ദമ്മാം: സൗദി അറേബ്യയിലെ ഖഫ്ജി സഫാനിയയയില്‍ ജോലിക്കിടെ ഉണ്ടായ അപകടത്തില്‍ മലയാളി യുവാവ് മരിച്ചു. എറണാകുളം ചെല്ലാനം സ്വദേശി പള്ളിക്കത്തയില്‍ വീട്ടില്‍ എഡ്വിന്‍ ഗ്രേസിയസ് (27) ആണ് മരിച്ചത്. സഫാനിയ ഓഫ്ശോര്‍ റിഗ്ഗില്‍ ജോലിചെയ്യവേ കപ്പലില്‍ വെച്ചാണ് എഡ്വിന്‍ അപകടത്തില്‍ പെട്ടത്. ഒരു വര്‍ഷം മുൻപ് ജോലിക്കായി സൗദിയിലെത്തിയ എഡ്വിന്‍, മൂന്ന് മാസം മുമ്പ് ആണ് കല്ല്യാണം കഴിഞ്ഞ് തിരിച്ച് ജോലിയില്‍ പ്രവേശിച്ചത്.

 മൃതദേഹം സഫാനിയ ജനറല്‍ ആശുപത്രി മോര്‍ച്ചറിയിലേക്ക് മാറ്റി. നടപടികള്‍ പൂര്‍ത്തിയാക്കി നാട്ടിൽ എത്തിച്ചു സംസ്കരിക്കുമെന്ന് ബന്ധുക്കള്‍ അറിയിച്ചു.

Summary : Accident while working; Malayali youth dies in Saudi Arabia