കൊല്‍ക്കത്ത: രാജ്യത്തെ മുതിര്‍ന്ന പത്രപ്രവര്‍ത്തകനും 'ദി ടെലഗ്രാഫ്' എഡിറ്ററുമായ സംഘര്‍ഷന്‍ താക്കൂര്‍ അന്തരിച്ചു. 63 വയസ്സായിരുന്നു. ദീര്‍ഘനാളായി രോഗിയായിരുന്നു അദ്ദേഹം. ഇന്ത്യയിലെ ഏറ്റവും മികച്ച രാഷ്ട്രീയ പത്രപ്രവര്‍ത്തകരില്‍ ഒരാളാണ് സംഘര്‍ഷന്‍ താക്കൂര്‍.  ദി ടെലിഗ്രാഫ്, ദി ഇന്ത്യന്‍ എക്‌സ്പ്രസ്, തെഹല്‍ക്ക തുടങ്ങിയവയ മാധ്യങ്ങളില്‍ അദ്ദേഹം വ്യക്തിമുദ്ര പതിപ്പിച്ചു. 

1962ല്‍ പട്‌നയിലാണ് ജനനം.  1984ല്‍ 'സണ്‍ഡെ'യിലൂടെയാണ് അദ്ദേഹം തന്റെ പത്രപ്രവര്‍ത്തന ജീവിതം ആരംഭിക്കുന്നത്. ബിഹാര്‍ രാഷ്ട്രീയത്തെക്കുറിച്ചുള്ള കൃതികള്‍ ഉള്‍പ്പെടെ നിരവധി പുസ്തകങ്ങള്‍ രചിച്ചു. ലാലു പ്രസാദ് യാദവിന്റെ രാഷ്ട്രീയ ജീവചരിത്രമായ 'സബാള്‍ട്ടേണ്‍ സാഹേബ്' അദ്ദേഹത്തിന്റെ ഒരു ശ്രദ്ധേയ ഗ്രന്ഥമാണ്.  ലാലുവിനെയും നിതീഷ് കുമാറിനെയും കുറിച്ചുള്ള 'ദി ബ്രദേഴ്സ് ബിഹാരി'യും അദ്ദേഹത്തിന്റേതായുണ്ട്. കാര്‍ഗില്‍ യുദ്ധം, പാകിസ്താന്‍, ഉത്തര്‍പ്രദേശിലെ ജാതി ദുരഭിമാന കൊലകള്‍ എന്നിവയെക്കുറിച്ചുള്ള മോണോഗ്രാഫുകളും അദ്ദേഹം ചെയ്തിട്ടുണ്ട്.

ALSO READ: 'മദനിയുടെ വാക്കുകള്‍ തെറ്റായി ഉദ്ധരിച്ചു' ഗ്യാന്‍വാപി, മഥുര ഈദ് ഗാഹ് മസ്ജിദ് വിഷയങ്ങളില്‍ ആര്‍.എസ്.എസുമായി ചര്‍ച്ചയെന്ന റിപ്പോര്‍ട്ട് തള്ളി ജംഇയ്യത്ത്

താക്കൂറിന്റെ വിയോഗത്തില്‍ മാധ്യമ-രാഷ്ട്രീയ മേഖലയില്‍ നിന്നുള്ള നിരവധി പേര്‍ അദ്ദേഹത്തിന്റെ വിയോഗത്തില്‍ അനുശോചനം രേഖപ്പെടുത്തി. മാധ്യമലോകത്തെ നിര്‍ഭയമായ ശബ്ദമാണ് നഷ്ടമായതെന്ന് പ്രസ് ക്ലബ് ഓഫ് ഇന്ത്യ പറഞ്ഞു. അദ്ദേഹത്തിന്റെ ശക്തമായ രാഷ്ട്രീയ വിശകലനവും സത്യത്തോടുള്ള അടിയുറച്ച പ്രതിബദ്ധതയും എടുത്തു പറഞ്ഞ പ്രസ് ക്ലബ് ഓഫ് ഇന്ത്യയുടെ എക്‌സ് കുറിപ്പില്‍ അദ്ദേഹത്തിന്റെ വിയോഗം ആഴത്തിലുള്ള നഷ്ടബോധമുണ്ടാക്കുന്നുവെന്നും പ്രതികരിച്ചു. 

കോണ്‍ഗ്രസ് നേതാവ് ജയറാം രമേശും താക്കൂറിന് 'എക്‌സി'ല്‍ ആദരാഞ്ജലികള്‍ അര്‍പ്പിച്ചു. 'ദി ടെലിഗ്രാഫിന്റെ എഡിറ്ററായ സംഘര്‍ഷന്‍ താക്കൂര്‍ ഒരു മികച്ച എഴുത്തുകാരനായിരുന്നു. ഇന്ത്യന്‍ രാഷ്ട്രീയത്തിന്റെ സൂക്ഷ്മമായ വിശകലന വിദഗ്ദ്ധനായിരുന്നു അദ്ദേഹം. ബിഹാറിനെയും ജമ്മു കശ്മീറിനെയും കുറിച്ചുള്ള നിരവധി ലേഖനങ്ങള്‍ പ്രശസ്തി നേടിക്കൊടുത്തെന്നും ജയറാം രമേശ് കുറിച്ചു.

Veteran journalist and editor of The Telegraph, Sankhayan Thakur, has passed away at the age of 63 after a prolonged illness. Known as one of India's finest political commentators, he also contributed to The Indian Express and Tehelka.