കോഴിക്കോട്: സമസ്ത കേരള ജംഇയ്യത്തുല്‍ ഉലമായുടെ നൂറാം വര്‍ഷികത്തോടനുബന്ധിച്ച് ശംസുല്‍ ഉലമായുടെ ലോകം എന്ന പേരില്‍ കോഴിക്കോട് ദേശീയ സെമിനാര്‍ സംഘടിപ്പിക്കാന്‍ സമസ്ത സെന്റിനറി ജില്ലാതല സ്വാഗതയോഗം തീരുമാനിച്ചു. ശംസുല്‍ ഉലമായുടെ 30ാം ആണ്ടിനോടനുബന്ധിച്ച് അതിവിപുലമായി സംഘടിപ്പിക്കുന്ന സെമിനാറില്‍ സംസ്ഥനത്തിനകത്തും പുറത്ത് നിന്നുമായി പ്രതിനിധികള്‍ പങ്കെടുക്കും. 

കോഴിക്കോട് സമസ്ത ആസ്ഥാനത്ത് ചേര്‍ന്ന യോഗത്തില്‍ ജില്ലാ സ്വാഗതസംഘം ചെയര്‍മാന്‍ എ.വി അബ്ദുറഹ്‌മാന്‍ മുസ്‌ലിയാര്‍
 അധ്യക്ഷനായി. സെമിനാറിന്റെ സംഘാടകസമിതി രൂപീകരിക്കുന്നതിനുവേണ്ടി വിപുലമായ സ്വാഗതസംഘം 20ന് ഉച്ചക്ക് രണ്ടിന് സമസ്ത ആസ്ഥാനത്ത് നടക്കും. സമസ്തയുടെയും കീഴ്ഘടകങ്ങളുടെയും ദാരിമീസ് അസോസിയേഷന്‍ ഉള്‍പ്പെടെ ശംസുല്‍ ഉലമായി ബന്ധപ്പെട്ട സംഘടനകളും വ്യക്തികളും യോഗത്തില്‍ പങ്കെടുക്കും. 

യോഗം ഉമര്‍ ഫൈസി മുക്കം ഉദ്ഘാടനം ചെയ്തു. കെ മോയിന്‍കുട്ടി മാസ്റ്റര്‍, മജീദ് ദാരിമി ചളിക്കോട്, സിപി ഇഖ്ബാല്‍, റാഷിദ് കാക്കുനി, ഇടിഎ അസീസ് ദാരിമി, ത്വാഹ യമാനി, അബ്ദു ഫൈസി, ഫര്‍ഹാന്‍ മില്ലത്ത്, സിറാജ് പള്ളിക്കര, ജസീല്‍ പെരുമണ്ണ സംസാരിച്ചു. ജില്ല സ്വാഗതസംഘം വര്‍ക്കിങ് കണ്‍വീനര്‍ മുസ്തഫ മുണ്ടുപാറ സ്വാഗതം പറഞ്ഞു.

ALSO READ: വൻതോതിൽ വഖ്ഫ് സ്വത്തുക്കൾ നഷ്ടപ്പെടാനിടയാക്കും 

shamsul ulama national seminar samastha centenary