ന്യൂഡല്‍ഹി: സര്‍ക്കാരിന്റെ കണക്കുകളനുസരിച്ച് ഇന്ത്യയില്‍ റോഡപകടങ്ങളില്‍ മരണപ്പെടുന്നവരില്‍ 40 ശതമാനത്തിലധികം പേരും ഹെല്‍മെറ്റും സീറ്റ് ബെല്‍റ്റും ധരിക്കാത്തവരെന്ന്. 2023ല്‍ ഹെല്‍മെറ്റ് ധരിക്കാത്ത 54,568 പേരും സീറ്റ് ബെല്‍റ്റ് ധരിക്കാത്ത 16,025 യാത്രികരും മരിച്ചതായാണ് നാഷണല്‍ ഹൈവേ അതോറിറ്റി ആക്‌സിഡന്റ് റിപോര്‍ട്ടില്‍ പറയുന്നത്.

35,000ത്തിലധികം കാല്‍നടയാത്രക്കാര്‍ക്കും ജീവന്‍ നഷ്ടമായി എന്നാണ് കണക്കുകള്‍ സൂചിപ്പിക്കുന്നത്. റോഡിന്റെ ഗുണമേന്മ വര്‍ധിക്കുന്നതിനോടൊപ്പം അപകട മരണങ്ങളുടെ കണക്കും ക്രമാതീതമായി ഉയരുകയാണ്. 2023ലെ ദേശീയപാത അതോറിറ്റിയുടെ അപകട റിപോര്‍ട്ട് പ്രകാരം 1,72,890 അപകട മരണങ്ങളാണ് ഇന്ത്യയില്‍ ഉണ്ടായത്. ഇതില്‍ 40 ശതമാനത്തിലധികവും ഹെല്‍മെറ്റും സീറ്റ് ബെല്‍റ്റും ധരിക്കാത്തതിനാലും മദ്യപിച്ച് വാഹനമോടിച്ചതിനാലുമാണെന്നാണ് കണക്കുകള്‍ സൂചിപ്പിക്കുന്നത്.

ALSO READ: തൃശൂരിൽ സിപിഎം ബ്രാഞ്ച് സെക്രട്ടറിയെ വെട്ടി പരുക്കേൽപ്പിച്ചു; നാലുപേർ പൊലിസ് കസ്റ്റഡിയിൽ

ഹെല്‍മെറ്റ് ധരിക്കാത്ത 54,568 പേര്‍ക്കാണ് ജീവന്‍ നഷ്ടമായത്. ഇതില്‍ 39,160 പേര്‍ വാഹനം ഓടിച്ചവരും 15,408 പേര്‍ പിന്‍ സീറ്റ് യാത്രക്കാരുമാണ്. സീറ്റ് ബെല്‍റ്റ് ധരിക്കാത്ത യാത്രക്കാരില്‍ 16,025 പേരും മരിച്ചിട്ടുണ്ട്. ഇതില്‍ 8,441 ഡ്രൈവര്‍മാരും 7,584 യാത്രക്കാരും ഉള്‍പ്പെടുന്നു. മദ്യവും മറ്റ് ലഹരിപദാര്‍ത്ഥങ്ങളും ഉപയോഗിച്ച് വാഹനം ഓടിച്ചവരില്‍ കൊല്ലപ്പെട്ടത് 3,674 പേരുമാണ്.

അമിത വേഗതയാണ് അപകടങ്ങളുടെ മൂല കാരണമെന്നാണ് റിപോര്‍ട്ടില്‍ പറയുന്നത്. 2023ല്‍ 35,000ത്തിലധികം കാല്‍നടയാത്രക്കാര്‍ കൊല്ലപ്പെട്ടിട്ടുമുണ്ട്. 2022നെ അപേക്ഷിച്ച് കുത്തനെയുള്ള വര്‍ധനവാണ് ഉണ്ടായിരിക്കുന്നത്. 2030ടെ റോഡ് അപകടങ്ങളുടെ തോത് കുറയ്ക്കാനുള്ള തീവ്ര പരിശ്രമത്തിലാണ് ദേശീയപാത അതോറിറ്റിയും.

According to the National Highway Authority's 2023 Accident Report, over 1.72 lakh people (172,890) lost their lives in road accidents across India. Alarmingly, more than 40% of these deaths were attributed to not wearing helmets or seat belts, and in some cases, drunk driving.