ദുബൈ: അടിയന്തരമല്ലാത്ത അന്വേഷണങ്ങള്‍ക്കായുള്ള സമര്‍പ്പിത ചാനലായ ദുബൈ പൊലിസിന്റെ 901 കോള്‍ സെന്റര്‍ വേഗമേറിയതും കാര്യക്ഷമവുമായ ഉപയോക്തൃ സേവനം നല്‍കുന്നത് തുടരുകയാണ്. ഈ വര്‍ഷം ആദ്യ ആറ് മാസങ്ങള്‍ക്കിടെ വിവിധ ചാറ്റ് പ്ലാറ്റ്‌ഫോമുകളിലായി ഫോണ്‍ കോളുകള്‍, ഇമെയിലുകള്‍, തല്‍ക്ഷണ സന്ദേശങ്ങള്‍ എന്നിവയുള്‍പ്പെടെ 542,686 ആശയ വിനിമയങ്ങള്‍ കോള്‍ സെന്റര്‍ കൈകാര്യം ചെയ്തു.

പൊതുജനങ്ങള്‍ക്ക് വിവരങ്ങള്‍, അടിയന്തരമല്ലാത്ത സാഹചര്യങ്ങളില്‍ സഹായം, പിന്തുണ എന്നിവ വാഗ്ദാനം ചെയ്തുകൊണ്ട്, ജനങ്ങള്‍ക്ക് ശരിയായ സമയത്ത് ശരിയായ സേവനം ലഭിക്കുന്നുണ്ടെന്ന് ഉറപ്പാക്കി, അടിയന്തര ഹോട്ട്‌ലൈനുകളിലെ സമ്മര്‍ദം ലഘൂകരിക്കുന്നതില്‍ 901 കോള്‍ സെന്റര്‍ സുപ്രധാന പങ്ക് വഹിക്കുന്നു.

ഇക്കാലയളവില്‍ ദുബൈയിലുടനീളമുള്ള ഉപയോക്താക്കളില്‍ നിന്ന് 901 കോള്‍ സെന്ററിന് 393,000 ഫോണ്‍ കോളുകള്‍ ലഭിച്ചതായും; 96,610 ഇമെയിലുകള്‍ക്ക് മറുപടി നല്‍കിയതായും 53,076 തല്‍ക്ഷണ സന്ദേശങ്ങള്‍ കൈകാര്യം ചെയ്തതായും ജനറല്‍ അഡ്മിനിസ്‌ട്രേറ്റിവ് അഫയേഴ്‌സ് ഡിപാര്‍ട്‌മെന്റിലെ കസ്റ്റമര്‍ ഹാപിനസ് സെന്റര്‍ ഡയരക്ടര്‍ അബ്ദുള്ള ഇബ്രാഹിം പറഞ്ഞു.
സമൂഹ സന്തോഷം വര്‍ധിപ്പിക്കാനും, ദുബൈയെ 'ഏറ്റവും സുരക്ഷിതമായ നഗരം' ആക്കാനുമുള്ള ദുബൈ പൊലിസ് നേതൃത്വത്തിന്റെ ദര്‍ശനം നിറവേറ്റാന്‍ 901 കോള്‍ സെന്റര്‍ പ്രതിജ്ഞാബദ്ധമാണെന്ന് ഇബ്രാഹിം ഊന്നിപ്പറഞ്ഞു. കോളുകള്‍ക്ക് വേഗത്തിലുള്ള പ്രതികരണങ്ങള്‍ ഉറപ്പാക്കുകയും, ഒന്നിലധികം ഭാഷകളില്‍ ഉപയോക്തൃ അന്വേഷണങ്ങള്‍ കൈകാര്യം ചെയ്യാണ് ആധുനിക സാങ്കേതിക വിദ്യകള്‍ ഉപയോഗിക്കുകയും ചെയ്യുന്നതിലൂടെയാണ് ഇത് സാധ്യമാകുന്നതെന്നും അദ്ദേഹം പറഞ്ഞു.

കോളുകള്‍, ഇമെയിലുകള്‍, സ്മാര്‍ട്ട് ആപ്ലിക്കേഷനുകള്‍, ചാറ്റ് സേവനങ്ങള്‍ എന്നിവ ഉള്‍ക്കൊള്ളുന്ന മൂന്ന് പ്ലാറ്റ്‌ഫോമുകളിലൂടെയാണ് കേന്ദ്രം പ്രവര്‍ത്തിക്കുന്നതെന്ന് അദ്ദേഹം വിശദീകരിച്ചു. പരാതികള്‍, നിര്‍ദേശങ്ങള്‍, അഭ്യര്‍ത്ഥനകള്‍ എന്നിവ പരിഹരിക്കുന്നതില്‍ ശ്രദ്ധ കേന്ദ്രീകരിക്കുന്ന ഫോണ്‍ അന്വേഷണങ്ങള്‍ കൈകാര്യം ചെയ്യുന്ന പ്രത്യേക ജീവനക്കാരാണ് ആദ്യ പ്ലാറ്റ്‌ഫോം നടത്തുന്നത്.

ഇടപാടുമായി ബന്ധപ്പെട്ട കോളുകള്‍ മാത്രമാണ് രണ്ടാമത്തെ പ്ലാറ്റ്‌ഫോം കൈകാര്യം ചെയ്യുന്നത്. ദുബൈ പൊലിസിന്റെ സ്മാര്‍ട്ട് ചാനലുകള്‍ വഴി പൊതു ഇടപാടുകള്‍ കാര്യക്ഷമമായി കൈകാര്യം ചെയ്യുന്നത് ഉറപ്പാക്കുന്നു.
ഇമെയില്‍, സോഷ്യല്‍ മീഡിയ, ചാറ്റ് സേവനങ്ങള്‍ വഴി ഉപയോക്തൃ അഭ്യര്‍ത്ഥനകള്‍ക്ക് പ്രതികരിക്കുന്ന സര്‍ഗ ശേഷിയുള്ള ജീവനക്കാരാണ് മൂന്നാമത്തെ പ്ലാറ്റ്‌ഫോം കൈകാര്യം ചെയ്യുന്നത്. പൊലിസിന്റെ സ്മാര്‍ട്ട് ആപ്പ്, പൊലിസ് ഐ ആപ്പ്, കുറ്റകൃത്യ റിപ്പോര്‍ട്ടിംഗ് ഉപകരണങ്ങള്‍, മറ്റ് ഡിജിറ്റല്‍ സേവനങ്ങള്‍ എന്നിവയുമായി ബന്ധപ്പെട്ട അന്വേഷണങ്ങള്‍ കൈകാര്യം ചെയ്യുന്നത് ഇതില്‍ ഉള്‍പ്പെടുന്നു.

കോള്‍ സെന്ററിലെ എമിറാത്തി ടീമുകളുടെ 24 മണിക്കൂറും പ്രവര്‍ത്തിക്കുന്ന സേവനത്തെ ഇബ്രാഹിം പ്രശംസിച്ചു. അവരുടെ പ്രൊഫഷണലിസവും കാര്യക്ഷമതയും അദ്ദേഹം എടുത്തു പറഞ്ഞു. 'സമൂഹ സന്തോഷം വര്‍ധിപ്പിക്കാനും, ഉപയോക്താക്കള്‍ക്ക് ഉടനടി സഹായം ഉറപ്പാക്കാനുമുള്ള ദുബൈ പൊലിസ് നേതൃത്വത്തിന്റെ പ്രതിബദ്ധതയാണ് അവരുടെ ശ്രമങ്ങള്‍ പ്രതിഫലിപ്പിക്കുന്നത്'' അദ്ദേഹം കൂട്ടിച്ചേര്‍ത്തു.

ട്രാഫിക് സേവനങ്ങള്‍, കുറ്റവാളികളുമായി ബന്ധപ്പെട്ട സേവനങ്ങള്‍, സര്‍ട്ടിഫിക്കറ്റ് വിതരണം, പൊതു സാമൂഹിക പിന്തുണ എന്നിവയുള്‍പ്പെടെ 901 കോള്‍ സെന്റര്‍ പൊതുജനങ്ങള്‍ക്ക് വിപുലമായ സേവനങ്ങള്‍ നല്‍കുന്നുണ്ടെന്നും അദ്ദേഹം വിശദീകരിച്ചു.

ALSO READ: ദുബൈയിലെത്തിയ ഇന്ത്യന്‍ യൂട്യൂബറുടെ ഐഫോണ്‍ നഷ്ടമായി, അടുത്ത വിമാനത്തില്‍ ഫ്രീയായി നാട്ടിലെത്തിച്ചു; ദുബൈ പൊലിസിന്റെ പ്രകടനമികവിന് കൈയടി

The Dubai Police's 901 Call Centre, dedicated to non-emergency situations and customer inquiries, handled 542,686 communications, including phone calls, emails, and instant messaging conversations with customers via chat applications during the first half of 2025.