കുവൈത്ത് സിറ്റി: കുവൈത്തിലെ അല്‍ മുത്‌ല മേഖലയില്‍ ലിഫ്റ്റ് ഷാഫ്റ്റില്‍ നിന്നു വീണ പ്രവാസി തൊഴിലാളിക്ക് ദാരുണാന്ത്യം. 33 വയസ്സുകാരനായ പ്രവാസി യുവാവാണ് മരിച്ചത്. ഇയാള്‍ക്ക് തൊഴില്‍ ചെയ്യുമ്പോള്‍ ഉപയോഗിക്കേണ്ട സുരക്ഷാ ഉപകരണങ്ങള്‍ നല്‍കിയിരുന്നോ എന്നതടക്കമുള്ള കാര്യങ്ങള്‍ സസൂക്ഷ്മം പരിശോധിക്കാന്‍ അന്വേഷണം ആരംഭിച്ചതായി സുരക്ഷാ വൃത്തങ്ങള്‍ വ്യക്തമാക്കി.

മരിച്ച യുവ പ്രവാസി ലിഫ്റ്റ് സ്ഥാപിക്കുന്ന കമ്പനിയുടെ കീഴില്‍ തന്നെയാണോ ജോലി ചെയ്തിരുന്നത് എന്നതടക്കമുള്ള കാര്യങ്ങളും അധികൃതര്‍ അന്വേഷിക്കുന്നുണ്ട്. സഹായിയായി ജോലി ചെയ്യുന്ന യുവാവ് 20 മീറ്റര്‍ ഉയരത്തില്‍ നിന്ന് വീണെന്ന ലിഫ്റ്റ് സ്ഥാപിക്കുന്ന ടെക്‌നീഷ്യന്‍ കുവൈത്ത് ആഭ്യന്തര മന്ത്രാലയത്തിന്റെ ഓപ്പറേഷന്‍സ് സെന്ററില്‍ അറിയിച്ചതിനെ തുടര്‍ന്നാണ് പൊലിസും മറ്റ് ബന്ധപ്പെട്ടവരും സ്ഥലത്തെത്തിയത്.

ALSO READ: കുവൈത്തിൽ ലഹരിവേട്ട; റെയ്ഡിനെത്തിയ ഉദ്യോ​ഗസ്ഥരെ ആക്രമിച്ച് പ്രതിയുടെ സഹോദരിമാരും അമ്മയും 

സംഭവസ്ഥലത്ത് വെച്ച് നടത്തിയ ചോദ്യം ചെയ്യലില്‍ മരിച്ച തൊഴിലാളി കമ്പനിക്ക് കീഴിലാണ് ജോലി ചെയ്തിരുന്നതെന്ന് സൂപ്പര്‍വൈസര്‍ വ്യക്തമാക്കി. എന്നാല്‍ അപകട സമയത്ത് ഇയാള്‍ സുരക്ഷാ ഉപകരണങ്ങള്‍ ഉപയോഗിച്ചിരുന്നോ എന്ന് വ്യക്തമാക്കാന്‍ സൂപ്പര്‍വൈസര്‍ക്ക് കഴിഞ്ഞില്ല. എന്നാല്‍ കമ്പനിയിലെ എല്ലാ തൊഴിലാളികള്‍ക്കും ാവശ്യമായ എല്ലാ സുരക്ഷാ ഉപകരണങ്ങളും നല്‍കിയിട്ടുണ്ടെന്ന് സൂപ്പര്‍വൈസര്‍ പറഞ്ഞു. മരിച്ച പ്രവാസി തൊഴിലാളിയുടെ കൂടുതല്‍ വിവരങ്ങള്‍ ലഭിച്ചിട്ടില്ല.

a young expatriate man died tragically in kuwait after falling from an elevator shaft. emergency teams rushed to the scene, but he could not be saved. authorities have launched an investigation into the incident to determine the cause of the accident.