കണ്ണൂര്‍: കര്‍ണാടകയില്‍ നിന്നു എംഡിഎംഎയുമായി നാട്ടിലെത്തി വില്‍പന നടത്തുന്ന ആംബുലന്‍സ് ഡ്രൈവര്‍ പിടിയില്‍. കായക്കൂല്‍ പുതിയപുരയില്‍ വീട്ടില്‍ കെപി മുസ്തഫ (37) യാണ് 430 മില്ലിഗ്രാം എംഡിഎംഎയുമായി എക്‌സൈസ് സംഘത്തിന്റെ പിടിയിലായത്. തളിപ്പറമ്പ് കണ്ടിവാതുക്കലില്‍നിന്നാണ് ഇയാളെ പിടികൂടിയത്. രോഗികളുമായി കര്‍ണാടകയിലെ ആശുപത്രിയിലേക്കു പോയി തിരിച്ചുമടങ്ങുമ്പോഴാണ് മുസ്തഫ മയക്കുമരുന്ന് കടത്ത് നടത്തിയിരുന്നത്.

മയക്കുമരുന്ന് വില്‍പനയെക്കുറിച്ച് വിവരം ലഭിച്ചതിനെത്തുടര്‍ന്ന് മുസ്തഫ എക്‌സൈസ് നിരീക്ഷണത്തിലായിരുന്നു. എംഡിഎംഎ ആവശ്യക്കാര്‍ക്ക് ഇയാള്‍ നേരിട്ട് കൈമാറുമായിരുന്നില്ല. നിശ്ചിതസ്ഥലത്ത് വച്ചശേഷം ഫോട്ടോയെടുത്ത് ആവശ്യക്കാര്‍ക്ക് ലൊക്കേഷന്‍ സഹിതം അയച്ചുകൊടുക്കുന്നതാണ് ഇയാളുടെ രിതീയെന്നും എക്‌സൈസ് പറഞ്ഞു. മുസ്തഫയെ സ്റ്റേഷന്‍ജാമ്യത്തില്‍ വിട്ടയച്ചിട്ടുണ്ട്.

സംഭവത്തെ തുടര്‍ന്ന് ഇയാളെ ആംബുലന്‍സ് ഓണേഴ്‌സ് ആന്‍ഡ് ഡ്രൈവേഴ്‌സ് അസോസിയേഷനില്‍ നിന്ന് പുറത്താക്കിയതായി ജില്ലാ സെക്രട്ടറി റംസി പാപ്പിനിശ്ശേരി പറഞ്ഞു. തളിപ്പറമ്പ് റേഞ്ച് അസി. എക്‌സൈസ് ഇന്‍സ്‌പെക്ടര്‍ പികെ രാജീവന്റെ നേതൃത്വത്തില്‍ ആണ് പ്രതിയെ പിടികൂടിയത്. അസി. എക്‌സൈസ് ഇന്‍സ്‌പെക്ടര്‍ കെ രാജേഷ്, പിപി മനോഹരന്‍, എക്‌സൈസ് പ്രിവന്റീവ് ഓഫീസര്‍ കെ മുഹമ്മദ് ഹാരിസ്, സിവില്‍ എക്‌സൈസ് ഓഫിസര്‍മാരായ ടിവി വിജിത്ത്, കലേഷ്, സിവില്‍ എക്‌സൈസ് ഓഫീസര്‍ ഡ്രൈവര്‍ പ്രകാശന്‍ എന്നിവരടങ്ങിയ സംഘമായിരുന്നു ഇയാളെ പിടികൂടിയത്.

ALSO READ: ഹൃദയാഘാതം; കേരള കോൺഗ്രസ് നേതാവ് പ്രിൻസ് ലൂക്കോസ് അന്തരിച്ചു

An ambulance driver from Kannur, KP Mustafa (37), was arrested by the Excise Department for trafficking MDMA. He was caught with 430 mg of MDMA at Kandivathukkal, Thaliparamba. Mustafa, a resident of Kayakkool Puthiyapura, allegedly transported the drugs during trips to Karnataka hospitals, under the guise of ferrying patients.