റായ്പൂർ: അടിസ്ഥാനപരമായ കാര്യങ്ങൾ പോലും ഗുരുതരമായ അക്ഷരത്തെറ്റുകളോടെ പഠിപ്പിക്കുന്ന ഒരു സർക്കാർ പ്രൈമറി സ്കൂളിലെ അധ്യാപകന്റെ വീഡിയോ സമൂഹമാധ്യമങ്ങളിൽ വൈറലായി. ഛത്തീസ്ഗഡിലെ ഒരു സ്കൂളിൽ നിന്നുള്ള ഞെട്ടിക്കുന്ന ദൃശ്യങ്ങളാണ് പുറത്തുവന്നിരിക്കുന്നത്. ഇവിടെ വിദ്യാർഥികൾക്ക് 'Father' എന്നതിന് പകരം 'Farder' എന്നും 'Mother' എന്നതിന് പകരം 'mader' എന്നും എഴുതി പഠിക്കേണ്ട അവസ്ഥയിലാണ്.

ഛത്തീസ്ഗഡിലെ കോഗ്വാറിലുള്ള ഒരു സർക്കാർ പ്രൈമറി സ്കൂളിൽ വെച്ച് റെക്കോർഡ് ചെയ്ത വീഡിയോയാണ് രക്ഷിതാക്കൾക്കിടയിലും പൊതുസമൂഹത്തിലും ആശങ്കയുയർത്തുന്നത്. ബ്ലാക്ക് ബോർഡിൽ ഇംഗ്ലീഷ് ക്ലാസ് എടുക്കുന്നതിനിടെ അധ്യാപകൻ ഗുരുതരമായ അക്ഷരത്തെറ്റുകൾ വരുത്തുന്നതും, വിദ്യാർഥികൾ അത് അതേപടി ഏറ്റുപറയുകയും നോട്ട്ബുക്കുകളിലേക്ക് പകർത്തിയെഴുതുകയും ചെയ്യുന്നതും വീഡിയോയിൽ വ്യക്തമായി കാണാം. അധ്യാപകൻ്റെ ഇംഗ്ലീഷ് പരിജ്ഞാനം ചോദ്യം ചെയ്യുന്ന തരത്തിലുള്ളതാണ് തെറ്റുകൾ.

ALSO READ: തദ്ദേശ തിരഞ്ഞെടുപ്പ്; സംസ്ഥാനത്തെ സ്കൂളുകളിലെ ക്രിസ്മസ് പരീക്ഷാ ടൈംടേബിൾ പുനഃക്രമീകരിച്ചു

ദിവസങ്ങളുടെ പേരുകൾ പഠിപ്പിക്കുന്നത് 'Friday' എന്നതിന് പകരം 'Farday' എന്നും 'Saturday' എന്നതിന് പകരം 'Saterday' എന്നുമാണ് അദ്ദേഹം എഴുതി പഠിപ്പിച്ചത്. ശരീരഭാഗങ്ങളെ കുറിച്ച് പഠിപ്പിക്കുന്നത് 'nose' എന്നതിന് പകരം 'noge', 'ear' ന് പകരം 'eare', 'eye' ന് പകരം 'iey' എന്നിങ്ങനെയാണ് എഴുതിയത്.  'Father', 'Mother', 'Sister' തുടങ്ങിയ സാധാരണ വാക്കുകൾ പോലും തെറ്റിച്ച് യഥാക്രമം 'Farder', 'mader, 'sester' എന്നിങ്ങനെയാണ് കുട്ടികളെ അധ്യാപകൻ പഠിപ്പിച്ചത്.

Education system in India 😶 The man in the video was identified as Praveen Toppo, assistant teacher at Primary School Machandand Kogwar in Balrampur district, Chhattisgarh, who has now been suspended by the Education Department.#Chhattisgarh #Noge #English #Teacher #India… pic.twitter.com/Ud4SGruB67

— Spot On (@Spotnews_media) November 18, 2025

ഈ പ്രൈമറി സ്കൂളിൽ 42 വിദ്യാർഥികളാണ് പഠിക്കുന്നത്. രണ്ട് അധ്യാപകരെയാണ് ഇവിടെ നിയമിച്ചിട്ടുള്ളത്. ഇതിൽ കമ്ലേഷ് പാണ്ടോ എന്ന അധ്യാപകൻ മദ്യപിച്ച് സ്കൂളിൽ വന്ന് ക്ലാസ് സമയത്ത് ഉറങ്ങാറുണ്ടെന്നും രക്ഷിതാക്കൾ ആരോപിക്കുന്നു. മറ്റേ അധ്യാപകനാണ് നിലവിലെ വീഡിയോയിലുള്ളയാൾ.

അധ്യാപകരുടെ ഈ പ്രവൃത്തികൾക്കെതിരെ നാട്ടുകാർ വിദ്യാഭ്യാസ വകുപ്പിനെയും പഞ്ചായത്തിനെയും ആവർത്തിച്ച് സമീപിച്ചിട്ടും യാതൊരു നടപടിയും ഉണ്ടായില്ലെന്നും നാട്ടുകാർ പറയുന്നു. വീഡിയോ വൈറലായതോടെ മാത്രമാണ് അധികൃതർ വിഷയത്തിൽ ശ്രദ്ധ ചെലുത്തിയത്. "മാധ്യമങ്ങൾ വഴി ഞങ്ങൾക്ക് വിവരം ലഭിച്ചിട്ടുണ്ട്. ഞങ്ങൾ വിശദമായ അന്വേഷണം നടത്തുകയാണ്. റിപ്പോർട്ടും വസ്തുതകളും ഉയർന്ന ഉദ്യോഗസ്ഥർക്ക് കൈമാറും," എന്നാണ് സംഭവത്തിൽ അധികൃതർ നൽകിയിട്ടുള്ള വിശദീകരണം.

A shocking video from a government primary school in Chhattisgarh, India, has gone viral, showing a teacher giving an English lesson with gross spelling errors. Students were captured copying mistakes like 'Farday' for Friday, 'Saterday' for Saturday, and 'Farder' for Father into their notebooks. Locals allege that one of the two teachers at the school often attends class drunk. Following public outcry after the video surfaced, authorities have initiated a detailed investigation.