കുവൈത്ത് സിറ്റി: യാത്രക്കാർ പണം, സ്വർണം, ആഭരണങ്ങൾ, മറ്റു വിലപിടിപ്പുള്ള വസ്തുക്കൾ എന്നിവ രേഖപ്പെടുത്തണമെന്ന് വീണ്ടും വ്യക്തമാക്കി ആഭ്യന്തര മന്ത്രാലയം‌. നിയമപ്രകാരം, 3,000 കുവൈത്തി ദിനാർ അല്ലെങ്കിൽ വിദേശ കറൻസിയിൽ തത്തുല്യ മൂല്യമുള്ള പണം കൈവശം വച്ചിരിക്കുന്നവർ, കുവൈത്തിലെത്തുമ്പോഴോ, രാജ്യം വിടുമ്പോഴോ വിമാനത്താവളത്തിലെ ഫിനാൻഷ്യൽ ഇൻവെസ്റ്റിഗേഷൻ വിഭാഗത്തിൽ കസ്റ്റംസ് ഡിക്ലറേഷൻ ഫോം ഉപയോഗിച്ച് ഇത് രേഖപ്പെടുത്തണം.

രാജ്യം വിടുമ്പോൾ സ്വർണം, ആഭരണങ്ങൾ, വിലയേറിയ വാച്ചുകൾ എന്നിവയുൾപ്പെടെ എല്ലാ രൂപത്തിലുമുള്ള സ്വർണവും രേഖപ്പെടുത്തണമെന്ന് ആഭ്യന്ത‍ര മന്ത്രാലയം വ്യക്തമാക്കി.

ALSO READ: യുഎഇക്കാരെ നിങ്ങളറിഞ്ഞോ? ഇവയെല്ലാമാണ് ഒക്ടോബറിൽ യുഎഇയിൽ നടക്കുന്ന പ്രധാന സംഭവങ്ങളും അപ്‌ഡേറ്റുകളും

1) സ്വർണക്കട്ടികൾക്ക്, ടി4 കെട്ടിടത്തിന് സമീപമുള്ള എയർ കാർഗോ വിഭാഗത്തിൽ നിന്ന് ഒരു രേഖ നൽകും. 

2) വിലയേറിയ വാച്ചുകൾ, സ്വർണാഭരണങ്ങൾ, മറ്റു വിലപിടിപ്പുള്ള വസ്തുക്കൾ എന്നിവയ്ക്ക്, പുറപ്പെടുമ്പോൾ ഒരു സൈറ്റിംഗ് നോട്ട് നൽകും, തിരിച്ചെത്തുമ്പോൾ മറ്റൊരു നോട്ട് നൽകും. എന്നാൽ, പരിശോധന സമയത്ത് രസീതുകൾ ഹാജരാക്കേണ്ടതാണ്.

കള്ളപ്പണം വെളുപ്പിക്കലിനും ഭീകരവാദ ധനസഹായത്തിനും എതിരായ നിയമപരമായ ആവശ്യമാണ് ഈ രേഖപ്പെടുത്തലെന്നും, യാത്രക്കാരുടെ രാജ്യം വിടാനുള്ള അവകാശത്തെ ഒരു തരത്തിലും പരിമിതപ്പെടുത്തുന്നില്ലെന്നും അധികൃതർ വ്യക്തമാക്കി.

The Ministry has re-emphasized the need for travelers to declare cash, gold, jewelry, and other valuable items when entering or exiting the country. This clarification aims to ensure compliance with customs regulations and avoid potential penalties or confiscation.