പാരീസ്: പാരീസിലെ ലോക പ്രശസ്തമായ ലൂവ്ര് മ്യൂസിയത്തിലെ കവര്‍ച്ചയില്‍ രണ്ട് പേര്‍ പിടിയില്‍. ഫ്രഞ്ച് പൗരന്മാരാണ് പിടിയിലായത്. അള്‍ജീരിയയിലേക്ക് കടക്കാന്‍ ശ്രമിക്കുന്നതിനിടെ പാരീസ് വിമാനത്താവളത്തില്‍ വച്ചാണ് ഒരാളെ പിടികൂടിയത്. അധികം താമസിയാതെ രണ്ടാമനേയും പിടികൂടി. പാരീസിലെ പ്രാന്തപ്രദേശമായ സീന്‍-സെന്റ് ഡെനീസില്‍ നിന്നുള്ളവരാണ് പ്രതികള്‍. 

ഒക്ടോബര്‍ 19 ഞായറാഴ്ച്ചയാണ് ലൂവ്ര് മ്യൂസിയത്തില്‍ കവര്‍ച്ച നടന്നത്. കവര്‍ച്ചക്ക് പിന്നാലെ ലൂവ്ര് മൂസിയം അടക്കുകയും ചെയ്തു. മോഷണത്തില്‍ നെപ്പോളിയന്‍ ചക്രവര്‍ത്തിയുടെ വജ്രാഭരങ്ങള്‍ അടക്കം ഒമ്പത് അമൂല്യമായ വസ്തുക്കളും നഷ്ടപ്പെട്ടുവെന്നാണ് റിപ്പോര്‍ട്ട്. പെയിന്റിങ് ശില്പങ്ങളും മറ്റ് അമൂല്യ വസ്തുക്കളും ഏകദേശം 30000ത്തില്‍ അധികം കലാസൃഷ്ടികള്‍ ഉണ്ടെന്നാണ് റിപ്പോര്‍ട്ടുകള്‍. ലോകത്ത് ഏറ്റവും കൂടുതല്‍ സന്ദര്‍ശകര്‍ എത്തുന്ന മ്യൂസിയത്തിലാണ് കവര്‍ച്ച നടന്നത്. രാവിലെ 9. 30 ഓടെ സന്ദര്‍ശകര്‍ മ്യൂസിയത്തിലേക്ക് പ്രവേശിച്ചു തുടങ്ങുമ്പോള്‍ ആയിരുന്നു മോഷണം നടന്നത്.

ALSO READ: സല്‍മാന്‍ ഖാനെ ഭീകരവാദിയായി പ്രഖ്യാപിച്ച് പാകിസ്താന്‍

ചരക്ക് ലിഫ്റ്റില്‍ ഘടിപ്പിച്ചിരിക്കുന്ന ഗോവണിയില്‍ കൂടി മ്യൂസിയത്തിന്റെ അപ്പോളോ ഗാലറിയില്‍ കടക്കുകയായിരുന്നു മോഷ്ടാക്കള്‍. ഡിസ്‌പ്ലേ കേസ് തകര്‍ത്ത് അമൂല്യ വസ്തുക്കള്‍ കൈകലാക്കിയ മോഷ്ടാക്കള്‍ ഏഴു മിനിറ്റുകള്‍ ഉള്ളില്‍ പുറത്തിറക്കി ബൈക്കില്‍ കയറി രക്ഷപ്പെടുകയായിരുന്നു. മ്യൂസിയത്തില്‍ നവീകരണ പ്രവര്‍ത്തനങ്ങള്‍ നടക്കുന്ന ഭാഗത്തായിരുന്നു മോഷണം നടന്നത്.കവര്‍ച്ച നടന്നതിന് പിന്നാലെ ഏറ്റവും വിലപിടിപ്പുള്ള ആഭരണങ്ങള്‍ ലൂവ്ര് മ്യൂസിയം അധികൃതര്‍ ബാങ്ക് ഓഫ് ഫ്രാന്‍സിന്റെ ലോക്കറിലേക്കു മാറ്റിയിരുന്നു.

English Summary: Two French nationals have been arrested in connection with a theft at the world-famous Louvre Museum in Paris. One suspect was caught at the Paris airport while attempting to flee to Algeria, and the second was apprehended shortly afterward. Both suspects are residents of the Seine-Saint-Denis suburb of Paris. Authorities are continuing the investigation into the high-profile museum theft.