കുവൈത്ത് സിറ്റി: ഇലക്ട്രിക് സ്കൂട്ടറുകൾക്കും സൈക്കിളുകൾക്കും പുതിയ നിയന്ത്രണങ്ങൾ ഏർപ്പെടുത്താനൊരുങ്ങി കുവൈത്ത്. ഇതിനായി പുതിയ നിയമങ്ങൾ രൂപീകരിക്കും. ഇതിനായി, കുവൈത്ത് മുനിസിപ്പാലിറ്റി ഡയറക്ടർ ജനറൽ എഞ്ചിനീയർ മനാൽ അൽ അസ്ഫൂറിന്റെ നേതൃത്വത്തിൽ പ്രത്യേക സമിതി രൂപീകരിച്ചു.

പ്രധാന വിവരങ്ങൾ

റോഡുകളിൽ സ്കൂട്ടറുകൾ ഓടിക്കുന്നത് അപകടങ്ങൾക്കും ഗതാഗത തടസ്സങ്ങൾക്കും കാരണമാകുന്നു എന്ന പരാതികളെത്തുടർന്നാണ് നടപടി.

ALSO READ: കളിക്കളങ്ങളും, ജിംനേഷ്യവും, നടപ്പാതകളും; അൽ ഷംഖയിൽ അത്യാധുനിക സൗകര്യങ്ങളോടെ 16 പാർക്കുകൾ കൂടി തുറന്നു

മറ്റ് രാജ്യങ്ങളിലെ സ്കൂട്ടർ നിയമങ്ങൾ സമിതി പഠിക്കും. വാണിജ്യ, ധനകാര്യ മന്ത്രാലയങ്ങളിലെയും ടൂറിസം വകുപ്പിലെയും ഉദ്യോഗസ്ഥർ ഈ സമിതിയിൽ ഉണ്ടാകും.

സ്കൂട്ടറുകളുടെ വേഗത, വലിപ്പം എന്നിവയ്ക്ക് നിയന്ത്രണം ഏർപ്പെടുത്തും. ഇവ ഓടിക്കാൻ പ്രത്യേക പാതകൾ നിശ്ചയിക്കുകയും ഡ്രൈവർമാർക്ക് ലൈസൻസ് നിർബന്ധമാക്കുകയും ചെയ്തേക്കാം.

നിലവിൽ, ഹൈവേകളിലും നടപ്പാതകളിലും സ്കൂട്ടറുകൾക്ക് നിരോധനമുണ്ട്. പുതിയ നിയമം വരുന്നതോടെ ഇവയുടെ ഉപയോഗം കൂടുതൽ സുരക്ഷിതവും ക്രമബദ്ധവുമാകും.

Kuwait is set to introduce new regulations for electric scooters and bicycles, with a special committee formed under the leadership of Engineer Manal Al-Asfour, Director General of Kuwait Municipality, to draft the new laws.