ദുബൈ: കുവൈത്ത് പൗരത്വം നഷ്ടപ്പെട്ട ബഹ്‌റൈൻ പൗരന്മാർക്ക് പുതുക്കിയ ബഹ്‌റൈൻ പാസ്‌പോർട്ടുകൾ അനുവദിച്ചു. ബഹ്‌റൈൻ രാജാവ് ഹമദ് ബിൻ ഇസ അൽ ഖലീഫയുടെ രാജകീയ ഉത്തരവിനെ തുടർന്നാണ് നടപടി.

ഈ ഉത്തരവ് പ്രകാരം എല്ലാ പൗരന്മാർക്കും സ്വതന്ത്രമായി യാത്ര ചെയ്യാനും, തിരിച്ചറിയൽ അവകാശങ്ങൾ നിലനിർത്താനും സാധിക്കുമെന്ന്  ബഹ്‌റൈൻ ന്യൂസ് ഏജൻസി റിപ്പോർട്ട് ചെയ്തു. 

ALSO READ: യുഎസുമായി പുതുക്കിയ ശതകോടികളുടെ പ്രതിരോധ കരാര്‍ ഒപ്പിടാനൊരുങ്ങി ഖത്തര്‍; പിന്നാലെ ഇനി ഇസ്‌റാഈല്‍ ആക്രമിക്കില്ലെന്ന് ട്രംപ് 

രാജാവ് ഹമദിന്റെ നിർദ്ദേശങ്ങൾ പാലിച്ച്, കുവൈത്ത് പൗരത്വം റദ്ദാക്കപ്പെട്ട എല്ലാ ബഹ്‌റൈനി പൗരന്മാർക്കും പാസ്‌പോർട്ടുകൾ പുതുക്കി നൽകിയിട്ടുണ്ട്. ഇതുവഴി അവർക്ക് സ്വതന്ത്രമായി യാത്ര ചെയ്യാൻ സാധിക്കും.

പൗരത്വ നിയമങ്ങളിൽ കുടുങ്ങിക്കിടക്കുന്നവർക്ക് കുടുംബ ഐക്യവും സാമൂഹിക യോജിപ്പും സംരക്ഷിക്കാനുള്ള രാജാവ് ഹമദിന്റെ പ്രതിബദ്ധതയെ അടിവരയിടുന്നതാണ് ഈ നടപടിയെന്ന് സർക്കാർ വ്യക്തമാക്കി.

ഈ തീരുമാനം മാനുഷിക സമീപനത്തെ പ്രതിഫലിപ്പിക്കുന്നുവെന്നും, കുടുംബ സ്ഥിരതയും ദേശീയ ഐക്യവും രാജ്യത്തിന്റെ നയങ്ങളിൽ പ്രധാന സ്ഥാനമുള്ളതാണെന്നും ഉദ്യോഗസ്ഥർ കൂട്ടിച്ചേർത്തു. 

Bahrain's King Hamad bin Isa Al Khalifa has issued a royal directive to renew passports for Bahraini citizens who recently lost their Kuwaiti nationality. This move aims to ensure the affected citizens can travel freely and maintain essential rights tied to mobility and identification. The decision reflects the King's commitment to preserving family unity and social cohesion.