മനാമ: അബൂദബിയില്‍ ഇന്‍ഷുറന്‍സ് തുക തട്ടിയെടുക്കാനായി കൊലപാതകം ആസൂത്രണംചെയ്ത് നടപ്പാക്കിയ മലയാളിയായ കുപ്രസിദ്ധ പിടികിട്ടാപ്പുള്ളി ഹരിദാസ് സുകുമാരക്കുറുപ്പ് എന്ന സുകുമാരക്കുറുപ്പ് നമുക്ക് പരിചിതനാണ്. 40 കൊല്ലം മുമ്പാണ് എട്ട് ലക്ഷം രൂപയ്ക്കായി ചാക്കോ എന്നയാളെ സുകുമാരക്കുറുപ്പ് കൊലപ്പെടുത്തിയത്. മൃതദേഹം കുറുപ്പിന്റെതായി അവതരിപ്പിച്ച് തന്റെ പേരിലുള്ള ഇന്‍ഷുറന്‍സ് തുക തട്ടിയെടുക്കുകയായിരുന്നു ലക്ഷ്യം. 40 കൊല്ലം മുമ്പ് എട്ട് ലക്ഷം രൂപയെന്നത് എത്രയോ വലിയ മൂല്യമുള്ള തുകയാണ്. അബുദാബിയില്‍ ഭാര്യയോടൊപ്പം ജോലി ചെയ്തുവരികയായിരുന്നു കുറുപ്പ്.

സമാനമായ തട്ടിപ്പ് ഏറ്റവും ഒടുവിലായി ബഹ്‌റൈനിലാണ് ഇപ്പോള്‍ റിപ്പോര്‍ട്ട് ചെയ്തിരിക്കുന്നത്. 4.4 കോടിയുടെ ഇന്‍ഷുറന്‍സ് ലഭിക്കാനായി സ്വന്തം മരണ സര്‍ട്ടിഫിക്കറ്റ് ഉണ്ടാക്കിയ ബഹ്‌റൈനിലെ പ്രവാസിയായ നിക്ഷേപകനെ പൊലിസ് അറസ്റ്റ്‌ചെയ്തു. തന്റെ മുന്‍ തൊഴിലുടമയില്‍ നിന്ന് 188,500 ദിനാര്‍ മൂല്യമുള്ള ലൈഫ് ഇന്‍ഷുറന്‍സ് ക്ലെയിം ചെയ്യാന്‍ വേണ്ടിയാണ് പാക്കിസ്താന്‍ സ്വദേശി സ്വന്തം മരണ സര്‍ട്ടിഫിക്കറ്റ് വ്യാജമായി സൃഷ്ടിച്ചത്. വേതനം ലഭിക്കാത്തതിന് പ്രതികാരമായാണ് 44 കാരനായ പാക്കിസ്താന്‍ സ്വദേശി ഇത്തരമൊരു കാര്യം ചെയ്തതെന്നാണ് പറയുന്നത്. സംഭവത്തില്‍ പാക്കിസ്താന്‍ സ്വദേശിക്ക് പുറമെ ഇയാളുടെ 46 വയസ്സുള്ള സഹോദരന്‍, സഹോദരന്റെ ഭാര്യ എന്നിവരും അറസ്റ്റിലായി. ഇവരെ പ്രോസിക്യൂഷന് കൈമാറി. വിചാരണയ്ക്ക് ശേഷം ശിക്ഷിച്ച് നാടു കടത്തും.

സിനിമക്ക് വരെ പ്രമേയമായ സുകുമാരക്കുറുപ്പ് കേസ്

തന്റെ രൂപത്തിന് സാദൃശ്യമുള്ള ആളെ കണ്ടെത്തിയാണ് സുകുമാരക്കുറുപ്പ് കൊല നടത്തിയത്. ശരീരത്തിന് സാദൃശ്യമുള്ള ആളെ കണ്ടെത്താനായി ഏറെ ദിവസം നടത്തിയ തിരിച്ചിലിലാണ് സുകുമാരക്കുറുപ്പും ഭാര്യാ സഹോദരന്‍ ഭാസ്‌കരപ്പിള്ളയും ചാക്കോയെ ലക്ഷ്യമിട്ടത്. ആലപ്പുഴയില്‍ ബസ് കാത്തുനില്‍ക്കുകയായിരുന്ന ചാക്കോയെ ലിഫ്റ്റ് നല്‍കാമെന്നു പറഞ്ഞ് കാറില്‍ക്കയറ്റുകയും നിര്‍ബന്ധിപ്പിച്ച് മദ്യം കഴിപ്പിച്ച് കഴുത്തുഞെരിച്ചു കൊലപ്പെടുത്തുകയായിരുന്നു. ഭാസ്‌കരപിള്ളയുടെ വീട്ടില്‍വെച്ച് ചാക്കോയുടെ തല പെട്രോളൊഴിച്ച് കരിയിച്ചുകളഞ്ഞു. കുറുപ്പിന്റെ നേതൃത്വത്തില്‍ കുന്നത്തെ വയലില്‍ കാറും മൃതദേഹവും ഇറക്കി കത്തിക്കുകയുമായിരുന്നു.

സംഭവം കാറപകടമായും സുകുമാരക്കുറുപ്പ് മരിച്ചെന്നും വിശ്വസിപ്പിച്ച് ഇന്‍ഷുറന്‍സ് ഒപ്പിക്കുകയായിരുന്നു ലക്ഷ്യം. പിന്നീട് അന്വേഷണത്തിലാണ് അത് കൊലപാതകമാണെന്നും മരിച്ചത് ചാക്കോ ആണെന്നും വ്യക്തമായത്. സംഭവം നടന്ന് 40 വര്‍ഷം കഴിഞ്ഞെങ്കിലും കുറുപ്പിനെ കണ്ടെത്താനായില്ല. ഇതേ കഥയെ ആസ്പദമാക്കി ദുല്‍ഖര്‍ സല്‍മാനെ നായകനാക്കി കുറുപ്പ് സിനിമയും ഇറങ്ങി. 

ALSO READ: പോപുലര്‍ ഫ്രണ്ട് ബന്ധമാരോപിച്ച് പോലിസില്‍നിന്ന് പുറത്താക്കി; തീവ്രവാദബന്ധം തള്ളി തിരിച്ചെടുക്കാന്‍ ട്രിബൂണലിന്റെ ഉത്തരവുണ്ടായിട്ടും രക്ഷയില്ല; നിത്യവൃത്തിക്കായി അനസ് ഇന്ന് ആക്രിക്കടയില്‍

An expatriate in Bahrain allegedly faked his own death in an attempt to claim life insurance worth $500,000 (BD188,500) from his ex-employer, as revenge for unpaid wages. The 44-year-old Pakistani man, along with his 46-year-old brother and wife, are on trial for allegedly forging a death certificate and using it to try to collect the payout .