ഡല്‍ഹി: ലഡാക്കില്‍ ചുരത്തില്‍ വച്ച് ഹൃദയാഘാതം സംഭവിച്ചയാളെ രക്ഷപ്പെടുത്തി കരസേന. അതിസാഹസികമായാണ് രക്ഷാപ്രവര്‍ത്തനം നടത്തിയതെന്ന് വ്യക്തമാക്കുന്ന കരസേനയുടെ ദൃശ്യങ്ങള്‍ പുറത്തു വന്നു.

കോങ്മരുള ചുരത്തില്‍ വച്ച് ഹൃദയാഘാതം സംഭവിച്ചയാളെ രക്ഷപ്പെടുത്തിയ ദൃശ്യങ്ങളാണ് പുറത്തുവന്നത്. കൊറിയന്‍ ദമ്പതികളെയാണ് കരസേന രക്ഷപ്പെടുത്തിയിരിക്കുന്നത്. രാത്രി മഞ്ഞുമലയ്ക്ക് സമീപം ഹെലികോപ്ടര്‍ ഇറക്കിയായിരുന്നു ഇവരുടെ രക്ഷാപ്രവര്‍ത്തനം.

കോങ്മരുള ചുരത്തില്‍ വച്ച് വിനോദ സഞ്ചാരികളിലൊരാള്‍ക്ക് ഹൃദയാഘാതം ഉണ്ടാവുകയായിരുന്നു്. എന്നാല്‍ ഇവിടെ നിന്ന് ആശുപത്രിയിലെത്തിക്കുന്നത് പ്രയാസവുമായിരുന്നു. തുടര്‍ന്നാണ് കരസേന രക്ഷാപ്രവര്‍ത്തനത്തിന് എത്തിയത്.

 ALSO READ: യുവതിയുടെ നെഞ്ചിനുള്ളില്‍ കുടുങ്ങിയ ഗൈഡ് വയർ പുറത്തെടുക്കാന്‍ ശ്രീചിത്രയുടെ സഹായം തേടും; അടുത്തയാഴ്ച മെഡിക്കല്‍ ബോര്‍ഡ് യോഗം

 പ്രദേശത്ത് മഞ്ഞുമലയായതിനാല്‍ ഹെലിപാഡുമില്ലായിരുന്നു. ഇത് കണക്കിലെടുക്കാതെയായിരുന്നു സൈന്യത്തിന്റെ രക്ഷാപ്രവര്‍ത്തനം. ഹെലികോപ്റ്റര്‍ എത്തിച്ച് രോഗിയെ രക്ഷിക്കുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്.

ദമ്പതികളെ ആശുപത്രിയിലേക്ക് മാറ്റുന്നതും പ്രാഥമിക ചികിത്സ നല്‍കുന്നതും ദൃശ്യങ്ങളില്‍ കാണാവുന്നതാണ്. 17,000 അടിയിലധികം ഉയരത്തില്‍വച്ചാണ് രക്ഷാപ്രവര്‍ത്തനം നടന്നതെന്നാണ് അമ്പരപ്പിക്കുന്ന വസ്തുത.

In Ladakh, the Indian Army carried out a daring rescue after a tourist suffered a heart attack at the Kongmaru La pass, situated at over 17,000 feet. The victim was part of a Korean couple. Due to the lack of a helipad and the challenging snow-clad terrain, the Army landed a helicopter near the mountains to evacuate the patient.