കണ്ണൂര്‍: കൊങ്കണ്‍ റെയില്‍വേ പാതയിലെ 38 ട്രെയിനുകളുടെ സമയക്രമത്തില്‍ മാറ്റം. സാധാരണയിലും 10 ദിവസം നേരത്തെയാണ് ഇത്തവണ സമയക്രമത്തിലെ മാറ്റം വരുന്നത്. പുതിയ സമയക്രമം ഒക്ടോബര്‍ 21, ചൊവ്വാഴ്ച മുതലാണ്  പ്രാബല്യത്തില്‍ വരുക. ജൂണ്‍ 15 മുതല്‍ ഒക്ടോബര്‍ 20 വരെ പ്രാബല്യത്തിലുണ്ടായിരുന്ന മണ്‍സൂണ്‍ ടൈംടേബിള്‍ അവസാനിക്കുന്നതോടെയാണ് ഈ മാറ്റം.

പുതിയ സമയക്രമം മംഗള, നേത്രാവതി, മത്സ്യഗന്ധ എക്‌സ്പ്രസ് ഉള്‍പ്പെടെയുള്ള പ്രധാന ട്രെയിനുകളുടെ യാത്രാ സമയത്തിലാണ് മണിക്കൂറുകളുടെ വ്യത്യാസം വരുത്തുന്നത്. മണ്‍സൂണ്‍ കാലത്ത് സുരക്ഷ ഉറപ്പാക്കാന്‍ 40-75 കിലോമീറ്ററായി പരിമിതപ്പെടുത്തിയിരുന്ന ട്രെയിനുകളുടെ വേഗത ഒക്ടോബര്‍ 21 മുതല്‍ വര്‍ധിക്കും. ജൂണ്‍ 15 വരെ ട്രെയിനുകള്‍ക്ക് 110-120 കിലോമീറ്റര്‍ വേഗതയില്‍ ഓടാന്‍ കഴിയും.

എറണാകുളം- നിസാമുദ്ദീന്‍ മംഗള ലക്ഷദ്വീപ് സൂപ്പര്‍ഫാസ്റ്റ് എക്‌സ്പ്രസ് (12617) പുറപ്പെടുന്നത് പഴയ സമയത്തേക്കാള്‍ ഏകദേശം മൂന്ന് മണിക്കൂര്‍ വൈകും. ഈ ട്രെയിന്‍ ഇനി എറണാകുളത്ത് നിന്ന് രാവിലെ 10.30ന് പകരം ഉച്ചയ്ക്ക് 1.25ന് പുറപ്പെടും.'

 ALSO READ: പൊതുഇടങ്ങളില്‍ ഫോണ്‍ ചാര്‍ജ് ചെയ്യുമ്പോള്‍ ജാഗ്രത വേണമെന്ന് പൊലിസ്; എന്താണ് ജ്യൂസ് ജാക്കിങ്? വിശദമായറിയാം

മറുദിശയില്‍, നിസാമുദ്ദീന്‍-എറണാകുളം മംഗള ലക്ഷദ്വീപ് എക്‌സ്പ്രസ് (12618) മംഗലാപുരത്ത് നിന്ന് ഒരു മണിക്കൂര്‍ നേരത്തെ രാത്രി 10.35ന് പുറപ്പെടുന്നതാണ്. ഇത് ഷൊര്‍ണൂരില്‍ പുലര്‍ച്ചെ 4.10നും എറണാകുളത്ത് രാവിലെ 7.30നും എത്തുന്നതാണ്.

തിരുവനന്തപുരം-ലോകമാന്യ തിലക് നേത്രാവതി എക്‌സ്പ്രസ് (16346) ഇനി രാവിലെ 9.15നാണ് പുറപ്പെടുക. ഈ മാറ്റം തുടര്‍ന്നുള്ള സ്റ്റേഷനുകളില്‍ നേരിയ കാലതാമസത്തിന് കാരണമാകും. ഈ ട്രെയിന്‍ എറണാകുളം ജങ്ഷനില്‍ ഉച്ചയ്ക്ക് 1.45നും ഷൊര്‍ണ്ണൂരില്‍ വൈകിട്ട് 4.20നും കോഴിക്കോട് വൈകിട്ട് 6 മണിക്കും കണ്ണൂരില്‍ 7.32നും എത്തുന്നതാണ്.

ലോകമാന്യ തിലക് -തിരുവനന്തപുരം നേത്രാവതി എക്‌സ്പ്രസ് (16345) നിലവിലെ സമയത്തേക്കാള്‍ 1 മണിക്കൂറും 30 മിനിറ്റും നേരത്തെ എത്തും. ഈ ട്രെയിന്‍ മംഗലാപുരത്ത് പുലര്‍ച്ചെ 4.20നും കണ്ണൂരില്‍ 6.32നും കോഴിക്കോട് 8.07നും ഷൊര്‍ണ്ണൂരില്‍ 10.15നും എറണാകുളത്ത് 12.25നും തിരുവനന്തപുരത്ത് വൈകിട്ട് 6.05നും എത്തിച്ചേരുന്നതാണ്.

Konkan Railway has announced a change in the schedule of 38 trains, starting October 21 (Tuesday)—10 days earlier than usual. The new schedule replaces the monsoon timetable, which was in effect from June 15 to October 20. Trains like the Mangala Express, Netravati Express, and Matsyagandha Express will see significant changes in departure and arrival times, with differences of several hours in some cases.With the end of the monsoon season, speed restrictions (40–75 km/h) imposed for safety will be lifted. From October 21, trains will be allowed to run at speeds of 110–120 km/h until the next monsoon period begins on June 15.