ഫരീദാബാദ്: എ.സി പൊട്ടിത്തെറിച്ച് കുടംബത്തിലെ മൂന്നു പേര്‍ മരിച്ചു. അമ്മയും അച്ഛനും മകളുമാണ് മരിച്ചത്. ഹരിയാനയിലെ ഫരീദാബാദില്‍ തിങ്കളാഴ്ച പുലര്‍ച്ചെയാണ് സംഭവം. സചിന്‍ കപൂര്‍ (49), ഭാര്യ റിങ്കു കപൂര്‍(48), മകള്‍ സുജന്‍ കപൂര്‍ (13) എന്നിവരാണ് മരണപ്പെട്ടത്. ഇവരുടെ വളര്‍ത്തു നായയും അപകടത്തില്‍ മരണപ്പെട്ടു. 

പുലര്‍ച്ചെ ഒന്നരയോടെ നാലുനിലയുള്ള വീടിന്റെ ഒന്നാമത്തെ നിലയിലാണ് ഉയര്‍ന്ന ശബ്ദത്തോടെ പൊട്ടിത്തെറിയുണ്ടായത്. രണ്ടാം നിലയിലാണ് കപൂര്‍ കുടുംബം ഉണ്ടായിരുന്നത്. ഒന്നാം നില ഒഴിഞ്ഞുകിടക്കുകയായിരുന്നു.

എ.സി പൊട്ടിത്തേറിച്ചതിനെ തുടര്‍ന്നുണ്ടായ കനത്ത പുക രണ്ടാം നിലയിലുമെത്തി. ഇതാണ് മരണത്തിനിടയാക്കിയതെന്നാണ് നഗമനം. മറ്റൊരു മുറിയിലായിരുന്നു 24 കാരനായ മകന്‍ ആര്യന്‍ കപൂര്‍ ഉറങ്ങിയിരുന്നത് സ്‌ഫോടനശബ്ദം കേട്ടയുടന്‍ രക്ഷപ്പെടാനായി ആര്യന്‍ ജനല്‍വഴി പാരപ്പെറ്റിലേക്ക് ചാടി. ആര്യന്‍ ഗുരുതരാവസ്ഥയില്‍ ആശുപത്രിയിലാണ്. 

ALSO READ: 'മദനിയുടെ വാക്കുകള്‍ തെറ്റായി ഉദ്ധരിച്ചു' ഗ്യാന്‍വാപി, മഥുര ഈദ് ഗാഹ് മസ്ജിദ് വിഷയങ്ങളില്‍ ആര്‍.എസ്.എസുമായി ചര്‍ച്ചയെന്ന റിപ്പോര്‍ട്ട് തള്ളി ജംഇയ്യത്ത്

നാലുനില കെട്ടിടത്തിന്റെ നാലാം നിലയില്‍ ഏഴുപേരടങ്ങുന്ന കുടുംബം താമസിക്കുന്നുണ്ടായിരുന്നു. മൂന്നാം നിലയില്‍ സചിന്റെ ഓഫിസാണ് പ്രവര്‍ത്തിച്ചിരുന്നത്.

എയര്‍കണ്ടീഷണറില്‍ നിന്നുയര്‍ന്ന വിഷപ്പുകയാണ് മരണകാരണമെന്ന് സംഭവസ്ഥലം സന്ദര്‍ശിച്ച പൊലിസ് അറിയിച്ചു. സ്‌ഫോടനശബ്ദം കേട്ടാണ് അയല്‍വാസികളും ഞെട്ടിയുണര്‍ന്ന് എത്തിയത്. കനത്ത പുക രക്ഷാപ്രവര്‍ത്തനത്തിന് തടസ്സമായതായും അയല്‍വാസികള്‍ പറഞ്ഞു.

A tragic AC explosion led to the death of a father, mother, and daughter. The son, who jumped from the balcony to escape the fire, is in critical condition. Shocking incident under investigation.