പാനൂര്‍: മുതിര്‍ന്ന മുസ്‌ലിം ലീഗ് നേതാവും, പാനൂര്‍ മഹല്ല് ജമാഅത്ത് പ്രസിഡന്റുമായ എന്‍.കെ.സി ഉമ്മര്‍ (80) അന്തരിച്ചു. മുസ്‌ലിം ലീഗ് ജില്ലാ പ്രവര്‍ത്തക സമിതി അംഗം, കൂത്തുപറമ്പ് മണ്ഡലം ട്രഷറര്‍, പാനൂര്‍ മുന്‍സിപല്‍ ട്രഷറര്‍, നെല്ലൂര്‍ പള്ളി കമ്മിറ്റി പ്രസിഡന്റ്, എന്‍.എ.എം കോളജ് ഗവേണിംഗം ബോഡി അംഗം, പാനൂര്‍ നജാത്തുല്‍ ഇസ്‌ലാം നഴ്‌സറി സ്‌കൂള്‍ പ്രസിഡന്റ്, നജാത്തുല്‍ ഇസ്‌ലാം മദ്‌റസ പ്രസിഡന്റ്, തിരുവാല്‍ യു.പി സ്‌കൂള്‍, ഇഖ്‌റഅ ഖുര്‍ആന്‍ കോളജ്, പാനൂര്‍ മുസ്‌ലിം വെല്‍ഫെയര്‍ അസോസിയേഷന്‍ എന്നിവയുടെ ഭാരവാഹിയായും  പ്രവര്‍ത്തിച്ചിരുന്നു. 

കണ്ണൂരിലും, പാനൂരിലും വ്യാപാരിയായിരുന്നു. ഭാര്യ: ഹാജറ. മക്കള്‍: സൈബുന്നിസ, നെല്ലൂര്‍  ശമിം (ദുബൈ), നെല്ലൂര്‍  സമീര്‍ (സ്വര്‍ണ്ണ മഹല്‍, പാനൂര്‍), നെല്ലൂര്‍ സഹീര്‍, ശക്കീര്‍ (ഖത്തര്‍),  സബീന, സൈബു. മരുമക്കള്‍: ഷംസു പോയില്‍(ദുബൈ), സുബൈര്‍ (ബഹ്‌റൈന്‍), സറീന (കിഴ്മാടം), സാജിറ, ജസീല, ആബിദ. സഹോദരങ്ങള്‍: കെ.സി അബ്ദുല്ല, ഉസ്മാന്‍ നെല്ലൂര്‍ (ട്രഷറര്‍, എസ്.വൈ.എസ് പാനൂര്‍ മണ്ഡലം കമ്മിറ്റി), പരേതരായ അബു, മഹമൂദ്, യൂസഫ്, അബൂബക്കര്‍, ആസ്യ.

ഇന്ന് വൈകിട്ട് 4 മണിക്ക് പാനൂര്‍ നജാത്തുല്‍ ഇസ് ലാം സ്‌കൂള്‍ ഗ്രൗണ്ടില്‍ പൊതുദര്‍ശനത്തിന് വെക്കും. തുടര്‍ന്ന് 5 ന് പാനൂര്‍ ജുമാഅത്ത് പള്ളി ഖബര്‍സ്ഥാനില്‍ ഖബറടക്കും