കോഴിക്കോട്: അയ്യപ്പ സംഗമത്തിനെതിരെ ഹിന്ദു ഐക്യവേദി നേതാവ് കെ.പി ശശികലയുടെ അധിക്ഷേപ പരാമര്‍ശം. ശനിയാഴ്ച്ച നടക്കുന്ന സംഗമത്തിന് മുന്നോടിയായി മുഖ്യമന്ത്രിയടക്കമുള്ളവര്‍ക്ക് വേണ്ടി പമ്പയിലെ ശബരിമല ഓഫീസില്‍ 'മണിയറ' ഒരുക്കിയെന്നാണ് ശശികല ആരോപിച്ചത്. സംഗമം കേമമാക്കാന്‍ മദ്യവും കോഴിക്കാലും ഒപ്പം പെണ്ണും എല്ലാമുണ്ടോ എന്നും ശശികല ചോദിച്ചു.

കുറിപ്പ്

ഇത് പമ്പയിലുള്ള ശബരിമല ബോര്‍ഡ് മരാമത്ത് ഓഫീസ്. കഴിഞ് ഒരാഴ്ച്ചയിലധികമായി ഈ ഓഫീസില്‍ ഒരു പണിയും നടക്കുന്നില്ല. പകരം അവിടെ മുഖ്യമന്ത്രിയടക്കമുള്ളവര്‍ക്കായി 'മണിയറ' ഒരുക്കിയിരിക്കുന്നു. കട്ടിലുകള്‍ കൊണ്ടുവന്ന് നിറച്ചിരിക്കുന്നു. പമ്പ ഗസ്റ്റ് ഹൗസ് അവിടെ ഉള്ളപ്പോള്‍ ഈ ഓഫീസ് ഇങ്ങനെ തരംമാറ്റാന്‍ ആരാണ് അനുവാദം കൊടുത്തത്? ഒരു സംഗമത്തിന് വന്നവര്‍ പന്തലില്‍ സംഗമിച്ചങ്ങ് പോയാല്‍ പോരെ. എന്തിനാണ് മണിയറ? അതോ സംഗമം കേമമാക്കാന്‍ മദ്യവും കോഴിക്കാലും ഒപ്പം പെണ്ണും എല്ലാമുണ്ടോ?- ശശികല ചോദിച്ചു.

ALSO READ: 'എന്നാൽ പിന്നെ എന്റെ നെഞ്ചത്തോട്ട് കയറിക്കോ'; കരുവന്നൂർ നിക്ഷേപ വിഷയത്തിൽ സുരേഷ് ഗോപിയുടെ മറുപടി വിവാദത്തിൽ 

സെപ്റ്റംബര്‍ 20ന് രാവിലെ എട്ട് മണിക്കാണ് അയ്യപ്പസംഗമം തുടങ്ങുക. 10.30ക്ക് മുഖ്യമന്ത്രി പിണറായി വിജയന്‍ സംഗമം ഉദ്ഘാടനം ചെയ്യും. ശബരിമല മാസ്റ്റര്‍ പ്ലാന്‍, സ്പിരിച്വല്‍ ടൂറിസം സര്‍ക്യൂട്ട്, ശബരിമലയുടെ തിരക്ക് നിയന്ത്രണം എന്നീ മൂന്ന് വിഷയങ്ങളിലാണ് ചര്‍ച്ച നടക്കുക. ആചാരനുഷ്ഠാനങ്ങള്‍, സ്ത്രീപ്രവേശനം ഉള്‍പ്പെടെയുള്ള വിഷയങ്ങള്‍ ചര്‍ച്ചയാവില്ല. പമ്പാതീരത്ത് മൂന്ന് വേദികളിലാണ് ചര്‍ച്ചകള്‍ നടക്കുക. 

Hindu Aikya Vedi leader K.P. Sasikala Derogatory remark on Ayyappa Sangamam.