ക്രിസ്റ്റ്യാനോ റൊണാൾഡോ, ലയണൽ മെസി ഇവരിൽ ആരാണ് ഏറ്റവും മികച്ച താരം എന്നത് ഫുട്ബോൾ ലോകത്ത് രണ്ട് പതിറ്റാണ്ടുകളായി സജീവമായി നിലനിൽക്കുന്ന ചർച്ചാവിഷയമാണ്. റൊണാൾഡോയാണോ മെസിയാണോ ഫുട്ബോളിലെ ഗോട്ട് എന്ന ചോദ്യത്തിന് മറുപടി നൽകിയിരിക്കുകയാണ് മുൻ ഇംഗ്ലണ്ട് താരം ഡാനി സിംപ്സൺ. കളിക്കുന്ന ഏത് ലീഗുമായും പൊരുത്തപ്പെടാനുള്ള കഴിവ് റൊണാൾഡൊക്കുണ്ടെന്നാണ് ഡാനി സിംപ്സൺ പറഞ്ഞത്. ഈ കാരണം ചൂണ്ടിക്കാട്ടിയാണ് മുൻ ഇംഗ്ലീഷ് താരം റൊണാൾഡോയെ മികച്ച താരമായി കണക്കാക്കിയത്. 

"ഫുട്ബോളിൽ റൊണാൾഡോയുടെ ഏറ്റവും മികച്ച കാര്യം എന്തെന്നാൽ അദ്ദേഹം എല്ലാ ലീഗുമായി പൊരുത്തപ്പെടുന്നു എന്നതാണ്. റയൽ മാഡ്രിഡിൽ അദ്ദേഹം മികച്ച രീതിയിൽ പൊരുത്തപ്പെട്ടു. യുവന്റസിലും അദ്ദേഹം പൊരുത്തപ്പെട്ടു. ഈ കാര്യം വളരെ മികച്ചതാണ്. ഇപ്പോൾ സഊദിയിലും അദ്ദേഹം മികച്ച രീതിയിൽ കളിക്കുന്നു. അതുകൊണ്ടാണ് ഞാൻ അദ്ദേഹത്തെ ലോകത്തെ ഏറ്റവും മികച്ച താരമായി തെരഞ്ഞെടുത്തത്" ഡാനി സിംപ്സൺ ഗോളിന് നൽകിയ അഭിമുഖത്തിൽ പറഞ്ഞു. 

റൊണാൾഡോ നിലവിൽ സഊദി പ്രൊ ലീഗ് ക്ലബായ അൽ നസറിന്റെ താരമാണ്. റൊണാൾഡോയുടെ വരവിന് പിന്നാലെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു. അൽ നസറിന് വേണ്ടി ഇതുവരെ തകർപ്പൻ പ്രകടനങ്ങളാണ് റൊണാൾഡോ നടത്തിക്കൊണ്ടിരിക്കുന്നത്. 

അതേസമയം നിലവിൽ അമേരിക്കൻ ക്ലബ് ഇന്റർ മയമിക്ക് വേണ്ടിയാണ് മെസി കളിക്കുന്നത്. മയാമിക്കൊപ്പം മിന്നും പ്രകടനമാണ് മെസി നടത്തിക്കൊണ്ടിരിക്കുന്നത്. മെസിയുടെ വരവോടെ ഇന്റർ മയാമി ലീഗിൽ മിന്നും പ്രകടനമായിരുന്നു നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. 

Who is the better player between Cristiano Ronaldo and Lionel Messi has been an active debate in the world of football for two decades. Former England player Danny Simpson has answered the question of whether Ronaldo or Messi is the GOAT in football.