റാസൽഖൈമ: റാസൽഖൈമയിലെ അൽ സഫിയിലുള്ള ഒരു വീട്ടിൽ ഉണ്ടായ ശക്തമായ ഗ്യാസ് സ്ഫോടനത്തിൽ 42 വയസ്സുള്ള ഫിലിപ്പീൻസ് വീട്ടുജോലിക്കാരിക്ക് ​ഗുരുതരമായി പരുക്കേറ്റു. വൈകുന്നേരം കുടുംബം അടുത്തുള്ള വീട്ടിൽ ഒത്തുകൂടിയ സമയത്ത് ഒരു എലി അടുക്കളയിലെ ഗ്യാസ് പൈപ്പ് കടിച്ചുകീറിയതാണ് അപകടത്തിന് കാരണമായത്. അപകടം നടക്കുമ്പോൾ വീട്ടുജോലിക്കാരി മാത്രമായിരുന്നു വീട്ടിൽ ഉണ്ടായിരുന്നത്.

സ്ഫോടന ശബ്ദം കേട്ടപ്പോൾ ഞെട്ടിപ്പോയതായി ഇമാറാത്തി സർക്കാർ ജീവനക്കാരനും കുടുംബാംഗവുമായ 38 കാരനായ മുസ്ബ മുഹമ്മദ് പറഞ്ഞു. 

ALSO READ: ദുബൈ മെട്രോ ബ്ലൂ ലൈൻ വിപുലീകരണം; ഡ്രാഗൺ മാർട്ടിന് സമീപം ഗതാഗതം വഴിതിരിച്ചുവിടുമെന്ന് ആർടിഎ 

"ഇഷാ നിസ്കാരത്തിന് ശേഷം ഞങ്ങൾ ഒരു വലിയ സ്ഫോടനം കേട്ടു, പക്ഷേ അത് ഞങ്ങളുടെ സ്വന്തം വീട്ടിൽ നിന്നാണെന്ന് ഞങ്ങൾ ഒരിക്കലും പ്രതീക്ഷിച്ചിരുന്നില്ല," അദ്ദേഹം ഓർമ്മിച്ചു.

വീട്ടുജോലിക്കാരി അടുക്കളയിൽ കയറി സ്റ്റൗ ഓൺ ചെയ്തപ്പോഴാണ് സ്ഫോടനം ഉണ്ടായതെന്ന് അന്വേഷണ ഉദ്യോ​ഗസ്ഥർ പറഞ്ഞു. ചോർന്ന വാതകത്തിൽ തീപിടിക്കുകയും അത് വളരെ ശക്തമായ ഒരു സ്ഫോടനത്തിന് കാരണമായിരുന്നു. സ്ഫോടനത്തിൽ അടുക്കള നശിക്കുകയും പാത്രങ്ങൾ പൊട്ടിച്ചിതറുകയും ഫർണിച്ചറുകൾക്ക് കേടുപാടുകൾ സംഭവിക്കുകയും ചെയ്തിട്ടുണ്ട്.

വലിയ സ്ഫോടന ശബ്ദമാണ് ആ വീട്ടിൽ നിന്ന് കേട്ടതെന്ന് അയൽക്കാർ പറഞ്ഞു. അടിയന്തര സംഘങ്ങൾ സ്ഥലത്തെത്തി വീട് ഒഴിപ്പിക്കുകയും പരുക്കേറ്റ വീട്ടുജോലിക്കാരിയെ സഹായിക്കുകയും ചെയ്തു. സ്ഫോടനത്തിനു ശേഷവും വാതക ചോർച്ച തുടർന്നിരുന്നു. ഇത് സ്ഥിതിഗതികൾ അങ്ങേയറ്റം അപകടകരമാക്കി.

98 ശതമാനവും പൊള്ളലേറ്റ നിലയിൽ ഫുജൈറ ആശുപത്രിയിലേക്ക് മാറ്റിയ യുവതിയെ പിന്നീട് ഖലീഫ ആശുപത്രിയിലേക്ക് മാറ്റി. 

"യുവതിയുടെ പരുക്കുകൾ ഇപ്പോൾ ഏകദേശം 68 ശതമാനമാണ്, ഇതിനകം ശസ്ത്രക്രിയയ്ക്ക് വിധേയയായിട്ടുണ്ട്," മുഹമ്മദ് ഗൾഫ് ന്യൂസിനോട് പറഞ്ഞു.

ALSO READ: മുപ്പത് വര്‍ഷം ജോലി ചെയ്ത കമ്പനി ശമ്പള കുടിശ്ശിക നല്‍കാതെ പുറത്താക്കി; 67 ലക്ഷം രൂപ നഷ്ടപരിഹാരമായി നല്‍കാന്‍ ഉത്തരവിട്ട് കോടതി 

ഗ്യാസ് പൈപ്പുകൾക്ക് കേടുപാടുകൾ വരുത്തുന്നതിലൂടെ എലികൾ ഗുരുതരമായ ഭീഷണി ഉയർത്തുമെന്നും ഇത് മാരകമായ ചോർച്ചയ്ക്ക് കാരണമാകുമെന്നും അധികൃതർ വ്യക്തമാക്കി. പതിവായി ഗ്യാസ് സുരക്ഷാ പരിശോധനകൾ നടത്തേണ്ടതിന്റെയും, അടുക്കളകളിൽ ശരിയായ വായുസഞ്ചാരം ഉറപ്പാക്കേണ്ടതിന്റെയും, ചോർച്ചയുണ്ടെന്ന് സംശയിക്കുന്നുവെങ്കിൽ ഉടൻ തന്നെ ഗ്യാസ് വാൽവുകൾ അടയ്ക്കേണ്ടതിന്റെയും പ്രാധാന്യം സിവിൽ ഡിഫൻസ് ഉദ്യോഗസ്ഥർ അടിവരയിട്ടു.

സുരക്ഷാ നുറുങ്ങുകൾ: വീട്ടിൽ ഗ്യാസ് മണത്താൽ എന്തുചെയ്യണം

• മണം മാറുന്നത് വരെ വീട്ടിൽ നിന്ന് എല്ലാവരെയും ഒഴിപ്പിക്കുക.
• തീപ്പെട്ടി, സിഗരറ്റ് എന്നിവ കത്തിക്കരുത്, തീ കൊളുത്തരുത്.
• തീപ്പൊരി പൊട്ടിത്തെറിക്കാൻ സാധ്യതയുള്ളതിനാൽ ലൈറ്റുകളോ ഇലക്ട്രിക്കൽ സ്വിച്ചുകളോ ഓണാക്കുന്നത് ഒഴിവാക്കുക.
• പ്രധാന വാതക വിതരണം ഉൾപ്പെടെ എല്ലാ വാതക വാൽവുകളും കർശനമായി അടയ്ക്കുക.
• ജനലുകളും വാതിലുകളും തുറന്നിട്ട് വീടിനുള്ളിൽ വായുസഞ്ചാരം ഉറപ്പാക്കുക.

A rat gnawed through a gas pipe, causing a leak and explosion in a home, leaving a housemaid critically injured in 2025. Authorities urge safety checks to prevent such incidents. Stay informed on gas safety and emergency measures.