മുംബൈ: മുംബൈ മഹാനഗരത്തെ മുള്‍മുനയില്‍ നിര്‍ത്തി ചാവേര്‍ ഭീഷണി സന്ദേശം.  400 കിലോഗ്രാം ആര്‍.ഡി.എക്‌സുമായി 34 മനുഷ്യബോംബുകള്‍ സജ്ജമാണെന്നാണ് ഭീഷണി സന്ദേശം. മുംബൈ ട്രാഫിക് പൊലിസിന്റെ വാട്‌സാപ്പ് നമ്പറിലാണ് സന്ദേശം വന്നത്. പിന്നാലെ നഗരത്തില്‍ സുരക്ഷ ശക്തമാക്കിയിരിക്കുകയാണ് പൊലിസ്. 

34 വാഹനങ്ങളിലായി ചാവേറുകള്‍ നഗരത്തില്‍ നിലയുറപ്പിച്ചിട്ടുണ്ടെന്ന് സന്ദേശത്തില്‍ പറയുന്നു.  ഒരു കോടി പേരെ കൊല്ലുമെന്നും മുംബൈ നടുങ്ങുമെന്നും സന്ദേശത്തില്‍ പറയുന്നു. ലഷ്‌കര്‍ ഇ ജിഹാദി എന്ന സംഘടനയുടേതാണ് സന്ദേശമെന്നാ 14 പാകിസ്താനി ഭീകരര്‍ രാജ്യത്തേക്ക് കടന്നതായും സന്ദേശത്തില്‍ പറയുന്നുവെന്നും പൊലിസ് വ്യക്തമാക്കി. 

ഭീഷണി അറിയിപ്പു വന്നതിനു പിന്നാലെ സംസ്ഥാനത്തുടനീളം സുരക്ഷ ശക്തമാക്കിയിരിക്കുകയാണ്. സന്ദേശത്തിന്റെ ഉറവിടത്തിനായി മുംബൈ പൊലിസ് അന്വേഷണം ആരംഭിച്ചിട്ടുണ്ട്.

ALSO READ: ഉപ്പയെ നഷ്ടമാകാതിരിക്കാന്‍ കിഡ്‌നി പകുത്തു നല്‍കിയവള്‍...തീ പാറുന്ന ആകാശത്തിന് കീഴെ ആത്മവീര്യത്തിന്റെ കരുത്തായവള്‍...' ഇസ്‌റാഈല്‍ കൊലപ്പെടുത്തിയ മാധ്യമപ്രവര്‍ത്തക മറിയം ദഖയെ ഓര്‍മിച്ച് സഹപ്രവര്‍ത്തക

സുരക്ഷാ സേനയ്ക്ക് ഏത് ഭീഷണിയും കൈകാര്യം ചെയ്യാന്‍ കഴിയും. ഞങ്ങള്‍ എല്ലാ പ്രതിരോധ നടപടികളും സുരക്ഷാ നടപടികളും സ്വീകരിക്കുന്നുണ്ട്. പാര്‍ക്കിംഗ് മുതല്‍ ബേസ്‌മെന്റ് വരെ എല്ലാ സ്ഥലങ്ങളും ഞങ്ങള്‍ പരിശോധിക്കുന്നുണ്ട്, ഒന്നും തന്നെ അവഗണിക്കപ്പെടുന്നില്ല,' ഒരു മുതിര്‍ന്ന ഉദ്യോഗസ്ഥന്‍ പത്രസമ്മേളനത്തില്‍ പറഞ്ഞു.

അതേസമയം, ഹെല്‍പ് ലൈനിലേക്ക് അജ്ഞാത നമ്പറുകളില്‍ നിന്നെത്തുന്ന ഇത്തരം ഭീഷണി സന്ദേശങ്ങള്‍ക്ക് പിന്നില്‍ പലപ്പോഴും മാനസികാസ്വാസ്ഥ്യമുള്ളവേരാ, മദ്യപിച്ച് ലക്കുക്കെട്ടവരോ ആയിരുക്കുമെന്ന് മുംബൈ പൊലിസ് ഉദ്യോഗസ്ഥന്‍ പ്രതികരിച്ചു. 

നഗരം ശനിയാഴ്ച ആനന്ദ് ചതുര്‍ദശി ആഘോഷത്തിനായി ഒരുങ്ങുന്നതിനിടെയാണ് പൊലിസിന് തലവേദനയായി ബോംബ് ഭീഷണിലെത്തുന്നത്. 10ഓളം കമ്മീഷണര്‍ റാങ്ക് ഉദ്യോഗസ്ഥര്‍, 40 ഡി.സി.പി റാങ്ക് ഉദ്യോഗസ്ഥര്‍, 3000 ഇന്‍സ്‌പെക്ടര്‍മാര്‍,15,000കോണ്‍സ്റ്റബിള്‍ മാര്‍ എന്നിവരെ വിന്യസിച്ചാണ് സുരക്ഷാ വലയം ശക്തമാക്കിയത്. 14 കമ്പനി എസ്.ആര്‍.പി.എഫ്, മൂന്ന് ടീം കലാപ നിയന്ത്രണ സേന, നാല് കമ്പനി സി.എ.പി.എഫ് ഉള്‍പ്പെടെ സേനകള്‍ വിന്യസിച്ചു.

mumbai police tighten security after receiving a threat warning of 34 human bombs carrying 400 kilograms of rdx. high alert declared across the city.