തൃശൂര്‍: ഷോളയാര്‍ ഡാം വ്യൂ പോയിന്റില്‍ നിന്ന് കാല്‍ വഴുതി കൊക്കയിലേക്ക് വീണ വയോധികനെ രക്ഷപ്പെടുത്തി പൊലിസ്. റോഡില്‍ നിന്ന് 15 അടി താഴ്ചയിലേക്കു വീണ വയോധികനെ അതിസാഹസികമായാണ് പൊലിസ് രക്ഷപ്പെടുത്തിയത്. കുടുംബത്തോടൊപ്പം എത്തിയ കുന്നംകുളം ആര്‍ത്താറ്റ് സ്വദേശിയായ വയോധികന്‍ ഷോളയാര്‍ ഡാം വ്യൂ പോയിന്റില്‍ നിന്നു കാല്‍ വഴുതി കൊക്കയിലേക്ക് വീഴുകയായിരുന്നു.

പതിനഞ്ചടിയോളം താഴെയുള്ള പാറയിടുക്കില്‍ തടഞ്ഞുനിന്ന വയോധികനെയാണ് സബ് ഇന്‍സ്‌പെക്ടര്‍ ആസാദ് രക്ഷിച്ചെടുത്തത്. വയോധികനെ രക്ഷിച്ച ആസാദിന് സോഷ്യല്‍മീഡിയയില്‍ അഭിനന്ദനങ്ങളുടെ പ്രവാഹമാണ്. വയോധികന്‍ കൊക്കയിലേക്ക് വീണത് കണ്ട് പരിഭ്രാന്തരായ കുടുംബാംഗങ്ങള്‍ ഉടനെ മലക്കപ്പാറ പൊലിസ് സ്റ്റേഷനിലേക്ക് വിവരമറിയിക്കുകയായിരുന്നു. മലക്കപ്പാറ പൊലിസ് സംഘം ഉടന്‍ തന്നെ സംഭവസ്ഥലത്തെത്തി.

ALSO READ: റോഡപകടങ്ങളില്‍ മരണപ്പെടുന്നവരില്‍ 40 ശതമാനം പേരും ഹെല്‍മറ്റും സീറ്റ് ബെല്‍റ്റും ധരിക്കാത്തവരെന്ന് കണക്കുകള്‍

വയോധികന്റെ പ്രായവും ശാരീരിക ബുദ്ധിമുട്ടുകളും മനസ്സിലാക്കിയ സബ് ഇന്‍സ്‌പെക്ടര്‍ ആസാദ് ഫയര്‍ ഫോഴ്‌സിനെ കാത്തിരിക്കാന്‍ സമയമില്ലെന്നു മനസിലാക്കി അപകടകരമായ ചരിവും ഏറെ അപകടസാധ്യത നിറഞ്ഞതുമായ കൊക്കയിലേക്ക് വടത്തില്‍ പിടിച്ച് ഇറങ്ങി വയോധികന്റെ അടുത്തെത്തി. മറ്റു പൊലിസ് ഉദ്യോഗസ്ഥരുടെ സഹായത്തോടെ വയോധികനെ മുകളിലേക്ക് എത്തിക്കുകയും ചെയ്തു.

An elderly man from Arthatt, Kunnamkulam, slipped and fell about 15 feet down a gorge at the Sholayar Dam Viewpoint while visiting with his family. He got trapped between rocks. Sub-Inspector Asad of the Malakkappara Police heroically rescued him in a daring operation. The police responded quickly after the family alerted them.