അബൂദബി: കെട്ടിടത്തിന്റെ കോൺക്രീറ്റ് ബാരിയർ ഇടിഞ്ഞുവീണ് കാറിന് ഗുരുതരമായ കേടുപാടുകൾ സംഭവിച്ചതിന്, കാർ ഉടമയായ സ്ത്രീക്ക് പ്രോപ്പർട്ടി ഉടമകളോട് 80,000 ദിർഹം നഷ്ടപരിഹാരം നൽകാൻ ഉത്തരവിട്ട് അബൂദബി സിവിൽ ഫാമിലി കോടതി.

വാഹനത്തിന്റെ മൂല്യവും നഷ്ടങ്ങളും ചൂണ്ടിക്കാട്ടി 90,000 ദിർഹം ആയിരുന്നു പരാതിക്കാരി ആദ്യം ആവശ്യപ്പെട്ടത്. പൊലിസ് റിപ്പോർട്ടുകളും തദ്ദേശ സ്വയംഭരണ സ്ഥാപനങ്ങളുടെ വിലയിരുത്തലുകളും അവരുടെ വാദത്തെ പിന്തുണച്ചു. ഇത് പ്രോപ്പർട്ടി ഉടമകൾക്ക് കെട്ടിടത്തിന്റെ പരിപാലന ഉത്തരവാദിത്തമുണ്ടെന്ന് സ്ഥിരീകരിച്ചു.

അശ്രദ്ധ

പ്രോപ്പർട്ടിയുടെ നിയമപരമായ സംരക്ഷകർ എന്ന നിലയിൽ അവകാശികൾ, അറ്റകുറ്റപ്പണികൾ അവഗണിക്കുകയും അതുവഴി നേരിട്ട് നാശനഷ്ടങ്ങൾ വരുത്തിവയ്ക്കുകയും ചെയ്തുവെന്ന് കോടതി എടുത്തുപറഞ്ഞു. “പ്രോപ്പർട്ടിയുടെ യഥാർത്ഥ രക്ഷാധികാരികളെന്ന നിലയിൽ ഉടമകൾ ആവശ്യമായ പരിപാലനം നടത്തുന്നതിൽ പരാജയപ്പെട്ടു,” എന്ന് വിധിന്യായം വ്യക്തമാക്കി.

ALSO READ: യുഎഇയിൽ വൈകീട്ട് വീണ്ടും ഉയർന്ന് സ്വർണ വില

മാനേജ്മെന്റ് കമ്പനി ഉത്തരവാദിയല്ല

അതേസമയം,കെട്ടിടത്തിന്റെ മാനേജ്മെന്റ് കമ്പനിയെ ഉത്തരവാദിയാക്കാനുള്ള പരാതിക്കാരിയുടെ ശ്രമം കോടതി തള്ളി. കെട്ടിടത്തിന്റെ ഘടനാപരമായ പരിപാലനത്തിന് കമ്പനിക്ക് നിയമപരമായ ബാധ്യത ഇല്ലെന്ന് കോടതി ചൂണ്ടിക്കാട്ടി.

നഷ്ടപരിഹാരം 

വാഹനത്തനിന്റെ ഉടമക്ക് 80,000 ദിർഹം നഷ്ടപരിഹാരം നൽകാൻ കോടതി വിധിച്ചു. കൂടാതെ പ്രതികളോട് കോടതി ഫീസും അനുബന്ധ നിയമ ചെലവുകളും വഹിക്കാനും ഉത്തരവിട്ടു.