ടി-20യിലെ ഏറ്റവും ഉയർന്ന വ്യക്തിഗത സ്കോർ ഇപ്പോഴും വെസ്റ്റ് ഇൻഡീസ് വെടിക്കെട്ട് ബാറ്റർ ക്രിസ് ഗെയ്‌ലിന്റെ പേരിലാണുള്ളത്. 2013 ഗെയ്ൽ സ്വന്തമാക്കിയ ഈ നേട്ടം ഇതുവരെ ആരും തകർത്തിട്ടില്ല. ഇപ്പോൾ തന്റെ ഈ റെക്കോർഡ് തകർക്കാൻ കഴിയുന്ന രണ്ട് താരങ്ങൾ ആരൊക്കെയാണെന്ന് പറഞ്ഞിരിക്കുകയാണ് ഗെയ്ൽ. ഇന്ത്യൻ ടെസ്റ്റ് ക്യാപ്റ്റൻ ശുഭ്മൻ ഗിൽ വെസ്റ്റ് ഇൻഡീസ് സൂപ്പർ താരം നിക്കോളാസ് പൂരൻ എന്നീ താരങ്ങൾക്ക് തകർക്കാൻ കഴിയുമെന്നാണ് ഗെയ്ൽ അഭിപ്രായപ്പെട്ടത്. ശുഭങ്കർ മിശ്രയുടെ യൂട്യൂബ് ചാനലിൽ നൽകിയ അഭിമുഖത്തിലാണ് ഗെയ്ൽ ഇക്കാര്യം പറഞ്ഞത്. 

''ഇക്കാലത്ത് യുവതാരങ്ങൾ വളരെ ആക്രമിച്ചു കളിക്കുന്നതിനാൽ ഐ‌പി‌എല്ലിൽ ഇത് സംഭവിക്കുമെന്ന് ഞാൻ കരുതുന്നു. നിക്കോളാസ് പൂരൻ, ശുഭ്മൻ ഗിൽ ഇവർക്ക് ഇത് ചെയ്യാൻ കഴിയുമെന്ന് ഞാൻ കരുതുന്നു. അവരുടെ സ്കോറിങ് നിരക്കുകൾ നോക്കിയാൽ മതി. അവർ മികച്ച താരങ്ങളാണ്'' ക്രിസ് ഗെയ്ൽ പറഞ്ഞു. 

2013 ഐപിഎല്ലിൽ റോയൽ ചലഞ്ചേഴ്‌സ് ബെംഗളൂരുവിനായി കളിക്കുന്ന സമയത്താണ് ഗെയ്ൽ ഈ റെക്കോർഡ് സ്വന്തമാക്കിയത്. പൂനെ വാരിയേഴ്‌സിനെതിരെ  66 പന്തിൽ നിന്നും 175 റൺസായിരുന്നു ഗെയ്ൽ നേടിയിരുന്നത്. 13 ഫോറുകളും 17 കൂറ്റൻ സിക്സുകളും ആണ് ഗെയ്ൽ നേടിയത്. നീണ്ട 12 വർഷം കഴിയുമ്പോഴും ആരാലും തകർക്കപ്പെടാതെ ഈ റെക്കോർഡ് ഇപ്പോഴും നിലനിൽക്കുകയാണ്. 

The highest individual score in T20Is still belongs to West Indies batsman Chris Gayle. This feat, achieved by Gayle in 2013, has not been broken yet. Gayle has now named the two players who can break his record.