റായ്പൂര്‍: കേന്ദ്ര ആഭ്യന്തര മന്ത്രി അമിത് ഷായ്‌ക്കെതിരേ നടത്തിയ വിവാദ പരാമര്‍ശത്തിന്റെ പേരില്‍ തൃണമൂല്‍ കോണ്‍ഗ്രസ് എം.പി മഹുവ മൊയ്ത്രയ്ക്കെതിരേ ചത്തിസ്ഗഡ് പൊലിസ് കേസെടുത്തു. ബി.ജെ.പി പ്രവര്‍ത്തകന്റെ പരാതിയില്‍ ഭാരതീയ ന്യായ സംഹിത സെക്ഷന്‍ 196(വ്യത്യസ്ത വിഭാഗങ്ങള്‍ക്കിടയില്‍ ശത്രുത വളര്‍ത്തല്‍), 197(ദേശീയതയ്ക്കെതിരായ പരാമര്‍ശങ്ങള്‍) പ്രകാരമാണ് റായ്പൂരിലെ മന പൊലിസ് പ്രഥമ വിവര റിപ്പോര്‍ട്ട് രജിസ്റ്റര്‍ ചെയ്തത്.

ALSO READ: വോട്ടർ അധികാർ യാത്ര; മാറ്റിവരയ്ക്കുന്ന രാഷ്ട്രീയഭൂപടം

ബംഗ്ലാദേശില്‍ നിന്ന് അനധികൃത കുടിയേറ്റക്കാര്‍ ഇന്ത്യയിലേക്ക് നുഴഞ്ഞുകയറിയിട്ടുണ്ടെങ്കില്‍ അതിനുത്തരവാദിയായ ആഭ്യന്തര മന്ത്രിയുടെ തലവെട്ടി മേശപ്പുറത്ത് വയ്ക്കണമെന്ന മഹുവയുടെ പരാമര്‍ശമാണ് കേസിനാധാരം. പശ്ചിമ ബംഗാളിലെ നുഴഞ്ഞു കയറ്റത്തിന് ഉത്തരവാദി മുഖ്യമന്ത്രി മമതാ ബാനര്‍ജിയാണെന്ന അമിത് ഷായുടെ പരാമര്‍ശത്തിനുള്ള മറുപടിയായാണ് മഹുവ വിവാദ പരാമര്‍ശം നടത്തിയത്. രാജ്യത്തിന്റെ അതിര്‍ത്തി കാക്കാനുള്ള ഉത്തരവാദിത്തം ആഭ്യന്തര മന്ത്രാലയത്തിനാണ്. അതിന് കഴിയാത്തവര്‍ പശ്ചിമ ബംഗാള്‍ സര്‍ക്കാരിനെ കുറ്റപ്പെടുത്തുന്നത് അംഗീകരിക്കാനാകില്ലെന്നും മഹുവ വ്യക്തമാക്കിയിരുന്നു.

a case has been filed against trinamool congress mp mahua moitra for her controversial comment targeting union home minister amit shah, where she said the minister responsible for infiltration should be "beheaded and the head placed on the table".