ തലയോട്ടിയുടെ ചിത്രങ്ങൾ ഉണ്ടായിരുന്നു, പിന്നീട് സ്കൂൾ സാധനങ്ങളിലും ഇതേ ഡിസൈൻ കണ്ടെത്തി. നിയമലംഘനം സ്ഥിരീകരിച്ച അധികൃതർ ഈ ഉൽപ്പന്നങ്ങൾ വിപണിയിൽ നിന്ന് നീക്കം ചെയ്യുകയും വ്യാപാരികൾക്ക് പിഴ ചുമത്തുകയും ചെയ്തു. 

ALSO READ: ഷെയ്ഖ് മുഹമ്മദ് ബിന്‍ സാലം റോഡ് വികസിപ്പിക്കും; ലക്ഷ്യം റാസല്‍ഖൈമയിലെ ഗതാഗത കുരുക്ക് ലഘൂകരിക്കല്‍

മതവികാരങ്ങളെ വ്രണപ്പെടുത്തുന്നതും, ധാർമ്മികതയ്ക്ക് വിരുദ്ധവും, പ്രാദേശിക പാരമ്പര്യങ്ങൾക്കും ആചാരങ്ങൾക്കും എതിരും ആയ ചിഹ്നങ്ങൾ, മുദ്രാവാക്യങ്ങൾ, ചിത്രങ്ങൾ എന്നിവ പ്രദർശിപ്പിക്കുന്ന ഉൽപ്പന്നങ്ങൾ വിൽക്കുന്നത് ഒമാന്റെ ഉപഭോക്തൃ സംരക്ഷണ നിയമം നിരോധിച്ചിട്ടുണ്ട്.

ഒമാനിലെ വിപണി സുരക്ഷിതവും നിയന്ത്രിതവും സാമൂഹിക മൂല്യങ്ങൾക്ക് അനുസൃതവുമായി നിലനിർത്താനുള്ള ശ്രമങ്ങളുടെ ഭാഗമാണ് ഈ നടപടിയെന്ന് അധികൃതർ വ്യക്തമാക്കി. രാജ്യവ്യാപകമായി പരിശോധനകളും നിരീക്ഷണ കാമ്പയിനുകളും തുടരുമെന്നും, നിയമലംഘനങ്ങൾ ഔദ്യോഗിക ചാനലുകളിലൂടെ റിപ്പോർട്ട് ചെയ്യണെമന്നും അധികൃതർ പൊതുജനങ്ങളോട് അഭ്യർത്ഥിച്ചു. 

The Oman Consumer Protection Authority has seized 347 products, including toys and school supplies, in Muscat for violating consumer protection laws. Although the specific reason for the seizure isn't detailed in the available reports, the authority has been actively enforcing regulations to protect consumer rights and ensure market transparency. In the first half of 2025, the authority recorded over 3,000 commercial violations across various governorates, with Muscat Governorate leading the list with 1,363 violations.