ന്യൂഡല്‍ഹി: ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധിയുടെ പ്രത്യേക വാര്‍ത്താ സമ്മേളനം നാളെ രാവിലെ 10 മണിക്ക്.  ഡല്‍ഹിയിലെ പുതിയ കോണ്‍ഗ്രസ് ആസ്ഥാനത്താണ് രാഹുല്‍ മാധ്യമങ്ങളെ കാണുക. വോട്ട് കൊള്ളയുമായി ബന്ധപ്പെട്ട കൂടുതല്‍ തെളിവുകള്‍ നാളെ പുറത്ത് വിടുമെന്നാണ് റിപ്പോര്‍ട്ടുകള്‍. 

പ്രധാനമന്ത്രി നരേന്ദ്ര മോദിയുടെ മണ്ഡലമായ വാരാണസിയിലെ വോട്ട് കൊള്ള സംബന്ധിച്ച സുപ്രധാന വെളിപ്പെടുത്തലുകള്‍ നാളെ ഉണ്ടായേക്കും. നേരത്തെ തെരഞ്ഞെടുപ്പുമായി ബന്ധപ്പെട്ട് ഗുരുതര തെളിവുകള്‍ പുറത്തുവിടുമെന്നും, ഹൈഡ്രജന്‍ ബോംബിനായി കാത്തിരിക്കണമെന്നും രാഹുല്‍ ഗാന്ധി പറഞ്ഞിരുന്നു. വോട്ടര്‍പ്പട്ടിക ക്രമക്കേടുമായി ബന്ധപ്പെട്ട ആദ്യ വെളിപ്പെടുത്തലിനെ അണുബോംബെന്നായിരുന്നു രാഹുല്‍ വിശേഷിപ്പിച്ചത്. 

ALSO READ: വോട്ടിങ് മെഷീനില്‍ സ്ഥാനാര്‍ഥിയുടെ കളര്‍ ഫോട്ടോയും, സീരിയല്‍ നമ്പറും; പരിഷ്‌കരണവുമായി തെരഞ്ഞെടുപ്പ് കമ്മീഷന്‍ 

അതേസമയം ബിഹാര്‍ തെരഞ്ഞെടുപ്പിന് മുന്നോടിയായി ശക്തമായ പ്രചരണമാണ് എന്‍ഡിഎ, ഇന്‍ഡ്യ മുന്നണികള്‍ നടത്തുന്നത്. വോട്ട് കൊള്ള പ്രചരണം ജനങ്ങളിലേക്ക് എത്തിക്കുന്നതിനായി രാഹുല്‍ ഗാന്ധി നയിച്ച വോട്ടര്‍ അധികാര്‍ യാത്ര ബിഹാറിലെ ജനങ്ങള്‍ക്കിടയില്‍ സ്വാധീനം ചെലുത്തിയെന്ന റിപ്പോര്‍ട്ടുകള്‍ പുറത്തുവന്നിരുന്നു. ഇതിന് പിന്നാലെ പ്രധാനമന്ത്രി നരേന്ദ്ര മോദിയെ കളത്തിലിറക്കി എന്‍ഡിഎ സഖ്യവും ശക്തമായ പ്രചരണങ്ങളിലേക്ക് കടന്നു. 

ബിഹാറിന്റെ വികസന മുരടിപ്പും, തൊഴിലില്ലായ്മയും, വിവാദ എസ്.ഐ.ആര്‍ നടപടികളും ഇന്‍ഡ്യ മുന്നണി ജനങ്ങളിലേക്കെത്തിച്ചു. അതിന് തിരിച്ചടിയായി കോണ്‍ഗ്രസ് കേരള ഘടകത്തിന്റെ വിവാദ ഫേസ്ബുക്ക് പോസ്റ്റും, കോണ്‍ഗ്രസ് മോദിയുടെ അമ്മയെ പരിഹസിച്ചുവെന്ന ആരോപണങ്ങളും ബിജെപിയും ഉയര്‍ത്തിക്കാട്ടി. കേന്ദ്രത്തില്‍ ജെഡിയു പിന്‍ബലത്തോടെ മൂന്നാം തവണ അധികാരത്തിലേറിയ മോദിക്ക് എന്ത് വിലകൊടുത്തും ബിഹാറിലെ വിജയം അനിവാര്യമാണ്.

Leader of the Opposition in the Lok Sabha, Rahul Gandhi, will hold a special press conference tomorrow at 10 AM in delhi