വാണിജ്യാവശ്യങ്ങള്‍ക്കായുള്ള പാചക വാതക സിലിണ്ടറിന് വിലകുറച്ച് എണ്ണക്കമ്പനികള്‍. നാല് രൂപയാണ് സിലിണ്ടറിന് കുറച്ചത്. ഇതോടെ 19 കിലോയുടെ വാണിജ്യ സിലിണ്ടറിന്റെ വില 1599 രൂപയായി. കഴിഞ്ഞ മാസം സിലിണ്ടറിന് 16 രൂപ വര്‍ദ്ധിപ്പിച്ചതിന് പിന്നാലെയാണ് ഈ പുതിയ വിലക്കുറവ്. രാജ്യാന്തര ക്രൂഡ് ഓയില്‍ വില വിലയിരുത്തിക്കൊണ്ടാണ് ഓരോ മാസവും ഒന്നാം തീയതി എണ്ണക്കമ്പനികള്‍ എല്‍.പി.ജി വില പരിഷ്‌കരിക്കുന്നത്. വാണിജ്യ സിലിണ്ടറുകള്‍ക്ക് വില കുറച്ചത് ഹോട്ടലുകള്‍ ഉള്‍പ്പെടെയുള്ള വാണിജ്യ സ്ഥാപനങ്ങള്‍ക്ക് നേരിയ ആശ്വാസം നല്‍കും

അതേസമയം ഗാര്‍ഹിക ആവശ്യങ്ങള്‍ക്കുള്ള പാചക വാതക സിലിണ്ടര്‍ വിലയില്‍ മാറ്റമില്ല. കഴിഞ്ഞ വര്‍ഷം മാര്‍ച്ചിലാണ് ഗാര്‍ഹിക സിലിണ്ടറിന് അവസാനമായി വിലകുറച്ചത്.