ഫുജൈറ: ഫുജൈറ പൊലിസ്, 54-ാം യുഎഇ ദേശീയ ദിന(ഈദ് അൽ ഇത്തിഹാ​ദ്)ത്തോട് അനുബന്ധിച്ച് വിപുലമായ ഒരുക്കങ്ങൾ ആരംഭിച്ച് ഫുജൈറ പൊലിസ്. ആഘോഷങ്ങൾ സുരക്ഷിതമായി നടത്തുന്നതിനായി ഉന്നതതല സമിതി പ്രത്യേക യോഗം ചേർന്നു. യോ​ഗത്തിൽ, ഫുജൈറയിലെ സുരക്ഷാ, ഗതാഗത ക്രമീകരണങ്ങൾ അവലോകനം ചെയ്തു.

ഫുജൈറ പൊലിസ് മേധാവി മേജർ ജനറൽ മുഹമ്മദ് അഹമ്മദ് ബിൻ ഘാനം അൽ കാബിയുടെ അധ്യക്ഷതയിലായിരുന്നു യോഗം. യോ​ഗത്തിൽ, വിവിധ വകുപ്പ് മേധാവികളും സ്റ്റേഷൻ ഡയറക്ടർമാരും പങ്കെടുത്തു. കൂടുതൽ ജനങ്ങളെത്താൻ സാധ്യതയുള്ള പ്രധാന സ്ഥലങ്ങളിലെ സുരക്ഷാ വിന്യാസങ്ങളും, ഗതാഗത നിയന്ത്രണ രീതികളും ഉദ്യോഗസ്ഥർ വിലയിരുത്തി. താമസക്കാരുടെയും, പൗരന്മാരുടെയും, സന്ദർശകരുടെയും സുരക്ഷ ഉറപ്പാക്കുക എന്നതാണ് ഇതിന്റെ ലക്ഷ്യം.

ALSO READ: ഇനി വിമാനത്തിലിരുന്ന് ഇഷ്ടംപോലെ വിഡിയോ കോള്‍ ചെയ്യാം, റീല്‍സ് കാണാം; എമിറേറ്റ്‌സിലും ഫ്‌ളൈ ദുബൈയിലും സ്റ്റാര്‍ലിങ്കിന്റെ ഫ്രീ വൈഫൈ

യുവാക്കളുടെ സുരക്ഷക്ക് പ്രാധാന്യം

യുവാക്കളുടെ സുരക്ഷ ഉറപ്പാക്കുന്നതിനായി, ഇലക്ട്രോണിക് ഗെയിമിംഗ് കേന്ദ്രങ്ങളുടെ പ്രവർത്തന സമയവും പ്രായപരിധിയും സംബന്ധിച്ച നിയമങ്ങൾ സമിതി ചർച്ച ചെയ്തു.  മറ്റ് സർക്കാർ സ്ഥാപനങ്ങളുമായി സഹകരിച്ച് നിയമങ്ങൾ പരിഷ്കരിക്കുന്നതിനും നിരീക്ഷണം ശക്തമാക്കുന്നതിനുമുള്ള മാർ​ഗങ്ങളും യോ​ഗത്തിൽ ചർച്ച ചെയ്തു. 

സുരക്ഷിത ആഘോഷത്തിന് പ്രതിജ്ഞാബദ്ധർ

സേവന നിലവാരവും പ്രവർത്തന സന്നദ്ധതയും ഉയർത്തുന്നതിൽ ഫുജൈറ പൊലിസ് പ്രതിജ്ഞാബദ്ധരാണെന്ന് മേജർ ജനറൽ അൽ കാബി വ്യക്തമാക്കി. അതേസമയം, സുരക്ഷിതവും തടസ്സമില്ലാത്തതുമായ ദേശീയ ദിനാഘോഷങ്ങൾ ഉറപ്പാക്കാൻ പങ്കാളി സ്ഥാപനങ്ങളുമായുള്ള ഏകോപനം പ്രധാനമാണെന്നും അദ്ദേഹം വ്യക്തമാക്കി. 

Fujairah Police has initiated comprehensive preparations for the 54th UAE National Day celebrations, ensuring a safe and secure environment for the festivities. A high-level committee meeting was held to review security and traffic arrangements in Fujairah.