തിരുവനന്തപുരം: രാഹുൽ മാങ്കൂട്ടത്തിലിനെതിരായ വെളിപ്പെടുത്തലുകളുടെ പശ്ചാത്തലത്തിൽ ക്രൈംബ്രാഞ്ച് നിയമോപദേശം തേടുന്നു. യുവനടിയുടെ മൊഴിയെടുത്തതിന് പിന്നാലെയാണ് ഈ നീക്കം. നടി നിയമനടപടികൾക്ക് താൽപര്യമില്ലെന്ന് വ്യക്തമാക്കിയിട്ടുണ്ടെങ്കിലും, അന്വേഷണം തുടരുന്നതായി പൊലിസ് വൃത്തങ്ങൾ അറിയിച്ചു.

ALSO READ: നേപ്പാളിൽ കുടുങ്ങിയ മലയാളി വിനോദസഞ്ചാരികൾ: സുരക്ഷ ഉറപ്പാക്കണമെന്ന് മുഖ്യമന്ത്രി; കേന്ദ്രത്തിന് കത്ത്
 
അതേസമയം രാഹുൽ മാങ്കൂട്ടത്തിലിനെതിരെ മോശം അനുഭവങ്ങൾ വെളിപ്പെടുത്തിയ കൊച്ചിയിലെ യുവനടി ക്രൈംബ്രാഞ്ചിന് മൊഴി നൽകി. മാധ്യമങ്ങളോട് തുറന്നുപറഞ്ഞ കാര്യങ്ങൾ തന്നെ പൊലിസിനോടും ആവർത്തിച്ചു. രാഹുൽ അയച്ച സന്ദേശങ്ങളുടെ സ്ക്രീൻഷോട്ടുകളും തെളിവായി കൈമാറി. എന്നാൽ, നിയമനടപടികൾക്ക് താൽപര്യമില്ലെന്ന് നടി മൊഴിയിൽ രേഖപ്പെടുത്തി.

ALSO READ: പൊതു സുരക്ഷയ്ക്ക് ഭീഷണി: പ്രതിഷേധത്തിന്റെ മറവിൽ വ്യാപക ലൈംഗികാതിക്രമങ്ങൾ; നേപ്പാളിൽ രാജ്യവ്യാപക കർഫ്യൂ പ്രഖ്യാപിച്ചു

ഈ സാഹചര്യത്തിൽ നടിയെ പരാതിക്കാരിയാക്കി കേസ് രജിസ്റ്റർ ചെയ്യാൻ സാധിക്കുമോയെന്നാണ് ക്രൈംബ്രാഞ്ച് നിയമോപദേശം തേടുന്നത്. ആരോപണങ്ങൾ ഉന്നയിച്ച രണ്ട് സ്ത്രീകളും നിയമപരമായി മുന്നോട്ടുപോകാൻ താൽപര്യമില്ലെന്ന് വ്യക്തമാക്കിയിട്ടുണ്ട്.പൊലിസിന് മുമ്പാകെ മൊഴി നൽകാൻ തയ്യാറല്ലെന്ന് ട്രാൻസ്ജെൻഡർ യുവതി അറിയിച്ചു.

ALSO READ: ഓടുന്ന ഓട്ടോറിക്ഷയിൽ യുവതിക്ക് നേരെ കവർച്ചാ ശ്രമം: സഹായത്തിനായി തൂങ്ങിക്കിടന്നത് അര കിലോമീറ്ററോളം; രണ്ട് പ്രതികൾ പിടിയിൽ  

ഗർഭഛിദ്രവുമായി ബന്ധപ്പെട്ട് പുറത്തുവന്ന ശബ്ദരേഖയും അന്വേഷണത്തിന്റെ ഭാഗമാണ്. ഗർഭഛിദ്രം നടത്തിയ യുവതിയോട് പൊലിസ് സംസാരിച്ചെങ്കിലും, അവരും നിയമനടപടികൾക്ക് താൽപര്യം പ്രകടിപ്പിച്ചിട്ടില്ല. അതേസമയം, രാഹുലിനെതിരെ പരാതി നൽകിയവരുടെ മൊഴികളും പൊലിസ് രേഖപ്പെടുത്തിയിട്ടുണ്ട്. അന്വേഷണം തുടരുന്നതായി ക്രൈംബ്രാഞ്ച് അധികൃതർ വ്യക്തമാക്കി.

The Crime Branch is seeking legal advice in the sexual allegation case against Rahul Mankootathil. A young actress, who provided her statement and screenshots of messages from Rahul, has expressed unwillingness to pursue legal action. Two other women who raised allegations also declined to proceed legally. The investigation continues, with police recording statements and examining evidence, including an audio clip related to an abortion.