തിരുവനന്തപുരം: തദ്ദേശ തിരഞ്ഞെടുപ്പിന്റെ പശ്ചാത്തലത്തിൽ സംസ്ഥാനത്തെ സ്കൂളുകളിലെ ക്രിസ്മസ് പരീക്ഷാ ടൈംടേബിൾ പുനഃക്രമീകരിച്ചതോടെ കുട്ടികൾക്ക് ഇത്തവണ 13 ദിവസത്തെ ക്രിസ്മസ് അവധി ലഭിക്കും. ഡിസംബർ 23-ന് അവധിക്ക് പ്രവേശിക്കുന്ന സ്കൂളുകൾ ജനുവരി അഞ്ചിനാണ് വീണ്ടും ക്ലാസുകളോടെ പുനരാരംഭിക്കുക.

പരീക്ഷാ മാറ്റവും പുതിയ ടൈംടേബിളും

ഒന്ന് മുതൽ പത്ത് വരെയുള്ള ക്ലാസുകളിലെ ക്രിസ്മസ് പരീക്ഷ ഡിസംബർ 15-ന് ആരംഭിച്ച് ഡിസംബർ 23-ന് അവസാനിക്കും. അക്കാദമിക് കലണ്ടർ പ്രകാരം നേരത്തെ ഡിസംബർ 19-ന് അവധി തുടങ്ങുന്ന രീതിയിലായിരുന്നു ടൈംടേബിൾ നിശ്ചയിച്ചിരുന്നത്.

എന്നാൽ, തദ്ദേശ തിരഞ്ഞെടുപ്പുമായി ബന്ധപ്പെട്ട് സ്കൂളുകൾ തിരഞ്ഞെടുപ്പ് ആവശ്യങ്ങൾക്കായി വിട്ടു നൽകേണ്ട സാഹചര്യം വന്നതോടെയാണ് പരീക്ഷ ഒറ്റ ഘട്ടമായി ഡിസംബർ 15 മുതൽ 23 വരെ നടത്താൻ തീരുമാനിച്ചത്. നിലവിലെ സാഹചര്യത്തിൽ, വിദ്യാർഥികൾക്ക് ഡിസംബർ 23 മുതൽ ജനുവരി 4 വരെ നീളുന്ന അവധിക്കാലമാണ് ലഭിക്കുക.

The Christmas exam timetable for schools in Kerala has been rescheduled due to the local body elections, giving students a 13-day holiday break. The exams, originally set to conclude earlier, will now run from December 15th to 23rd. Consequently, the schools will close for vacation on December 23rd and reopen on January 5th.