തിരുവനന്തപുരം: തിരുവനന്തപുരം മേയര്‍ ആര്യാ രാജേന്ദ്രന്‍ കോഴിക്കോട്ടേക്ക് തട്ടകം മാറ്റിയേക്കുമെന്ന് സൂചന. പാര്‍ട്ടിയുടെ അനുമതി ലഭിച്ചാല്‍ തലസ്ഥാന രാഷ്ട്രീയത്തോട് വിടപടഞ്ഞ് ജീവിത പങ്കാളിയായ സച്ചിന്‍ ദേവ് എം.എല്‍.എയുടെ നാട്ടിലേക്ക് മാറാനാണ് ആര്യ ശ്രമിക്കുന്നത്. 

നിലവില്‍ മേയറുടെ ഭാരിച്ച ഉത്തരവാദിത്തങ്ങളുമായി ആര്യ കുഞ്ഞുമായി തിരുവനന്തപുരത്തും സച്ചിന്‍ ദേവ് കോഴിക്കോടുമായിരുന്നു താമസം. ഈ സാഹചര്യത്തിലാണ് താമസവും രാഷ്ട്രീയ പ്രവര്‍ത്തനങ്ങളും കോഴിക്കോട്ടേക്ക് മാറുന്ന കാര്യം ആലോചിക്കുന്നത്. പാര്‍ട്ടി ഇക്കാര്യം സജീവമായി പരിഗണിക്കുന്നുണ്ടെന്നാണ് വിവരം. 

ALSO READ: സഫാരി ബസ്സിലേക്ക് പാഞ്ഞുകയറിയ പുള്ളിപ്പുലി സ്ത്രീയുടെ കൈയില്‍ മാന്തി  പരിക്കേല്‍പിച്ചു; ദേശീയ പാര്‍ക്കില്‍ സഞ്ചാരികളെ ആക്രമിച്ചത് മുറിവേറ്റ പുള്ളിപ്പുലി - വിഡിയോ വൈറല്‍

തെരഞ്ഞെടുപ്പ് പ്രഖ്യാപിച്ചതോടെ തിരുവനന്തപുരം മേയര്‍ എന്നനിലയില്‍ ആര്യയുടെ ചുമതല അവസാനിച്ചിട്ടുണ്ട്. തദ്ദേശ തെരഞ്ഞെടുപ്പില്‍ ഇത്തവണ ആര്യ മത്സരിക്കാനും ഇല്ല. ഈ സാഹചര്യത്തിലാണ് കോഴിക്കോട്ടേക്ക് മാറാനുള്ള ആലോചന നടക്കുന്നത്. 

ബാലസംഘം പ്രസിഡന്റായിരിക്കെയാണ് ആര്യ രാജേന്ദ്രന്‍ തിരുവനന്തപുരത്തിന്റെ മേയറായത്. 21ാം വയസില്‍ രാജ്യത്തെ ഏറ്റവും പ്രായം കുറഞ്ഞ മേയറായി തെരഞ്ഞടുക്കപ്പെട്ടു. മേയറായി തെരഞ്ഞെടുക്കപ്പെട്ടതിന് പിന്നാലെ ആര്യയ്‌ക്കെതിരെ പല വിമര്‍ശനങ്ങളും വിവാദങ്ങളും ഉയര്‍ന്നിരുന്നു.

2022 സെപ്തംബറിലാണ് എസ്.എഫ്.ഐ മുന്‍ സംസ്ഥാന സെക്രട്ടറിയയായ സച്ചിന്‍ദേവ് എം.എല്‍.എയെ ആര്യ വിവാഹം കഴിച്ചത്. രണ്ട് വയസുള്ള മകളുണ്ട്. ഡി.വൈ.എഫ്.ഐ സംസ്ഥാന സെക്രട്ടറിയേറ്റ് അംഗം കൂടിയാണ് ആര്യ. 

English Summary:  Mayor Arya Rajendran may shift residence and political base to Kozhikode as CPI(M) considers her move after her mayoral duties end.