ക്രിസ്റ്റ്യാനോ റൊണാൾഡോ, ലയണൽ മെസി ഇവരിൽ ആരാണ് ഏറ്റവും മികച്ച താരം എന്നത് ഫുട്ബോൾ ലോകത്ത് രണ്ട് പതിറ്റാണ്ടുകളായി സജീവമായി നിലനിൽക്കുന്ന ചർച്ചാവിഷയമാണ്. ഇപ്പോൾ റൊണാൾഡോയെക്കുറിച്ചും മെസിയെക്കുറിച്ചും സംസാരിച്ചിരിക്കുകയാണ് ജർമൻ ഇതിഹാസ താരം ലോതർ മത്തയൂസ്. ഇരുവരും വ്യത്യസ്തരായായ താരങ്ങൾ ആണെന്നും എന്നാൽ കളി മികവ് കൊണ്ട് താൻ മെസിയുടെ ആരാധകനാണെന്നുമാണ് ജർമൻ ഇതിഹാസം പറഞ്ഞത്. 

മെസി റൊണാൾഡോയെക്കാൾ മികച്ചവനാണെന്ന് പറയാൻ ഞാൻ ഇഷ്ടപ്പെടുന്നില്ല. ഇത് വളരെ ബുദ്ധിമുട്ടാണ്. കാരണം അവർ രണ്ട് പേരും വ്യത്യസ്തരായ താരങ്ങളാണ്. റൊണാൾഡോക്ക് ശാരീരികക്ഷമതയും കൂടുതലാണ്. മെസി ഏറ്റവും മിടുക്കനായ ആളാണ്. മെസിയുടെ ഫുട്ബോൾ കളിക്കുന്ന രീതി കാരണം ഞാൻ അദ്ദേഹേത്തിന്റെ ആരാധകനാണ്'' ലോതർ മത്തയൂസ് പറഞ്ഞു. 

നിലവിൽ അമേരിക്കൻ ക്ലബ് ഇന്റർ മയമിക്ക് വേണ്ടിയാണ് മെസി കളിക്കുന്നത്. മയാമിക്കൊപ്പം മിന്നും പ്രകടനമാണ് മെസി നടത്തിക്കൊണ്ടിരിക്കുന്നത്. മെസിയുടെ വരവോടെ ഇന്റർ മയാമി ലീഗിൽ മിന്നും പ്രകടനമായിരുന്നു നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. 

മറുഭാഗത്ത് റൊണാൾഡോ സഊദി പ്രൊ ലീഗ് ക്ലബായ അൽ നസറിന്റെ താരവുമാണ്. റൊണാൾഡോയുടെ വരവിന് പിന്നാലെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു. അൽ നസറിന് വേണ്ടി ഇതുവരെ തകർപ്പൻ പ്രകടനങ്ങളാണ് റൊണാൾഡോ നടത്തിക്കൊണ്ടിരിക്കുന്നത്. 

അതേസമയം 2026 ഫിഫ ലോകകപ്പിന് പോർച്ചുഗൽ യോഗ്യത നേടിയിരുന്നു. ലോകകപ്പ് യോഗ്യത മത്സരത്തിൽ അർമേനിയയെ ഒന്നിനെതിരെ ഒമ്പത് ഗോളുകൾക്ക് കീഴടക്കിയാണ് പറങ്കിപ്പട ലോകകപ്പ് യോഗ്യത ഉറപ്പാക്കിയത്. 2026 ലോകകപ്പിൽ കളത്തിൽ ഇറങ്ങുന്നതോടെ ആറ് ലോകകപ്പുകളിൽ കളിക്കുന്ന താരമായി മാറാനും റൊണാൾഡോക്ക് സാധിക്കും. 2006 ലോകകപ്പിൽ സെമി ഫൈനൽ വരെ മുന്നേറിയതാണ് പോർച്ചുഗലിന്റെ വേൾഡ് കപ്പിലെ ഏറ്റവും മികച്ച പ്രകടനം. തന്റെ കരിയറിൽ ഒരിക്കൽപോലും നേടാനാവാത്ത ലോകകപ്പ് സ്വന്തമാക്കാനുള്ള അവസാന അവസരം കൂടിയാണ് റൊണാൾഡോക്കുള്ളത്. 

Who is the better player between Cristiano Ronaldo and Lionel Messi has been a hotly debated topic in the world of football for two decades. Now, German legend Lothar Matthaus has spoken out about Ronaldo and Messi.