ലുധിയാന: ഓടുന്ന ഓട്ടോറിക്ഷയിൽ വച്ച് യാത്രക്കാരിക്ക് നേരെ കവർച്ചാ ശ്രമം. യുവതി ധൈര്യം വീണ്ടെടുത്ത് ഉറക്കെ നിലവിളിക്കുകയും ഓട്ടോയുടെ പുറത്തേക്ക് തൂങ്ങിക്കിടന്ന് സഹായം തേടുകയും ചെയ്തു. ഏകദേശം അര കിലോമീറ്ററോളം ദൂരം ഈ രീതിയിൽ തൂങ്ങിക്കിടന്ന യുവതിയുടെ നിലവിളി കേട്ട് പിന്നാലെ വന്ന വാഹനങ്ങളിലുള്ളവർ ഓട്ടോ തടയുകയായിരുന്നു. ഇതോടെയാണ് യുവതിയെ രക്ഷപ്പെടുത്താനായത്.  

പഞ്ചാബിലെ ലുധിയാനയിൽ, ജലന്ധർ ബൈപാസിന് സമീപത്ത് വച്ചായിരുന്നു ഞെട്ടിക്കുന്ന സംഭവം. ഫില്ലൗറിൽ നിന്ന് നവൻഷഹർ എന്ന സ്ഥലത്തേക്ക് യാത്ര ചെയ്യാനായാണ് ജലന്ധർ ബൈപാസിൽ നിന്ന് യുവതി ഓട്ടോയിൽ കയറിയത്. മീന കുമാർ എന്ന യുവതിയാണ് ആക്രമണത്തിനിരയായത് എന്ന് റിപ്പോർട്ടുകൾ സൂചിപ്പിക്കുന്നു. സംഭവത്തിനിടെ ഒരു പ്രതി ഓടിരക്ഷപ്പെടുകയും, ബാക്കി രണ്ട് പേരെ പൊലിസ് അറസ്റ്റ് ചെയ്തു.

ALSO READ: പൊതു സുരക്ഷയ്ക്ക് ഭീഷണി: പ്രതിഷേധത്തിന്റെ മറവിൽ വ്യാപക ലൈംഗികാതിക്രമങ്ങൾ; നേപ്പാളിൽ രാജ്യവ്യാപക കർഫ്യൂ പ്രഖ്യാപിച്ചു

ഡ്രൈവറെ കൂടാതെ ഓട്ടോയിൽ ഉണ്ടായിരുന്ന രണ്ട് യാത്രക്കാർ കൂടി ചേർന്ന് യുവതിയെ ആക്രമിക്കുകയും കവർച്ചയ്ക്ക് ശ്രമിക്കുകയും ആയിരുന്നു. യാത്ര ആരംഭിച്ച് അല്പസമയത്തിനുള്ളിൽ പ്രതികൾ യുവതിയുടെ കൈകൾ ഷാൾ ഉപയോഗിച്ച് കെട്ടിയിട്ടു. ആയുധം കാട്ടി ഭീഷണിപ്പെടുത്തി ആഭരണങ്ങളും പണവും കൈക്കലാക്കാനും ശ്രമിച്ചു.

https://x.com/ashraphdhuddy/status/1965334612235673839

ഫില്ലൗർ-ലുധിയാന ഹൈവേയിലുണ്ടായ സംഭവത്തിന്റെ വീഡിയോ സാമൂഹിക മാധ്യമങ്ങളിൽ വൈറലായി. യുവതിയുടെ ധീരതയെ നെറ്റിസൻസ് വ്യാപകമായി പ്രശംസിച്ചു. അതേസമയം, പഞ്ചാബിലെ നിയമക്രമസമാധാന നിലയെ വിമർശിച്ചും നിരവധി പോസ്റ്റുകൾ പ്രത്യക്ഷപ്പെട്ടിട്ടുണ്ട്.

സ്ത്രീകളുടെ സുരക്ഷയ്ക്കായി കൂടുതൽ നടപടികൾ ആവശ്യമാണെന്ന് പലരും ചൂണ്ടിക്കാട്ടുന്നു. രക്ഷപ്പെട്ട പ്രതിക്കായി പൊലിസ് തിരച്ചിൽ ഊർജിതമാക്കിയിട്ടുണ്ട്.

ALSO READ: സ്വന്തമായി ഡെലിവറി സംവിധാനമുള്ള റെസ്റ്റോറന്റുകൾക്ക് ആശ്വാസം: ഓൺലൈൻ ഫുഡ് ഡെലിവറി ആപ്പുകൾക്ക് ജിഎസ്ടി വർധിപ്പിച്ചു

സംഭവത്തെക്കുറിച്ച് കൂടുതൽ വിശദാംശങ്ങൾ പൊലിസ് പുറത്തുവിട്ടിട്ടില്ലെങ്കിലും, യുവതിയുടെ മൊഴി രേഖപ്പെടുത്തിയതായി അറിയിച്ചു. സമാന സംഭവങ്ങൾ തടയാൻ ഓട്ടോറിക്ഷകളിലെ സുരക്ഷാ നടപടികൾ ശക്തിപ്പെടുത്തണമെന്ന ആവശ്യവും ഉയരുന്നുണ്ട്.

In Ludhiana, Punjab, a woman named Meena Kumar thwarted an attempted robbery in a moving autorickshaw on September 9 near Jalandhar Bypass. Two men, excluding the driver, tied her hands with a shawl and threatened her with a weapon to steal her valuables. Displaying remarkable courage, Meena screamed for help and hung out of the autorickshaw for nearly half a kilometer, alerting passersby. Other vehicles intervened, stopping the autorickshaw and rescuing her. Two suspects were arrested, while one fled, prompting a police manhunt. Her bravery has been widely praised online.